مذكرات اقرع

مذكرات اقرع

غدا ...
ويمكن اليوم
بدي ابلش بالنقل عن كتاب مذكرات اقرع لمؤلفة العلامة ( كامل السوالقة )
علما ان الكتاب وقع تحت ايدي بعد مؤامرة كبيرة قام بها عدد من الرفاق والرفيقات
وهذة المذكرا هي همس خواطر واحد اقرع ..
وكلها فضايح ... انتضرونا تجدو ما يجعلكم تقهقهون وتصهللون .

( اجاك الموت يا اقرع )
التوقيع ابو قنوة لمتد

المصدر: شبكة ومنتديات صدى الحجاج

هههههههههههههههه
انا في الانتظااااااااااااار بكل شوووووووووووووووق


اوعك تتاخر علينا ابو قنوة ليمتد

نزولا عن عند رغبة الجماهير الكحيانة
وبناء على طلب الجاهة الكريمة التى شدها اليوم كامل الينا وفي موعد الغداء
وخوفا من الفضيحة المدوية لمذكرات الاقرع
ونزولا عند رجاء كامل بعدم نشر غسيلة الوسخ على حبال المنتدى
فقد قررنا نحن ابو قنوة ( والنعم والنعمتين)
تأجيل المذكرات
ولترسيخ الديمقراطية على اصولها
وعملا بالشفافية وتقبل الرأي والراي الاخر
ولتحقيق الاتجاه المعاكس
قررنا
عمل استفتاء بين جماهير المنتدى بذلك

فمن اراد منا ان ندون المذكرات علية ان يضع موافقته هنا
ومن لم يرد منا كتابة المذكرات
ما في داعي نشوف اسمة هنا
هيك الديمقراطية العربية على اصولها .
ننتظر اصواتكم .

من شان خاطر كامل جبتلو هالبحث عن علاج القرع :
الباروكه العجيبه .. .ترم ترم.. نعم هي الباروكه العجيبه انتاج محلي من مصانع ابو قنوة ليمتد

مميزات هذا النوع من البواريك ..... بالاول جهز معي المواد التالية وخلي الباروكة شوي ( طول بالك )
عليك اولا طلاء القرعة بزبل بلدي من انتاج ابقار الظليل ( مد على الظليل من الصبح ) الله يصبحك بالخير , ثم عليك استعمال الزبل بعد تحضيرة جيدا وغمسه في بول جمال معفن من عشرين سنة وبعدين شوفلك ولد مبربر ( يعني بربورو طايح شبرين من خشومو ) اخلط البربور والخنان مع الزبل وحط فوقيهن 80 غرام جنحان صراصير هبيانه 133 غرام بعر غنم طازة ( جيبهن من القويرة وانت جاي ) وانزل على الغور الجنوبي يعني غور الصافي وهاتلك زرين بندورة مخمجة وحبة بيتنجان معفنة
اخلط المكونات جيدا . ولمدة 52 ساعة متواصلة بلكي تنقطم .... بس معلش كله في حبك يهون .....
اللان بعد الخلط اصبح المسحوق جاهزا ... حط عليه شويه ملح 6-150 غرام بس اوعى تزود ..
اخلط المكونات ثلاثة ايام ورا بعض ......اوعى تغفى.... بتخرب كل شىء بعد انتها الخلط ذوق معلقتين واذا الملح قليل حط شوي وذوق ..وضلك ذوق لما تنصطح ... واذا الملح كثير عيد الشغل من اول وذوق كمان ... واذا موعاجبك الحكي روح انتحر ..واذا مو عارف تنتحر روح جسدر على الخط الصحراوي. المهم في النهاية اغلى المسحوق لدرجة الغليان ولمدة يومين .... اللان .... امتخ قرعتك بكمية 21 كيلو من المسحوق( يعني صب المسحوق على طنجور قرعتك صب) وخليهن على قرعتك 6 شهور ونص لما يعفنو وتطلع ريحتك بالحارة وتطلقك المرة ... ويكحشك ابو محمد من المكتب .. ويهبدوك الجيران ستين شكوة عند المحافظ .. ويدور عليك جماعة البيئه ومكافحة الافات .
بعد هيك جيب الباروكة الموصوفة ادنا ماركة ترم ترم للقرعان فقط : وهي بالمواصفات التالية :

1 - تلصق من أول مره ... بمجرد ملامستها لفروة الرأس على طول مثل المغناطيس

2 - ماتنخلع ولاتنشلع الباروكه الا لما اتزهقها وتدهنها بفازلين اربع مرات مع القليل من زيت الخروع الساخن يالله تنشلع...

