شبيحه.. و.. طنطات!!!

شبيحه.. و.. طنطات!!!

اكثر ما يكيدني في الحياة .. اهانة الرجولة . ومسخ الانوثة .. لندع الانوثة الممسوخة اصلا في حالها .. حتى لا نفتح على انفسنا ابواب جهنم الانثوية في المنتدى .. من صواريخ ريما ...وقنابل اسرار .. ومشانق براءة .. وطلقات دانا وحرف وهبة وريماس وهلم جرى ... الخ .. الخ .. الخ .

لنتحدث عن اهانة الرجولة من اصحابها او لنقل ممن هم في عداد الرجال او ينطبق عليهم القول ..عدي رجالك عدي من الاقرع للمصدي .. ويبدو انها كانت قرعان ومصديين من زمن لم يخطر ببال ..

كان يا ما كان في قديم زمان .حتى كان ... كان العبد الفقير يدرس الثانوية في مدرسة اسمها مدرسة الفتح الثانوية ..

قبل ما يكحشوني انا وشلة حسب الله نقل تاديبي ...على وين على اهمل مدارس الاردن وهي مدرسة الهاشمي الشمالي الثالث ثانوي (ح)..على يمين الباب وانت داخل .. يعني فحجتين ولا انت بالشارع .

المهم في مدرسة الفتح التى بنيت ايام الملك المؤسس عبد الله بن الحسين .. كانت في الاصل معسكر جيش وفيها جامع ..وتقع على مجرى سيل المحطة ايام ما كان يهدر هدر .بعدين صارت مدرسة .. بس شو .. طقع من الاخر .. على راي سدين ؟؟ مين سدين هاي؟؟؟ اسألو ابو معمر بخبركم .ونصيحتي بدكوش معرفة سدين .. اطقع من ابو قنوة ؟؟؟؟. السيل كان ولا نهر النيل .. كل مياه الشتاء زائد مجاري العاصمة من راس العين .. لحد عين غزال بتكب بهالسيل .. اتعلمت السباحة والعوم والغطس والتنفس تحت الماء .وبلبعت منه .. لحد ما اهتريت ...الله لا يهري حدا ... ..مدير المدرسة فوزي سويدان .. كان لقبة او اسمه الحركي بين الهمل والشبيحة.. ابو كلبشة .. نسبة الى بدري بيك تبع صح النوم .. ابو كلبشة كان يكمن لنا دائما نحن الميزطجية المتأخرين كالعادة عن الدوام .. بجنب الجامع .. ودايما لابس جزمة .. صيف شتا والجزمة ملزقة برجليه .. احنا الشبيحة كنا لما نشوف ابو كلبشه نعطيها ..طيران والهريبة ثلثين الهمالة .. ابو كلبشة ما يصدق خبر .. بس يشوفنا طلينا .....يبلش فينا صمط دموس .. يعني مراجدة حجار .. لحتى.... يا اما يفشخ واحد يا اما يتعب ويرجع على المدرسة ..واذا مسك واحد منا ببلش جلد بالخيزرانة لحتى يهري وبرو .. ابو كلبشة كان له شتيمة وشهور نرددها وهي ان يقول : يلعن ابوك فوق امك ؟؟؟؟ هيك كان المدير .. شو رايكم بالطلاب .. كاوبوي ..

