|
خالتو !!! to be old
مسا التماسي يا ورد ئاعد ع هالكراسي :150[1]: كيفني وانا بحكي بالعنوان انجليزي :148[1]: من فتره نزلت بمنتدى اردني موضوع بدي حدن يساعدني بخصوص شغله في الجامعه الأردنية في بنت يجزاها الخير دلتني ع شب حكتلي انو بيعرف بهيك ؤصص حكيت معاه فعلا تيساعدني يا اخوان الشب جدا محترم :h7: بس المصيبه خلال المكالمه حكالي : خالتو اربع مرات :hhh2: اول مره ، حكيت يا بنت العالم ما سمعتي كويس :hhh1: تاني مره حكيت وك والله خالتو بس برضو لا تستعجلي :hh21: تالت مره حكيت زلة لسان :v9v9net_208: رابع مره حكيت هي مطوله معاه ؟ :hhh8: خالتو : انت لي بتؤلي خالتو كم عمرك يا زلمه ؟!! :v9v9net_171: حكالي عمري 20 سنه :asking: حكيتلو معاك حأ والله اني خالتو عنجد :161[1]:طلعت فعلا كبيره :patch_punnch: بس صفنت بعد ما مضي وئت عالمكالمه تزكرت الوالد رحمة الله عليه ، كان مُــصّر انو حيئوم يمشي بيوم من الايام بعد ما وئع وانشل ئبل يوئع طلب من اخوي يبعتلو من الكويت حاشا القارئيين كندره من محل هوي كان بيشتري منو دايمن وبترتاح رجلو ببضاعتو وبعتلو كان يضل يحكي لامي اوعي تعطيها لحد بدي البسها طبعا ما لبسها ولا مره توفى رحمة الله عليه وهو متأكد انو حيمشي ويلبسها بس طبعا ما سار بس كان بيحكي بدو يئوم احكي بيني وبين حالي كيف متخيل انو حيئوم ما هو خالص !! اتارينا يا جماعه من جوه بنضل شايفين حالنا زغار وئادرين :188[1]: بس الهيكل من بره بيكبر وبيبطل يشتغل تمام :7_5_140: كنت احكي لا ممكن تكون سعاد حسني انتحرت مشان آل ختيرت وبشعت اكيد تزحلئت بس يومها بعد ما صدمني بخالتو وهو عشرين وفعلا انا بالنسبالو خالتوحكيت بعد ما كانوا اللي بالتمهيدي يحكولي خالتو ساروا اللي بالجامعه يحكوها !!! :072: صفنت : وك متى كبرتي ؟ وليش بعدك حاسه حالك زغيره ؟ وآل بضل احكي انو حعمل واعمل وفي بعض ملابسي فعلا مو لعمري ابدا !! بشتري ملابس لبنت ستعشر سنه شكلي ؤمت عالخزانه وحطيت اكمن لبسه بسلة التشحييد :surprised2: السؤال : كيف ممكن نعرف انا كبرنا ؟ وكيف نتقبل هالموضوع ونتعامل معاه ؟ وسلامتكم كانت معاكم من قلب الصدمه خالتو نكهة القهوة اللي حيؤلي بردو خالتو بدي انحرو عباب الموضوع :10_5_137: |
رد: خالتو !!! to be old
شوفي خالتو ..
واحدنا بيكبر لمّا يعترف بنظرة الناس إله إنه كبير ! خالتو .. الله يطوّل عمرِك .. خليكِ زغنونة كمان شوي .. 30 سنه بس لقدام عشاني وَل !! وبعدها اكبري زي ما بدّك أنا مش ناوي أختير قبل ال60 :hh25: |
رد: خالتو !!! to be old
نور صدى الحجاج بصائد اللألئ !
حكينا تحكوش خالتو :hh25: بس للستين ! لا مو طموح بالمره !!!:hh23: عني وعن حالي حاسه حالي رجلي والقبر :v9v9net_208: طولة العمر لإلك : صحه ورضا وستر وسعاده وراحة بال ، يا رب :shy1: |
رد: خالتو !!! to be old
كلامك لزيز يا ستو نكهة القهوة . آسف خالتو حكيتلك ستو . بسيطة الله يعطيك طولة العمر ونؤلك ستو .. هههههههههه
على فكرة يمكن انا سيدو . بمزح . صدقيني كلامك حاصل معي 100% . احتراماتي خالتوووووووووووووووووووووو |
رد: خالتو !!! to be old
اقتباس:
ادراك التقدم بالعمر امر ليس بهين :hh31: لو اخذنا مثال الصبوحه الشحرورة ، اعتقد جازمه بأنها لا زالت بمخيلتها تظن بأنها قادره ان تتزوج مرة أخرى :23_33_7: لولا انها صفرت ارصدتها ما ئصّرت روحها خضره وهي عنجد مفكره حالها بعدها بعز الشباب نحنا من جوه بنضل مفكرين حالنا هيك فعلا بس تيبدأ الظهر يئلمنا من الوقفه ولا الركب يوجعنا بنبدأ نشك بالموضوع !:187[1]: الله يعطيك الصحة والكرامه طوال سنوات عمرك ، ممتنة لمرورك :21: |
رد: خالتو !!! to be old
شكرا خالتو أه نكهة القهوة والله كلام جميل و معبر تسلمي دائما مبدعة
|
رد: خالتو !!! to be old
اقتباس:
سرت خالتو وهازه بتخت الكل خلص سار لازم انتحر :v9v9net_208: يسلم هالمرور الطيب والغالي ويسعدلي هالمسا ، جمعه مباركه اختي يجزاكِ الخير http://sadaalhajjaj.com/vb/images/icons/24.gif |
رد: خالتو !!! to be old
تسلمي اخت الغالية هذا من طيبتك و حسن أخلاقك العالية ربي يخليك
|
| الساعة الآن 03:08. |
Powered by vBulletin® Copyright ©2000 - 2025, Jelsoft Enterprises Ltd. , Designed & TranZ By
Almuhajir
new notificatio by 9adq_ala7sas
Developed By Marco Mamdouh
جميع الحقوق محفوظة لشبكة و منتديات صدى الحجاج