تمام يا افندم

تمام يا افندم

مجتمعنا مجتمع نفاق اجتماعي وكذب عام وخرط ومرط ورعط يومي يشبه فتاشات الحكومة وخرطها اليومي وحشوها المستمر في اذاننا بأن كل شىء تمام يا افندم .... ليش بقول كده ..
علشان احنا بنكذب على حالنا .. بنقول احنا بلد الانسجام بين الاديان .كذب ... مافي مسيحي بطيق مسلم ولا مسلم برد السلام على مسيحي . واحنا بلد المهاجرين والانصار الاردني بسب الفلسطيني والفلسطيني بسب كمان .....والشركسي بسب والكردي بسب والهندي بتفرج .... واحنا بلد الامن والامان .. وبحملونا جمايل ..كانه احنا مجرمين وهم مسيطرين على الوضع يعني مثل البامبرز والاصل انه الامن هو من الناس انفسهم .. كذب بكذب ...واحنا بنبيع البترول للناس ارخص من السعودية ..كذب احنا اغلى بلد في العالم .. ومواطنا جمل المحامل او حمال الاسية او تنك نضح الحكومة ..... واحنا مافي عندنا مشاكل مخدرات ولا جريمة منظمة والسجون مليانة شميمة وحشاشون والمجرم بسرق حارة بحالها وبسلخ سنه سجن وبطلع يسرح ويمرح ..... وبنقول انه مؤسسة عالية تمام يا افندم وهي مفلسه ومسروقة ...وانه مؤسسة المواني تفوقت على ميناء هامبورغ ..كذب وهي على قوائم الموانىء السوداء في العالم ......وانه الضمان الاجتماعي ارقي من بتاع السويد وراتب المدير 20الف وتكة من عرق الناس وتعبهم ... يعني اعلى من راتب ساركوزي ... وانه البرلمان عندما تمام التمام مع انه برلمان مقاولين وبزنس ...وانه ما في عندنا مشاكل في التسعيرة او في التلوث بالهواء ولا بالماء ولا بالغذاء والفلافل تمام والشاورما تمام ومياه العاصمة تمام..وكله خربان . والاعلاف تمام والرغيف تمام واللحوم على قفى مين يشيل والضرائب زيرو والرسوم زيرو والصحة ببلاش والتعليم بدفعولك من جيوبهم بس علم عيالك والموظف لديه فائض نقدي مش عارف وين يحطه ..والسواقين بتوع التكاسي احسن ناس ... وزيت القلي ارخص من الفجل والفقوس السنة حبطرش ... والمواصلات مش لاقية حدا يركبها والحمير بتسرح وبتمرح مثل بقر الهندوس .. ما في سرقات ولا فساد ولا هبش ولا لبش ..ولا شحادين ولا جعانين ولا بطيخ مسمر .... والانتاج الزراعي بهبل ... والامطار فاقت المعدل والتصدير 700 ضعف الاستيراد .. والبندورة الحبة برطل .. والشوارع مقعره وهبيانة ...والكهربا 500فولت والخلوي ببلاش والمواطن عال العال والموظف بتدلع والعامل بتمايص والفلاح بتولدن والجوامع ماخذه راحتها والحكومة ليل نهار تعبانة بتلف على الكحيانيين .. اصلا ماكو حدا كحيان ... وكذب من قال ان الاردني يدفع 65 نوع من الضرائب وانه يحمل على كتفة هم رواتب ومصاريف كبار الموظفين والمدراء والوزراء ونسوانهم وعائلاتهم وخدمهم وكلابهم وسفراتهم وعلاجهم وعلاج كلابهم وامنهم ومائهم والي بالي بالك .... كله كذب .. وخرط .. في كل وزارة وكل دائرة ومديرية وقسم ونقطة ومحطة وحارة ومغارة وتواليت عندنا مشكلة ...من البنك الدول وجر لحتى توصل راعي الغنم السارح جنوب شرق معان ..
تمام يا افندم .....
الناس تمام كذب والوضع تمام كذب كله تمام يا فندم وكله كذب بكذب ..
انا وانت والناس والحكومة دقي يا مزيكة ورقصني يا جدع

المصدر: شبكة ومنتديات صدى الحجاج

موفق بإذن الله ... لك مني أجمل تحية .

ابو قنوه سلمت علىالطرح الشامل الجميل الذى يجمع كل هموم المواطنين فى تعابير
مثقفه وناقده الى ابعد الحدود اهم اشى زى ما قال حسن السبايله سوف نقوم فى طرح الاعواد الصينيه التى ياكلون فيها الرز الى كل مواطن اردنى من اجل ياكل منسف فيها الرز من هذا التاريخ يوكل فى الحبه وليس هبد فى الايدى

سلمت

شـكــ وبارك الله فيك ـــرا لك ... لك مني أجمل تحية .
على وحده ونص
مو زجاجة بيبسي 2.25 لتر حجم عائلي

الله بعين

موفق بإذن الله ... لك مني أجمل تحية .