بالشتاء كان الدوام بحبحه يعني تمام التمام .. ليش .. سالتوني ليش؟؟؟؟... لانه سيل المحطة كان يفيض ويغرق المدرسة .. بالطين والزبالة والمجاري ... وتغرق المحطة كلها .. واذا ما غرقت المدرسة المساكين الذين يسكنون بجانب الجبل الملاصق للمدرسة بطرف السيل .. وكلهم من الباكستانيين صناع ورق الشميمتو .. هذول كانو يتركو المغاير والكهوف الي ساكنين فيها هربا من السيل ويناموا وين .. في المدرسة .. الصبح... .يا صباح يا فتاح . لما نيجي على الدوام .. الباكستانين .. بكونو طارو ... يعني كش حمام ... ..يعني راحو يلفو بالشوارع يبيعو زروف ورق .. ومعلومكم مع البرد وقلة حيلة الباكستانين وكسلهم .. بصير معهم مغص حاد .. وبعد المغص الله يجلكم .. بدهم يعملو نونو .ومفش مجال ..لازم يعني لازم ... وين بعملوها ... في صفوف المدرسة .. هات حيكها بعد هيك .. طبعا لما يكون الوضع هيك .. اكبس يا ابو الحبايب على وين .. على سينما الاهلي .. عند عمك ابو سلامة .. واعطيها دخان وافلام سكس .. واكبس بعدها على وين على عمك ابو نعيم .. في القهوة .. وفت يا ابو الشباب ...ولا تفت .

بجنب المدرسة كان في كمن عيلة .. صينين يعني من الصين .. وعلى هيك سمينا حارتهم .. الحي الصيني ... واطلقنا عليهم اسماء صينية واحد كان بروس لي .. واحد ونغ يو .. واحد هيو سان مو .. هيك كان الوضع ..اخر صياعه ..

وين رايح رايح على المدرسة .. من وين جاي ...جاي من المدرسة .. لا والله قرينا ..

طيب شو علاقة بلاوي مدرسة الفتح .. بموضوه اهانة الرجولة ..

بزمان الشقلبة والقزدرة على ابواب مدرسة البنات .. يعني مدرسة الزبيدية... ولما كنت حبيب وبدهن شعري بزيت قلي علشان يلمع .. وبشد الغرة لحتى تغطي فردة العين اليمين .. وبلبس بطلون شارلستون فتحة 46 .. وكعب عالي مثل كعب موفق بهجت تبع يا صبحة هاتي الصينية .... وبلبس جنزير .. ولا جنازير كلاب الشرطة ..كنت كمان حريف صرمحة ودشرنه وهمالة ..و كنت كمان لعيب فطبول .. يعني كرة قدم .. لعيب سمطة .. مش أي كلام .. ولا نبيل التلي تبع الجزيرة بزمانو .

صدف انه هاي مدرسة الفتح .. كانت مدرسة تشبيح وهمالة .. وصدف انه هذول الهمل .. كانو شبيحة كمان بلعب الفطبول .طبعا شغلتهم وعملتهم ..من الصبح جول انجليزي وافرد على اليمين .. وشوت على الشمال .... واللعب عن بيبسي .. يعني قمار بس ريقا ريقا .. . المهم .. بتصفيات مدارس العاصمة .. اجت وقعتنا مع مين .. يا ابو الحبايب .. مع مدرسة الفرير .. الله لا يورجيكم ..

مدرسة الفرير كانت .. نايت كلب وديسكو طنطات البلد .. والطلاب الغنيجية وتبعين الهاي لايت .. وبتوع المارس مثل ما كنا نسميهم يعني عيال لفرير شغل طعج وغنج .. ويا مامي .. وشغل سنيورة على الاصلي ..

راحو شبيحة الفتح بتوع الفلافل والفول علشان مباراة لفرير على ملعب كلية الحسين ...

سلام عليك السلام..

بلشنا نحمي .ونسخن . نزلو حبايبنا بتوع لفرير على الملعب ... سلام عليك السلام ....شو ترتيب .. شو زوء ..شو كريم كراميل . وياي ....ياي ....ما ازكاهم .. ياي شو امامير ..؟؟؟؟ وبلش البرم .... واحد حكى بقدرش العب مع هذول .... بوكلوني .. واحد ثاني قال ياريت يربطوني بحبل ويوخذوني للماما تلعب علي .. .واحد حكى ..شو جايبين النا بنات الزبيدية نلاعبها ... انا اعترضت باعتبار المبارة هيك صارت مختلط ..

