الى من علمني الحب

الى من علمني الحب

علمتني كيف اعرفك لين صرت اجهلك
ضيعتني في متاهاتك وكنت ارتجيك
حبيب الاحلام يابعدك ويامقربك
حرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك
اخاف اغمض عيوني وإن رمشت افقدك
واخاف افتح وتصبح حلم ولا التقيك



خلاص ماعاد تعنيلي ولاحاجه
رح جعل ربي يوفقك ويوفقني
عطيتك اكثر من اللي كنت تحتاجه
اسرفت بالحب لين الحب وهقنـــي
لو ادري انك مرافقني على حاجه
لعطيك حاجتك واقول فارقنـــــي



سمعت باليتيم اللي قدام عينة تموت امة
يناظر ولا يقدر يبرر دمعت الشفقان
يصرخ خذي روحي بس خليك يايمة
وتموت ويعاني مع الذكري الم واحزان
كان احساسي احساسة وما همني همة
هو القدر اخذ امة وانا فاقد اعز انسان



اشتقتلك بالأمس واليوم مشتاق
وبكرة إذا شفتك يزيد اشتياقي
لجلك يزيد الحب وتزيد الأشواق
ويزيد من بين الضلوع احتراقي
الله جمع فيك الحلاوة والأخلاق
مثلك ولو دورت ماني ملاقي



لاتتصل ماني على الصوت شفقان
وفر كلامك عنوتك وإتصالك
اللي زعل يبقى على طول زعلان
ومشكور ماقصرت يكفى سؤالك
مامشي ورا المقفي ولو كان ماكان
بعز نفسي صوب رغبة وصالك
وأن كنت ناويها صدودن وهجران
لابو الهوى والحب لابو جمالك



أنا ((خويك)) كان خانوك خلان
وأنا ((سراجك))إليا أقبل الليل ضاوي
وأنا((وطنك))إن كان مليت الأوطان
(تعال)تلقى لك وليفن وهاوي
أحط لك رمشي غطا لي صرت بردان
وإن ماكفاك الرمش بالجوف تااوي



لا جيت ابختار غيرك ارجع "اختارك" ولا جيت أخونك أزيدك عشق "وأصونك"
عــندي جــنتي هــي بالــهوى "نـارك" بالضــبط فينــي جنــون يشـــــبه "جنونك"
اترك خطاياك واترك عنك "اعـذارك" انســى عــذابي وقــلي انت "وشـــــــلونك" ؟



الله وأكبر كل ما أخترت في الدنيا صديق..
ما لقيت إلا صديق يدور منفعه..
أن جيته حزة الضيق زاد الضيق ضيق..
وإن جاني سقت دمي علشان أنفعه..
إلا أنت مكسب لي ياعز الرفيق..
أتشرف كل ما قلت أنا (أعرفه)..



قِـسَــى .. وادري قساوته على شخصي بلا أسباب
سوى إنه يبي ّ عذر ٍ يبــرر بعـــــض أهــدافــه
رجيته لا يـــهيـن الحــــب ّ و لا يفتح لــ همـيّ باب
و لكن صدّ .. وراح ،، حرامـ الرب ّ ما يخافـــه ..



ثقيلـــــــه
مزحة الدنيا ..
غثيثة .. مزحة الأيام ..!
تقول إنطر على بابك ترى
’’ الغالي // على جيه .. ‘‘
وأروح لــ بآبــي بــ خطوهـ تسبق الأقدام
بــ شوق يحمله قلبي .. وعين تحتضن ضيّــه ..!

رجعت وخاطري .. ضايق // .. أنا ماشفته يجي أعوام
تجين الحين يادنيا تصحّين | الــحــزن | فيّـــه !!!
كذبتي ليه ؟!! ياأيامي على قلب // مسى منظــــــآم
وأصبح بــ الأمل لأنه ..
.. صدقك بـــ )( حسن نيه )( ..!!



ماقول حبينـا بعـض وآلـوم قلبـي والنصيـب !
اقـول حبـك ذنـب لايغفـر علـى مـر ~ الزمـان ~
بكرهـ جروحك مع مرور الوقت مـن قلبـي تطيـب !
( وانسى غبائي ) يـوم عزيتـك ولاذقـت الهـوان ..