3 - قابله للغسيل والكوي سواءا في البيت أو المصبغه .. يعني تقدر اتوديها المصبغه تغسلها على البخار عادي مافي مايمنع وبتفرقها من النص.

4 - تقدر اتسرّح البكله على كيف كيفك مره يمين ومره يسار ولازم يكون الفرق على جنب نفس ايام أوّل .. يعني شغل تسريحات حشمة وللكبار فقط .

5 - نظرا لالتزامنا بالعادات والتقاليد تم مراعاة عدم قبول الباروكه العجيبه لأي نوع من انواع التسريحات العصرية مثل السبايكي والمارينز وخلافه

6 - يوجد بها مواد حافظه وكيمياويه تقتل الحشرات اللي تعشش في مثل هالأماكن من الراس ويمكن عمل تهوية علوية ايام الحر الشديد يعني فتحة بالسقف .

7 - يوجد دواء اضافي للباروكه العجيبه بقيمة 1,950 د.ا يساعد على نمو شعر الباروكه بشكل طبيعي بيسر وسهوله. ما تحط منه على صداغك وشواربك .

8 - تخفي العيوب والمنحدرات في الراس الناتجه من جراء الفشخات والقنوات الي طاحت على صباحك من زمان

9 - ينصح بها في أيام وليالي الشتاء البراده جدا حيث انها تساعد على دفئ الراس وتحمي الانسان من الاصابه بنزلات البرد ( الانفلونزا) وتحمي فروة الرأس من المطر يعني شمسيتك منك وفيك.
10 -بتقدر تأجرها لزملائك القرع بالاعياد والعطل الرسمية .
11- البس الباروكة ولزقها بالعفن الى على قرعتك وشخص ونزل الغره على عيونك وبلش تشبيح قدام مدارس البنات . يالله عوض طفولتك المفقودة .. وادعي لي ..........
مع تحيات ابو قنوة قاهر الضباب والصلع والقرعان
ملاحظة هامة : ( المنتج تريد مارك)

الله يجزيك الخير
انت مجرب الخلطه
اخى بس نسيت شغله
بدك ملح غور والا ملح ساسه

وانت الصبح بتكون فى مزبلة الضليل ضارب كوع بتوزع منتوجاتك
وعندك حساسيه فى مناخيرك
وبس بتحك فيها
تسلم انت على راسى من فوق لمدة سة شهور

بضميرك كيف انا معك وانا متجلي ومصهلل.

ابشرك يا كامل ان المذكرات في طور البلوغ يعني بالعربي الفصيح
سوف نكمل المذكرات .
شكلك ما بتيجي غير بالتياسة

وهبد القناوي على صباحك .
انتظر بلاغ رقم (1)

انا بطلت المشاكل اخى ابو قنوه بتعرف ليش اكتشفت انو المشاكل بتولد ضغط نفسى
بس لما تحط راسك بين الروس وتقول كلنا تيوس
الكل بحترمك ونت بتطلع بره عصر السلام يا مصهلل

كان الاقرع ( كامل جاكسون)
يقنع نفسة بفوائد القرعة والصلعة فوصل الى نتيجة مفادها انه ورغم شكل القرعة النص كم ورغم ان القرعة مصيبة من مصايب الزمن الا انه توصل الى ما يلي :.............................
1- ان القرعة عاكسة لأشعة الشمس فتحمي صاحبها من ضربة الشمس خاصة في اجواءنا المحرقة " يعني هنيئا لمن تغطي رأسه صلعة ساطعة وعاكسة لأشعة الشمس ولاشعة الفوق بنفسجية والتحت خمرية . هاي واحدة.

2- تعتبر الصلعة بمثابة مراية لأم العيال عند "التمكيج" - المكياج- وتسريحة الشعر. وممكن يستعين فيه صديق ويحلق ذقنه عليها. ويمكن استعماله رف لمرطبانات المكدوس والزيتون ................

3- الصلعة تعتبر "ماصة" للضربات ومقاومة للجفاف ( بامبرز) ومقاومة للحريق والصدمات و عندما تقوم المعارك بين الاقرع وبين ام العيال ( مرت الاقرع) وتتطاير الصحون والملاعق والشوك والطناجر والحفايات والشباشب ... الخ ، وفي هذا البند لابد ان تكون الصلعة "اصلية" اي غير تقليد يعني مش حالق على الصفر ...وإلا فأنت رايح في خبر كان وسلامة تسلمك .

4- طبعا ما يميز الصلعة هو كونها تعتبر مضمار جيد لهواة التزحلق والتفحيط للذباب والقارص وابو بريص وممكن الحراذين يشاركو كمان ..

