العقبة .. يسألونك عن العقبه ؟؟

رد: يسألونك عن العقبة ؟؟

ويسلألونك عن العقبة -2-

انتشرو في شوارعها .... ما شاء الله .. الاخضر طاغي هون في الشوارع .... زمان كانت الشوارع مثل سدر الترمس ... كله اصفر باصفر..... واليوم الشوارع خضر تقول عايشين بليبيا .. اش معنى اخضر ... مافي سيارات تاكسي بلون اخضر الا بالمكسيك ويبدو انه المفوض العتيد الي قرر تغيير الوان التكاسي جدودو مكسيكان .... وشكلة بدو يحل مشكلة التلوث البصري .. وناسي انه المشكلة مي باللون ... المشكلة بالعدد الرهيب للتكاسي صارت مثل ذبان الغور بعد التزبيل ....
والمشكلة الاهم هي بالسواقين .. ثلاث ارباعهم ... موظفين حكومة بدهم يسترو حالهم ... ويسدو الكمبيالات بما انه الاردني هو بطل العالم بالكمبيالات ؟؟؟؟؟؟؟ والربع الباقي من السواقين شبيحة من المحافظات الاخرى جايين على العقبة بفكروها داشرة ..وبفكرو انها هونج كونج وما في ناس عايشيين فيها ..... ما عليينا ...اركب تكسي وشوف اول ما بدمرك انه السايق يا اما دقنة طولها شبرين وعليها سطعشر نوع صبغة ولابس دشداش مغسولة بماء مبارك سنة 1936 او انه وليد مفطفط لابس نطارات باكستانية ام نص نيرة وحاط صورة نانسي وغيرها وفاتحلك شريط حكيم ... الله لا يوفقه .... المهم مايكون بالسيارة ريحة فلافل وزيت قلي وريحة صرامي وشباشب والسايق بنكوش بخشومة عينك عينك ..... شو هالقرف .. شو هالالستغلال الشغلة نهبة .. واذا ما فقدت شىء في السيارة مثل محفظتك اوخلويك .. ما تغلب حالك وتبلغ مركز امن المدينة ... عليه العوض ومنه العوض ... وحوادث التكاسي 99.99999% من حوادث السير في العقبة ليش لانه السواق عندنا ما بنام ... الصبح بسرفس على الموظفين والظهر عندة المتسوقين والمغرب عندة شمامين الهوا... وبالليل عندة الخمارات والسوكرجة ..... ولحق يلي بتلحق... بعدين بنكمل...

