كيف تصبح مواطن اردني

كيف تصبح مواطن اردني

كيف تصبح مواطن أردني

بداية وحتى تصبح مواطنا أردنيا يجب عليك إتقان الكشرة الأردنية


فهذا من أهم ما يميز الإنسان الأردني عن الإنسان العادي!


البوز الملوي … والحواجب المعقودة …. وإذا نظر إليك أحدهم فقل له بكل استعلاء:


(أبو الشباب ... ليش بتتطلع بخلقتي ... مضيع بوجهي شلن؟)

هكذا تكون قد قطعت شوطا كبيرا نحو الاردنة




تابعا للنقطة السابقة .... فلتسير على مبدأ
اللي بيطلع عليك بعين ... اطلع عليه بنص عين
يعني نظرة انقرافية بحته ...
أي بالكلمات الأردنية:
(كلك على بعضك مش شايفك)




تعلم فن التعصيب ... وأقل كلمه تطلع زيفك (عصبيتك)
عصب وصيح وبزق وانت بتحكي
على شرطي المرور .. على الكونترول ... على سايق التاكسي
المهم تتهاوش هوشه يوميه
وتحرق وراها (باكيت) دخان

المواطن الأردني إنسان كالصخر
خارق للمنطق والعادة .... ولا يخضع لأي عمليات حسابيه




نضرب مثال..
المواطن الأردني العادي بدفع ايجار بيت 150 دينار(عمان الشرقيه)
كهرباء وميه حوالي 20 دينار
عنده سياره قسطها الشهري 100 دينار(سياره عواي)
وترخيص على بنزين على زيت تقريبا بالشهر 150
دخان بمعدل باكيت باليوم (وهذا مش مدخن ... بيعفط تعفيط) بس 50 دينار شهري
احكي 150 أكل وشرب
وحوالي 30 بالشهر بطاقات شحن (إذا ما كان حبيب .... اذا كان بحب) بده 100 دينار
50 اله و 50 لحبيبته... ليش هي بتتنازل تشحن لحالها
(حبيت تحكي اشحنلي ما حبيت فيه غيرك كتييير)
صار المبلغ 650 تقريبا
وهو كل راتبه 250 دينار ....
كيف بتزبط معه ؟؟؟ الله اعلم !!!

حتى تصبح مواطن أردني يجب ان يكون
لديك او امتلكت في يوم ما
أو تحلم بأن تمتلك
احدى السيارات التاليه:
كيا سيفيا
هونداي اكسنت
زعرا (والمقصود bmw 320 )
نيسان سني (حصريا للتكاسي)
لف (والمقصود مرسيدس 200 موديل 82 وحتى 85)
او 180 (المقصود مرسيدس موديل الستينات) ... وانتا بتلفها براحتك


المواطن الاردني مواطن يحب المظاهر
يعني اذا لم يكن معك ولا قرش يجب أن تتعلم فن العرط
(العرط هو الكذب والإدعاء بأنك مليونير)
أي أن تجلس مع الشباب وتوهمم أنك ولدت
وفي فمك ملعقة ذهب
مع ان الواقع هي انك
ولدت وفي ثمك ملعقة خ** (كلمة مشفرة!!) بعيدن عنكو
يعني مارس فن التشبير وعلق الهامر على جنبك
وفضي بكيت الفايسوري ببكيت مارلبورو

حتى تكون مواطن اردني
يجب أن يكون أحد أقربائك من مواليد الف وتسعميه وتنكه
له سن ذهب

حتى تكون مواطن اردني يجب أن يكون جدك
قدانعرض عليه يشتري نصف الشميساني أو عبدون
في يوم من الايام بميتين ليره


حتى تكون مواطن اردني
عليك أن تكون دقراً .. تعلم المداقره
واحد دق عليك الباب احكيله مين ؟
بس يحكيلك انا فلان ..... قوله ع طول لا مش انت
المهم تداقر شوي على أي موضوع
حتى لو كنت عارف حالك غلطان

حتى تكون مواطن اردني
يجب أن يكون لك واسطه في كل دائرة حكومية
قرابه او نسب او صحبه
او ابن عم خالة جدها لمرة جار اخوك
المهم تمشي حالك ..


حتى تكون مواطن اردني
تعلم فن التقسيط ...
موبايل اقساط
سيارة اقساط
اثاث بيت اقساط
جرابات اقساط ...
لازم يصفي من راتبك كل شهر 13 ليره لانه الباقي اقساط!!!
وتعلم ان تجد كفيلا يكون (خروف)
(الكفيل الخروف: يعني كفيل أهبل يدفع عنك الأقساط التي تتهرب من دفعها)
علشان يخصمو عليه هو
ويخفف عليك شوي من اقساطك !!!




مبروك ... أنت أردني !!!

وسلامتكـــم من الهسهس

المصدر: شبكة ومنتديات صدى الحجاج

(أبو الشباب ... ليش بتتطلع بخلقتي ... مضيع بوجهي شلن؟)

هههههههههههههههههههههههههههههههههههههههههه
يقطع شرك .... مشكور محمود

ههههههههههههههههههه
والا ليه اسمو مواطن اردني

مع انه الموضوع مكرر بس انا ضد هاي الفكرة عنا نحن الأردنيون

احنا اصحاب الوجه السمح والروح المرحة والقلب الأبيض والنفس الطيبة


الأردن اولأ

دايما ريما بحزب اللمعارضة ..
لو حكينا عن المي مي .. بتقول عنها بطيخ ...

لا حول ولا قوة الا بالله ....

عديتي الله لا يعطيك العافية

كنت ما احلاني عين الله علي ،، جبتلي انفلونزا الخنازير حسبي الله ونعم الوكيل

منك لله يا ابو قنوة

بتستاهلي .. وعقبال عند انفلونزا الصراصير .. والنوق والجمال ...

اللي منك حلو .........

هيك ذبحتيني .. عن جد انصهرت وذبت بملابسي وانا قاعد بشرب عصير بندورة ..