5- لها قدرة عجيبة وفريدة " للحك " اي تستطيع إستخدامها "كمبرد خشب " أو كمِبرد حديد ، أو "كليفة" "اسفنجة" لتنظيف القدور والأواني "ولاتسألني كيف"؟؟:

6- من فوائد الصلعة الأكيدة ولما تتمتع به من حرارة عالية .. فيمكن استخدامها لطهي الأطعمة؟؟؟ كيف؟؟
اي بإمكان الصلعة اذا كانت اصلية عمل طبق بيض مقلي مثلا ..... والطريقة : تدهن الصلعة بقليل من الزيت ثم "تفقش" البيضة على الصلعة وبالهناء والشفاء ، وعلى فكرة له طعم لذيذ ولاتحلم فيه.
ايضا تستطيع وضع" ابريق ماء" لغلي الماء في ظرف ثواني لتستمع بكوب شاي على سبيل المثال ...... أما إذا كانت الصلعة مليانة وأصلية جدا فتستطيع عمل " طنجرة مقلوبة " عليها ولا أحلى ......وممكن استغلاله بتوليد الحرارة للسخانات الشمسة وبتريحك من فواتير الكهربا والكاز . وتحافظ على البيئه باعتبار القرعة صديق للبيئه .
7- من فوائد الصلعة " اذا كان صاحبها مدرس !!" يمكن استخدامها في ترويع الأطفال وإرهابهم اذا كانوا مشاغبين في الفصل بشرط أن تكون الصلعة "تسطع" أي لابد من صنفرتها ودهنها بأحد زيوت "سوبر شل" او سوبر ستار ( هذه الطريقة مجربة وذات مردود جيد): وممكن تكون القرعة وصاحبها بأول الجاهات وذلك للجوازة والجنازة والطوشات ...الخ

8- من افضل الصلعات هي " الصلعة الدهنية " فاحرص عليها لأنها مطلوبة في السوق وخاصة للبنات اللي يجننوك وهم يقولو لك مرحبا عمو .....كيفك عمو.................... وانت بتتحسر وبتحسس على قرعتك وبتقول عمى كلاب ان شاء الله .

9- وايضا الأصلع يكون عنده شخصيه والناس تحترمه ومحبوب ومهيوب ومهيب ومالة شكل . وقل ان تجد اصلع او اقرع صايع او ازعر او مشكلجي او سوكرجى او نسونجي ... الخ الخ .

10- الأصلع اذا اانفشخ مايحتاج يحلق عشان الخياطه على طول يخيطوا راسه يعني فيهاراحه للدكاتره ..وممكن ان يتم لحام القرعة بواسطة الكهرباء او لحام اكسجين .
99- وهناللك الاف الفوائد للقرعة منها على سبيل المثال لا للحصر . ان القرعة كشاف ليلي بقوة 360 وات
وكذلك يمكن استعمالها في الحروب وخاصة سلاح المدفعية الثقيلة وعملها الرائع كفرشاة لسبطانات المدافع من عيار 155ملم فما فوق .ويمكن استعملها كلواح للدوريات الخارجية على الطريق الصحراوي . ويمكن للعيال يخربشو عليه بدل ما يخربشو على الحيطان . وهي عامل توفير للعائلة ولصاحبها فهو ليس بحاجة الى فراشي وامشاط شعر ولا الى سشوار ولا الى شامبو هيد اند شولدرز ولا الى حلاقين . مما يساهم في انعاش مستوى الاسرة الاقتصادي للاقرع بخلاف الخنافس والزعران . ويمكن استعمالها كلوح دراس ولوح تدريس ولرسم الخرائط . واستقبال موجات الخلوي وممكن استعماله لتقطيع البطاطا والبطيخ وعصر الليمون وتقشير البصل ( يعني مولينكس منه فيه)...


الى هذا النتيجة المريعه وصل الحد بصديقنا الاقرع وهو يحاول ان يحدد مزايا وحسنات القرعة ( اجلكم الله)
وللموضوع بقية ..................... ابسط يا كامل .

هذا الفالح فيه
كامل والقرعه والبيض المفقوس
تفقس عينك الصلحه اليوم انشاء الله اشوف عيونك بكره فى وجهك
وبعدين انا عندى حرضون من زمان مربيه على السحسيله من فوق
لخمه تلخمك انت بتكتب وناسى حالك انك اقرع فى طريقه الى الصلع النهايى

قب عن خلقتى
لوسخ سمعتك فى البلد
انا سيفك اليوم فى تكسى صفره مكتوب عليها مى
اذا انت تعمل ضد المفوضيه التكاسى خضر فى العقبه اذا فيه خيانه