خالتو !!! to be old

02-02-2011, 23:25

مسا التماسي يا ورد ئاعد ع هالكراسي 150[1].gif

كيفني وانا بحكي بالعنوان انجليزي 148[1].gif

من فتره نزلت بمنتدى اردني موضوع بدي حدن يساعدني بخصوص شغله في الجامعه الأردنية
في بنت يجزاها الخير دلتني ع شب حكتلي انو بيعرف بهيك ؤصص
حكيت معاه فعلا تيساعدني
يا اخوان الشب جدا محترم

بس المصيبه خلال المكالمه حكالي : خالتو اربع مرات

اول مره ، حكيت يا بنت العالم ما سمعتي كويس

تاني مره حكيت وك والله خالتو بس برضو لا تستعجلي

تالت مره حكيت زلة لسان

رابع مره حكيت هي مطوله معاه ؟

خالتو : انت لي بتؤلي خالتو كم عمرك يا زلمه ؟!!

حكالي عمري 20 سنه

حكيتلو معاك حأ والله اني خالتو عنجد 161[1].gif

طلعت فعلا كبيره

بس صفنت بعد ما مضي وئت عالمكالمه
تزكرت الوالد رحمة الله عليه ،
كان مُــصّر انو حيئوم يمشي بيوم من الايام بعد ما وئع وانشل
ئبل يوئع طلب من اخوي يبعتلو من الكويت حاشا القارئيين كندره من محل هوي كان بيشتري منو دايمن وبترتاح رجلو ببضاعتو
وبعتلو
كان يضل يحكي لامي اوعي تعطيها لحد بدي البسها
طبعا ما لبسها ولا مره توفى رحمة الله عليه وهو متأكد انو حيمشي ويلبسها بس طبعا ما سار
بس كان بيحكي بدو يئوم احكي بيني وبين حالي
كيف متخيل انو حيئوم ما هو خالص !!
اتارينا يا جماعه من جوه بنضل شايفين حالنا زغار وئادرين 188[1].gif

بس الهيكل من بره بيكبر وبيبطل يشتغل تمام

كنت احكي لا ممكن تكون سعاد حسني انتحرت مشان آل ختيرت وبشعت
اكيد تزحلئت
بس يومها بعد ما صدمني بخالتو وهو عشرين وفعلا انا بالنسبالو خالتوحكيت بعد ما كانوا اللي بالتمهيدي يحكولي خالتو
ساروا اللي بالجامعه يحكوها !!!

صفنت : وك متى كبرتي ؟ وليش بعدك حاسه حالك زغيره ؟
وآل بضل احكي انو حعمل واعمل وفي بعض ملابسي فعلا مو لعمري ابدا !!
بشتري ملابس لبنت ستعشر سنه شكلي
ؤمت عالخزانه وحطيت اكمن لبسه بسلة التشحييد

السؤال :
كيف ممكن نعرف انا كبرنا ؟
وكيف نتقبل هالموضوع ونتعامل معاه ؟

وسلامتكم كانت معاكم من قلب الصدمه خالتو نكهة القهوة
اللي حيؤلي بردو خالتو بدي انحرو عباب الموضوع

المصدر: شبكة ومنتديات صدى الحجاج

03-02-2011, 09:22

شوفي خالتو ..

واحدنا بيكبر لمّا يعترف بنظرة الناس إله إنه كبير !

خالتو .. الله يطوّل عمرِك ..

خليكِ زغنونة كمان شوي .. 30 سنه بس لقدام

عشاني وَل !!

وبعدها اكبري زي ما بدّك

أنا مش ناوي أختير قبل ال60

03-02-2011, 10:10

نور صدى الحجاج بصائد اللألئ !
حكينا تحكوش خالتو

بس للستين ! لا مو طموح بالمره !!!

عني وعن حالي حاسه حالي رجلي والقبر

طولة العمر لإلك : صحه ورضا وستر وسعاده وراحة بال ، يا رب

03-02-2011, 15:36

كلامك لزيز يا ستو نكهة القهوة . آسف خالتو حكيتلك ستو . بسيطة الله يعطيك طولة العمر ونؤلك ستو .. هههههههههه

على فكرة يمكن انا سيدو . بمزح . صدقيني كلامك حاصل معي 100% .

احتراماتي خالتوووووووووووووووووووووو

17-02-2011, 20:29

اقتباس : المشاركة الأصلية كتبت بواسطة سنان [ مشاهدة المشاركة ]

كلامك لزيز يا ستو نكهة القهوة . آسف خالتو حكيتلك ستو . بسيطة الله يعطيك طولة العمر ونؤلك ستو .. هههههههههه

على فكرة يمكن انا سيدو . بمزح . صدقيني كلامك حاصل معي 100% .

احتراماتي خالتوووووووووووووووووووووو

لالالالالالالالالالا لخالتو

مشان الله ول

ادراك التقدم بالعمر امر ليس بهين

لو اخذنا مثال الصبوحه الشحرورة ، اعتقد جازمه بأنها لا زالت بمخيلتها تظن بأنها قادره ان تتزوج مرة أخرى

لولا انها صفرت ارصدتها ما ئصّرت روحها خضره وهي عنجد مفكره حالها بعدها بعز الشباب
نحنا من جوه بنضل مفكرين حالنا هيك فعلا
بس تيبدأ الظهر يئلمنا من الوقفه ولا الركب يوجعنا بنبدأ نشك بالموضوع !

الله يعطيك الصحة والكرامه طوال سنوات عمرك ، ممتنة لمرورك

الاوسمة · 18-02-2011, 14:46

شكرا خالتو أه نكهة القهوة والله كلام جميل و معبر تسلمي دائما مبدعة

18-02-2011, 16:46

اقتباس : المشاركة الأصلية كتبت بواسطة تونس الخضراء [ مشاهدة المشاركة ]

شكرا خالتو أه نكهة القهوة والله كلام جميل و معبر تسلمي دائما مبدعة

حتن انتِ يا تونس الخضرا بتحكي خالتو ؟

سرت خالتو وهازه بتخت الكل خلص سار لازم انتحر

يسلم هالمرور الطيب والغالي ويسعدلي هالمسا ، جمعه مباركه اختي يجزاكِ الخير

الاوسمة · 18-02-2011, 17:48

تسلمي اخت الغالية هذا من طيبتك و حسن أخلاقك العالية ربي يخليك

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.13 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.13 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.17 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.13 يوميا

الذين يشاهدون محتوى الموضوع الآن : 1 ( الأعضاء 0 والزوار 1)

خالتو !!! to be old

مسا التماسي يا ورد ئاعد ع هالكراسي :150: كيفني وانا بحكي بالعنوان انجليزي :148: من فتره نزلت بمنتدى اردني موضوع بدي حدن يساعدني بخصوص شغله في الجامعه الأردنية في بنت