شخصيات موجودة بأي عائلة عربية بالذات (اردنيه )

شخصيات موجودة بأي عائلة عربية بالذات (اردنيه )

.

هاذا الموضوع عن شخصيات موجودة بأي عائلة عربية بالذات (اردنيه ) نبدأ

:::::::::::::::::::::::::::::::::::::::::::::

١- الشخص الخفيف الدم اللي بيسلي القعدة ( جميل ) و عادة بيكون لسانه زفر شوي و مسموحله يحكي شو ما بدهطول ما هوة عم بيضحك بالبشرو هوة اللي خالد لما يخطب لميا بيحكيلها عنهلو تشوفي ابن عمي زياد نهفة بموتك ضحكو بيجي زياد عالقعدة نافخ ريشه لانه عارف شو بينحكى وراهو شو ما حكي زياد الكل بيضحكحتى لو حكى صباح الخير

------------------------------------٢- الشاب العسكري ( فادي ) بالعادة بيكون الشب الشخصية و واسطة العيلةو بيكون لما يقعد بقعدة الكل بسألوه كيف الدوام وكيف الشغلعشان آخر اشي يحكوله بدنا تشغل عصام اخو خالد عندكو ( بيفكرو الامن ملكه الشخصي ) و نص العيلة بدهم رضاه ولما يروحو عليه كل تلفناتهم بتصير ترن اغاني وطنيةوكل ما يشوفو شرطي ببلشوله ( النا ابن عمنا زميلك ) بقرفوه عيشته عشان يوروه انه الهم ابن عم بالامن العام :
-----------------------------------

٣- نمامة العيلة ( نجية ) و هاي عادة بتكون زوجة احد الاعمام او اولادالعمامما بعرف ليش ما تسالونيهاي اللي عندها الاخبار دايماو اخبارها لازم تشيل نصها و تصدق نص اللي شلتهعشان توصل للحقيقة بتبهر و بتفلفل على خاطرهاو بتضيف من عندها بيحبوها النسوان و بيكرهوها و بنفس الوقت بخافوا منهابتحس هيه باهميتها لما حدا يسألها شو الاخبارو بتفرد حالها و بتبلش تذيع و بالاخر بتقولك بالله ما تجيبي سيرة اني قلت لك انا شو خصنيبتعرفيني بمشي الحيط الحيط و بقول يا رب الستر .

----------------------------------

٤- غنية العيلة ( نونو ) كل عيلة فيها واحد بيكون اغنى من الكلو بكل عيلة بتكون مرته مركز نظرالنساوين شو لبست ووين راحت و شو عملتو بتكون نمامة العيلة زي الذنب الها عشان تجيبلهم الخبر اليقينبتحكي من طرف مناخيرهاو بتقعد عطرف الكرسي كانها قرفانة ( يرحم جدها مات من ريحة رجليه ) و اذا بتضيفها اشي او بترفضة او بتاخده بس ما بتاكله ع اساس انها شبعانة ببيتهاكلامها و احاديثها لا تتعدى شو عملت الفلبينيةو كيف تخانقت مع السيرلنكيةو اديش الشوفير منشف دمهايعني كمان شوي بتحزن عليها
---------------------------------

٥- مشكلجي العيلة ( خليل اللغم ) و مشكلجي العيلة هوة الشخص اللي بيجيب العار للعيلة بعمايله السودابيستعروامنه بس برضه بخافوا منه لانه بايعها و مش فارقة معهبيكون عادة صحبة مع زياد اللي بيشوف فيه مصدر هام للتنكيتومع فادي عشان الكفالة بالمخافر وعشان ما يوقع معه .
--------------------------------

٦- كبير العيلة ( الحج ابو مجحم )و هذا اللي بدك تسد بوزك و تسمعه و هوة بيعيد القصة مرة ورا مرةبحكيلك قصص ايام الحصيدة و الثلجة الكبيرةو لما كان بالجيشنص قصصة كذب بكذبمش بقولو ما اكذب من شاب تغرب الا ختيار ماتت اجياله؟كان رح يشتري نص عبدو نوالشميساني إنعرض علية بالف ليرةلما كان كيلو اللحمة بعشرين قرش
-----------------------------

متغربالعيلة ( جاك ) كل عيلة فيها على الاقل واحد بالخليجبيجي بالصيف و الكل بيكون يستنى الهدايالما يوصل بيلاقي الكل متجمع و الكل بيسلم عليةو بتكون امه عامليتله ورق و كوسىو شباب العيلة بينلموا و اشتقنالك يا ابو الجووجو شوفلنا شغل معاك و الله اخوك مش لاقي يحلقكانه المسكين صاحب شركة هناكطبعا العرط بيشتغل من طرفهو بحكيلك عن سيارته البورش و بيته و بيكون عايش مع تلاته بغرفةبعد يومين بتلاقيه قاعد عالبلكونة بالفانلةلحاله بيشرب شايولا حدا سائل فيهو امه بالمطبخ بتعمل مجدرة
-------------------------------

عزابي العيلة ( يوسف ) او الدون جوان النسوانجيبيكون حليوة (نسبيا طبعا )و بس يزور حدا من القرايب عندهم بنات بينضبواو بيصيروا يبصبصوا علية من بعيد و بتشتغل المسجاتهدا بيكون عنده شوية غرور على شوية عجرفةبقعد و بيحط اجر على اجر و عادة بيصير عمرة فوق الاربعين و ما بتجوزو بضل يشتري سيارات بي ام على امل انها تصيدبكل قعدة بحكي عن غرامياته و بيتجمعوا حاوليه شباب العيلةو بيصير يورجيهم صور و مسجاتبرضة بيكون صحبة مع زياد و مصرف العيلة و بيسهروا سوى وبكون يكره فادي ع اساس انه مش سائل ..
-----------------------------------