أدري اني بـ الهوى مالي ، مثيل
دايم أقابل ذنوبك ! في ~ هلا
كم عطيتك مير مافاد ~ الجميل
ليه احط الطيب في قلب ٍ ~ سلا
جيت لك جالي وأدور لي ~ دخيل
يادخيلي كيف تنكر من ~ جلا
غلطتك هذي علّي أكبر ،، دليل
إن قلبك فـــ المحبه ما / امتلا
هذا ماعندي قبل وقت ~ الرحيل
ما يفيد الحب .. لا مات الـ غـلا !!



.. ~ .. آســـف .. ~ ..
إذا كاني غلطت وجيت عكس إردآتــك
و آسف إذا كاني خذلتك دون قصد وبـــ إختصار
صدقني إنك كل ما مريت روحي نادتـــك
ما كنها تعرف سوى اسمك
[ من كبـار ,، ومن صغــار ] .. !



تدري من المسكين في هــ × الكون كلّـــه × بــ إختصار ..؟!
اللي تحبه روحـــك العذبـــه وهو ~ ماحبها ~ .. !




كل عاذل جاك بَعْدِي ،، وقالـ لك إنِّي " سعيد "

ما صِدَق .. !!

وين السعادهـ ،، والحزن شيَّد رحيلك .. !!

وكل عاذل قال عنِّي شي ،، إحساسه بليد

ما قدر ياخذ كثيرك ،، صار يطمح في قليلك .. !!

وكل عاذل إن عطيته وجهـ ،، ورَّاك المزيد

لو يقول إنَّهـ : يبيلك خير ،، والله ما يبيلك .. !!



لاصرت ماتدري ليش انت رجال ؟!
والله خسسارهـ فيك ذبح التمايم



مآغرني كلمه ولا جآبني رآي
من خلقتي وانا كذا صدقيني
من خلقتي وآنا كذا مااسمع الرآي
عنيد سميني مثل مآتبيني
اسوق قلبي وين مآتمشي خطآي
احسب حسآب الوقت
واحسب سنيني ..!!
ان جيت درب اجي طآيع و برضآي
تسبق خيآلي خطوتي قبل عيني ..




لو قلـت لك :
ان ’ الشتا ، ملح الفصول الأربعه
و يمكن تلاقيني معـه ... !
يمكن تعـاند وقـتك < القـاسي > و تبدى من جديد
يمكن تكون انته الوحيد .. اللي عشق ’صوت المطر،
اللي تبع ,, سكة حنينه و انتظـر ... !
اللي حبس / دمعه .. و مأساته تزيد
والريح ... لا ما زعـزعه ؛
لأن ’ الشتا ، ملح الفصول الاربعه
و يمكن .... !
تلاقيني معه .....




انا اسأل عنك يا اللي ما سألت وما طرى تسأل
عن اللي.. كل ما تطري عليّه .. يوّلم العبره !

زمانه بالتعاسة والحـزن والهـم مـا يبخـل
دموعه في عيونه والبلى في خافقـه جمـره !

حبيبي من يقول إن الغياب ف وضعنا أفضل
!تفارقنـا وكـلٍ فـي حياتـه حالتـه خطـره

سقى الله يوم كنا نزعل الدنيا ... ولا نزعـل
حبايب مالنا فالحزن وإدمـان التعـب خبـره

حبيبي سامح الله الزمان اللـي علينـا اسـدل
جراحه ! لين سال احساسنا قطرة ورا قطرة !

طبيعي لو يمر الفرح جنب القلب ما يدخـل
!نبي نفرح ولكن يا حبيبي منين يا حسرة

المصدر: شبكة ومنتديات صدى الحجاج

[rainbow]كلمات اروع من الروعه تهيج المشاعر

وتفرض على القارىء الرجوع الى الذكريات الحلوه بمرارها
ولكن لايزال الفرح موجود ويدخل القلوب
ولكن من يبحث ................؟[/rainbow]

الشوق ما عنه الكلام رائع والمشاعر اروع
لا تخافي من يحب بصدق لن يخسر بالنهاية
لانه على الاقل ذاق وجرب اروع واعذب مشاعر الدنيا

واجمل واروع الم وعذاب
عذاب حرمان الحب اجمل من عذاب انتظار شخص لنحبه
اهنئك قصيدة رائعة
ورد الصباح