نص بطن ..

الاوسمة · 23-05-2009, 12:10

نص بطن ..

بما انه الحكومة بواد والناس والتجار بواد .. وبما انه الاسواق صارت مثل حارة كل من ايدو الو .. واصبحنا نطبق مبدأ (( سلك نفسك يا جدع )).... وعلى حسبي وداد قلبي ....
فان عليك ايها المواطن .. الماكل بطيخ اصفر ان تسلك نفسك انت ايضا ... لكى تستطيع ان تعيش يومك الطويل .. وعلى راي المثل الذي يقول ( يومك يا طحان ) او المثل الذي اعشقة والذي يقول ( الطايح رايح ) او المثل المنتشر بين خلق الله والذي يقول ( زيتون برما داشر وتعيشو يا همل ) وبالطبع فلكل مثلا قصة ....
وانطلاقاً من الحرية التي ننعم بها ومن مبادىء الرقص الذي اولة حنجلة .. وعلى راي احمد عدوية في رباعيات السح اندح امبو ..... الواد طالع لابو ...
فقد جادت قريحتي بحل مثالي لكل الازمات التي يعاني منها البشر والبقر والحجر .... ومن لف لفهم ....
تسمى خطة النص بطن .........
وكما هو الامر في شوارع الضباب ,,, حيث تشاهد الصبايا والعجائز بنص بطن ... فلا بد من ان ندرك ان خطة النص بطن هي فعالة تماما في خفض تكاليف الانتاج الى النصف.... بطن ..
خذ عندك بما انكم تحبون سواليف الحصيدة ..... علينا ان نطبق ((النص)) في كافة المجالات ... فمثلا .. نريد نص بنطلون يعني شورت .. ونريد نص شورت يعني مايو ... ونص مايوه ..يعني بيبي دول لحد هون وبنوقف ..بلاش يتهمونا بالاباحية .. او بالسكر والتحرش والعربدة ......
وبعدين بدنا نص شماغ. ونص عقال ونص منسف . ونص بطيخة. ونص كم ... وبدنا نص حفاية يعني فردة واحدة بكفي .. ونص جربان .. ونص سيجارة. ونص مسبحة. ونص بيت. ونص حمام. ونص راس لفت .. ونص نخاعات ونص طحالات ... ونص جاجة .. ونص حرمة .. ونص رجل .. ونص جزرة ... ولازم النوم يكون نص الليل فقط ...و الرعط نص .. والخرط نص ..( يعني مش مجوز .. فرداوي ) على راي سميرة توفيق ..

ولازم مدير المنتدى ابو معمر ... يطبق الخطة بحذافيرها .. ويحذف نص المواضيع .. وبعدين يحذف نص النص ونص نص النص ....... وبالعربي لازم يحذف 99.99999 من المواضيع ..التي ما بتسوى شلن .. وما بتستاهل الواحد يشوف عنوانها .. وعلى الله تعود بهجتنا والفراح .......... .. ولانه الامر زاد عن حده وصار المنتدى منتدى .. الابواب الخلفية ... يعني للطبخ والنفخ .. والمكياج .. والمارين مرور الكرام .... وصار باغلبة مواد ة .. ويا ريت عليها العين .. لكن ننقل مواد سخيفة .. وهاملة .. حرام .. مش مستاهلة النقل اصلا...
خلينا بالنص بطن بلاش .. يشطبولنا الموضوع وبعدين ينزلو فينا شلاليت ......
وممكن نص منتخب كرة قدم لانه منتخبنا صار مطسه ... وممكن نص مصروفات الكهرباء والماء والخلويات ...وبلاش الهلفتة والشبع .. خليها نص بطن .. اريح للمعدة .. . يعني بصريح العبارة ..
احنا عايشين زمن النص .... مش مهم نص كم... او نص بطن ... او نص نصيص .. المهم انه نص ....

ملاحظة .. هذا موضوع نص كم .. ونص بطن .. ونص كندرة .....
ارجو التدقيق في عدد الذين دخلو هنا و قراءو الموضوع .. من الموكد انه رقم قياسي .. لماذا لان العنوان تافه ... والموضوع نص كم ... ....
لو كان الموضوع جديا او حقيقيا لما دخل اي فرد ...
لا حول ولا قوة الا بالله ...
المصدر: شبكة ومنتديات صدى الحجاج

23-05-2009, 13:26

لا ابو قنوة الموضوع مش تافه....لانو انا بعرف شو النص
وبعرف كت الكوست شو بعمل و كمان نص البطن شوبعمل

23-05-2009, 20:36

اخي ابو قنوه
والله كلامك درر
لا لل

نعم للابداع .... سمعناها كثير

وللاسف انا اول واحد بنقل .
بس 99.999% من مواضيع تافه ونص كم والله انا مش معاك
يا ابو قنوه والله في مواضيع رائعة وانا استفدت منها حتى لو كانت

ه . انا بحكيلك في مواضيع مش هالقد بس في ناس بعتبرها
جيدة ومفيده ( كل واحد اله فكره ومزاجه ... لازم نحترمه ونحترم فكره )

انظر الى الجانب المشرق دوماً يا ابو قنوه

24-05-2009, 10:50

انا رديت لاني شفت اسمك عليه

كان بأمكانك تقلل من الكلام وبكفي نصه

(((نص الرد مفقود)))

الاوسمة · 24-05-2009, 11:39

شكرا يا اسد ..
يا مشتاق ... .00001% هي المواد التي استفدت منها انت وانا والباقي .. حبطرش ...

طوف وشوف ..
ردك النص بطن ابو سلطان كان بالغ الاثر في .............. عفوا الهاتف المطلوب غير مستعمل.

24-05-2009, 12:05

هههههههههههههههههههههههههه

عرفت كيف ترد
.
.

25-05-2009, 10:04

ابو قنوة......

نص بطن....
نص كم.....
نص النص..
بس انا قرات كل النص بس ما اتخيلت انك توصفه بانه تافه وبالعكس العنوان مفهوم وما اله دخل بالتفاهة وانا الموضوع داخلة عليه داخلة ان كان تافه ولا نص نص
بتعرف ليش .............. لانه صار عندي فضول اقرأ كل ما تكتب حتى لو ما برد عليها...
مشكور على اية حال

الاوسمة · 26-05-2009, 13:25

هيك بتحرمينا من طلتك البهية يا اسرار...

ما بصير ...

27-05-2009, 08:21

موضوع حلو ابو قنوة تسلم ايديك عليه

ومتل ما حكولك ابدا مو تافه لو كان تافه ما كان اسمك تحته

الاوسمة · 28-05-2009, 11:30

سلمتي دائما يا دانا...

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.78 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	1.23 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.43 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.78 يوميا

الذين يشاهدون محتوى الموضوع الآن : 1 ( الأعضاء 0 والزوار 1)