واحد هامل اسمة حياة الهملان .. اسم على مسمى . اخونا كان دايما ناتع فرد نمرة تسعة تحت اباطو .. وقف على سور الملعب وشلح .. القميص . . وبلش يهدر .. وشو ويقول .... جاي يا زلام جاي .. يا دين النبي .. بدي منه .هاتولي اياه .. بحبو .. حرام عليكو .... وطبعا كان يقصد فافيات مدرسة الفرير اياهم........ بعد هيك صمطلو كمن طلقة بالهوا.. ..

الطنطنة.. مدير لفرير كان زلمة حمش ... وعلى الاخر ..... راح اخينا بالله... ناحية الهامل ... وقال له عيب عليك شو هيدا الكلام ؟؟ .. حياة الهملان رد عليه قائلا :... يا بيه محلاك... .بتغنج يا حبيبي ولا شو .؟؟؟ المدير انسحب يرطن قائلا .. ولك انت من أي خان جاي .. حياة ما كذب خبر .. قال له من خان يونس وحياتك ..

المهم سمطنا لفرير مش عارف نص دزينة .. واحنا مثل الي بلعب مع خطيبتو .... وكل ما يوقع واحد فريري .. نهجم ونشيلو عن الارض .. ونكت الغبرة عنه .. قال شو ............ روح رياضية .. ؟؟؟!!!

لو رجع الزمان ولف ودار

ابو معمر ..

بعد المبارة على حزرك وين لازم انا وانت نكون

مدرسة الفتح ..

او مدرسة لفرير ..

انا بقول لفرير ...

يا اخي .... اطرى ... مالك ومال الحكي ...

المصدر: شبكة ومنتديات صدى الحجاج

ذكريات ولا أحلى ...
شو ابو قنوة عم نحظر مدرسة المشاغبين الجزء التاني.....
انا بقول بمدرسة""""" فتحرير."""""""""
وجهة نظري لا طنط اوي ولا شبيح اوي ....يكون"""" زقرت حمش"" عند الشدة """""وناعم وقت النعومه.....

ويامعلم.....
ودلع يا كايدهم..

يا زلمه طنطات مين والناس نايمين

اي هسا الواحد فيهم بدك تسلخو بمسطره خشب 20 سم عشان يحكي اي
.
.

ابو قنوة من الاخر الي بيصحله الدلع وما بيدلع وجع يكسر نيعه هيك المثل بيحكي


هدول ولاد الفرير اباهاتهم فرير يعني احنا لو اباهاتنا متل اباهاتهم كان صرنا فريرين متلهم

واحنا من قله ما يصحلنا نفرفر ههههههههههه (نفرفر) حقدنا عليهم

وين الجديد.....!!!؟؟؟

عادي هاي هالأمر مفروغ منه وعلى رأي ريماس اللي صاحله يدلع وما بدلع مو بس وجع يكسر نيعه اي صيب اللي يطيره


ادلعوا يا رجال مين قايل لا تدلعوا اصلا ازا ما تدلعتوا احنا بنزعل ....

قال عديلي راجلك قال .....

اي والله والحمد لله رجالي لو بتعدن ما بينعدوا ...... ربي من عالي سماه يحفظهم واللي مش عاجبه البحر الميت بستناه ...........

لندع الانوثة الممسوخة اصلا في حالها ........... العب بعيد

طيب مش حاكي ولا كلمة ... اتبهدلنا ..خلينا نلعب بعيد...

بصراحة لعب على اصوله
وين كنت داشره انا عنه....


على راي سدين تاعتك طقع من الاخرررررررررررررررررر




ريماس شو هاي نفرفر يا غبراااانة ....... ركزي منيح في الحكي

هههههههههههه اسرار انتبهت لها بعد ما كتبتها حكيت والله ما بشطبها خلي الشعب يعيش