شقفة العيلة احلى بنتبالعيلة (فوفو) بتكون محط انظار اولاد العم و الخال بس هيه نظرها بعيد شويبتمشي يا ارض اشتدي ما عليكي قديو بتقعد مع نساوين العيلة عشان يصيروا يمدحوا جمالهابرضة متل دون جوان العيلة ما بعجبها العجب و بتطول لتتجوزاذا تجوزت اصلاما بتكون صحبة مع بنات العيلة و بتلاقيها دايما في الاعراس بتتلقط عريس من بعيدمن مبدأ نفسي فيه و تفو عليه


---------------------------------

دكتور العيلة ( علي ) و هذا المسكين اللي ما بتهنى بقعدةبس يوصل لمحل بنلموا علية و يا ميمتى خواصري بيجعننيو شوف يابا مبارح و انا لما ( و بيصير يوشوشو الليبتنادي ابنها تعال ورجي الدكتور حلقكهاتي معلقة يا غدير خلية يشوف زلاعيم اخوكيو اللي بيعرض علية روشتات دكاترة تانيةو اللي بيجيبله صور اشعةو االلي بقولوا شوفلي ظغطيطبعا كل القاعدين بفحصوا ضغطهم بعدهو كل حياته بتكون هيك بغض النظر ان كانت زيارة او عرس او حفلةطبعا هوة ما بيقصرو ممكن يصير يقولك مين الحمار الي اعطاك هذا الدوا ارميه و بكتبلك غيره

----------------------------------

كمبيوترجي العيلة ( سامر مسنجر ) هذا طبعا بعد طفرة الكمبيوتر صار له اهمية كبيرةبالاول كان الفاشل التافه اللي ما بيعرف اشيوضعه متل دكتورالعيلةو بتقول امه بكل خيلاءبس يجي علاء بيزبطلك الكومبيوترو الله ما في اشطر منهمبارح خلانا نشوف عمرو ديابو بيجي علاء المسكينشوف كمبيوتر ابن خالتك ريم اللعبة ما بتشتغلو بيجي حمودة ابن ريم و بيقعد يتفرج على علاءمثله الاعلى بالحياة و هوة بيشغّل الكومبيوترو ينبهر حمودهو بيفهمه علاء انه عشان تقدر تلعب اللعبة لازم بالاول تشغّل الكومبيوتر
---------------------------------

طفل العيلة الموهوب ( حمزة ) هذا اللي بكل لمة بنادوه يغنيتعال عبود غني لعمو اغنية اليسا لو تشوفو كيف بغنيهاو طبعا في نوعين من عبود في عبود الليبستحيشو بتلاقي قرفك و هوة بيعيد بالاغنيةو امه فرحانه فية و كل شوي بتقول ما شاء اللهكأنه ما حدا خلّف غيرهااو النوع اللي بتطلع روحك و امه بتقنعه يغنيو ياللا ورجي العمو اديش انت شاطرو بتصير انت بدك تخلصبتقوله غني حبيبي بعطيك شوكولاطةو بيكون بجيبتك شوكولاطة مفعصة من عرس قديمبتورجيه اياها كنوع من الاغراءو في حالة كان دكتور العيله او شرطي العيلة قاعدين بيجي التهديد المباشراذا ما بتغني الدكتور بضربك ابرةاو الشرطي بيسجنكبتلاقيه صار يغني و نص اصابيعه بتمهو بتصير امه تعطي اعذار و بتعصب عليهعاد بالبيتطول نهارك تغني روح تخيب من وجهي.

المصدر: شبكة ومنتديات صدى الحجاج

- مشكلجي العيلة ( خليل اللغم ) و مشكلجي العيلة هوة الشخص اللي بيجيب العار للعيلة بعمايله السودابيستعروامنه بس برضه بخافوا منه لانه بايعها و مش فارقة معهبيكون عادة صحبة مع زياد اللي بيشوف فيه مصدر هام للتنكيتومع فادي عشان الكفالة بالمخافر وعشان ما يوقع معه .

شقفة العيلة احلى بنتبالعيلة (فوفو) بتكون محط انظار اولاد العم و الخال بس هيه نظرها بعيد شويبتمشي يا ارض اشتدي ما عليكي قديو بتقعد مع نساوين العيلة عشان يصيروا يمدحوا جمالهابرضة متل دون جوان العيلة ما بعجبها العجب و بتطول لتتجوزاذا تجوزت اصلاما بتكون صحبة مع بنات العيلة و بتلاقيها دايما في الاعراس بتتلقط عريس من بعيدمن مبدأ نفسي فيه و تفو عليه



هههههههههه ناااااايس الموضوع

٦- كبير العيلة ( الحج ابو مجحم )و هذا اللي بدك تسد بوزك و تسمعه و هوة بيعيد القصة مرة ورا مرةبحكيلك قصص ايام الحصيدة و الثلجة الكبيرةو لما كان بالجيشنص قصصة كذب بكذبمش بقولو ما اكذب من شاب تغرب الا ختيار ماتت اجياله؟كان رح يشتري نص عبدو نوالشميساني إنعرض علية بالف ليرةلما كان كيلو اللحمة بعشرين قرش




موضوع رائع يسلمو عالنقل الرائع

يقطع شركم
من وين بتوقعو عهالسوالف

يعني بعد التحملق والتحميص والتحليل يعرفت أقراء هالموضوع إلي بضحك .


شكرا لرفيف

مشكووووووووووووووووووورة موضوع رووووووووووعة