المصدر: شبكة ومنتديات صدى الحجاج

يسالونك عن العقبة -3-
اسمها سلطة منطقة العقبة الاقتصادية الخاصة والنعم ... اسمها اكبر من اسم ليبيا العظمى ..في مفوضية على اليمين وبها القيادة العامة للمفوضية وبدك ستين سنة لتقدر تعتبها ... لف على عمارة السلال على اليمين . وادخل مع كم حبة مميع دم علشان الجلطات بما انه احنا ابطال العالم في شغلات كثيرة ومنها الجلطات . دخلنا وعدينا الحرس الحرس نايميين ويحرسون النايميين . عدينا
حرس النايمين ... وركبنا درج متحرك .. انها كما اعرفها عمارة زلاطيمو كانت زمان لبنك الاردن والخليج وبناها مقاول اسمة الحاج داوود سليمان وهو نفس الشخص الى عمر مسجد ابو داوود الله يرحمة ويجزيه خير .... المهم ... طلعنا الطابق الثالث .. بدائرة اسمها دائرة الاستثمار .. ما شاء الله الموظفين كثار .. وكل واحد عندة مكتب ومراسل داير على الكل .... اهلا وسهلا ... بدي ارخص دكان 2م 3 متر بالبلد ... طيب بدنا عقد الايجار او سند التسجيل ..بدنا صورة الهوية او تفويض ... بدنا السجل التجاري .. بدنا مخطط موقع حديث روح جيب المطلوب وتعال .... الحمد لله كله موجود بس شو مخطط موقع ... روج جيبة من خدمة الجمهور .... قدم طلب ... دققو الطلب ..روح عالبنك كت عشرين نيرة ... ماشي .. تعال بعد اربعة ايام بنعطيك الطلب .... حلو جدا لوراق كلها جاهزة ... رجعنا على الاستثمار ... هاي المطلوب .. طيب تمام وقع هون ... على طلب الترخيص بعد ما تعبي الخانات .. شو هالطلب بدهم يعرفو كم عامل عندي اردني او مصري او هندي وبدهم يعرفو قديش ممكن اصرف كهربا ومي ومحروقات ... شكلو الجماعة منظمين اكثر من اللازم .. تسأل الموظف يا اخي ما بعرف قديش ممكن اصرف محروقات ومي وكهربا وهاتف ... يجيبك الموظف بثقة .. عبي مثل ما بدك الموضوع خرط بخرط ... الله حيهم ... نشامى .... بطبقو الايزو تمام .
المهم عبينا .............. وقدمنا الطلب وقع عليه ... تعال بعد اسبوعين .... اسبوعين ليش ما انا كنت ارخص بالبلدية بنص ساعة ... بدفع رسوم حراسة وكناسة 36 نيرة وبتناول الرخصة وبروح ... يجيبك بثقة هاذا زمان التخلف .. المعاملة لازم تروح على التنظيم للكشف وعلى الصحة من اجل سلامة المواطن وعلى الدفاع المدني للسلامة العامة وعلشان الطفاية وسلم الحريق .... ول ول ول ...كلها دكان مصدية بدها كل هالاجراءات الهاملة .... وين النافذة الاستثمارية الواحدة ومين .. سرعة الاجراء ... وين وين .. وين .... والله انتو المتخلفين والى مش عارفين شغلكو وثلاث ارباعكو تعينو بالواسطة .... الله يرحم ايام البلدية كان فيه ستة موظفين برخصو كل البلد .... والان صارت المفوضية الف واربع ميه موظف عاطل عن العمل وانجاز ... يوك ........ .. بس شاطرين بالجخة والنفخة الكذابه والسيارات والسكرتيرات ... والبرستيج الهامل والباجات الفارغة وبدورو على مياومات وبدلات ...... حلو عنا ...........انتو خربتوها ولعنتو سنسفير الى عقبها ....... الطايح رايح سلك نفسك على راي الجدعان ......... قبل ان تغادر يذكرك الموظف .. ما تنسى ترخص القارمة قبل ما تركبها ... شو ارخص قارمة ماهي كانت تترخص مع رخصة المهن .... لا.... الان لها ترخيص خاص .. وهاي طلب الترخيص والشروط ....... افتحها واقرأ على مهلك ..... ان ترخيص القارمة له طلب مكون من 23 صفحة ... ويطالعك من البداية ... اسباب هذا الترخيص انه يا اخوان يا جماعة .. يا خلق الله من اجل القضاء على ...... احزرو على ماذا ..... من اجل القضاء على التلوث البصري .... يا مرحبا يا مرحبا التلوث البصري هاي بالسويد ما صارت ...... مطلوب منك لترخيص قارمة ان تلتزم بما يلي ... طول وعرض وارتفاع القارمة .. عمق القارمة ... لون الخط وعرضة وارتفاعة .... كله بسيط ... ومطلوب منك مخطط هندسي يبين ارتفاع القارمة وموقعها على المحل ونوع وحجم ولون الشعار او الاسم ...... ويجب ان يكون المخطط من مكتب هندسي ..مرخص ..... واذا ركبت قارمة على راسك الجماعة جاهزين والونش على حسابك .... التلوث البصري ... ياللهول ..... احنا وين ... والمفوضية وين ... المدير عندهم بقدح راتب اكثر من راتب الوزير وشغلته وعملته التلوث البصري ووضع الانظمة والقوانيين وقطع ارزاق الناس ..... وفي النهاية بكفي راتب الضمان لانه المدير مسوكر ....... اصلا هو ما بقابل الناس وبشرد منهم وطول نهارة اجتماع لجنة مش عارف شو ولجنة مش لازم تعرف شو .... والسكرتيرات على الباب بوجوه كالحة مقرفة ..... والتلفونات ما بترد والدير عن الرئيس والرئيس عندة اجتماع والاجتماع عند البواب والبواب بدو بيضة والبيضة عند الحصاد والحصاد ملعون والدين ..... وشغله طرمة وما حدا قاري ورق .... زيتون برما داشر وتعيشو ياهمل ........ التلوث البصري مهم .... طيب والتلوث البيئي مش مهم ....... ليش الجماعة ما اهتمو بمحطة رفع الخرا ... امام فندق الموفيمبك والى ريحتها منتشرة في الشرقية والغربية والفنادق والكورنيش..... ليش ما اهتمة بتلوث البحر عند محطو تفريغ الفوسفات ... ماهي شركة الفوسفات بتصدر .... ليش ما تحافظ على البيئه ....ليش ما اهتمة بالتلوث السمعي من الفتاشات الى نازلة طس كل لليلة على راس المواطن مرة في عيد ميلاد مخنوث في الموفمبك ببلشو طس على روسنا ومرة في مستثمر عندو محل به لفتين سلك بدو يفتتح المحل بصفته مستثمر ببلش طس فتاشات ... وواحد اتجوز .... الله يسكرها بوجه ببلش طس لوجه الصبح وواحد واخر وغيرة ... تلوث بصري وسمعي وانفي وشرجى كله خربان .... وبعدين يا جماعة المفوضية اذا قارمات الناس بتلوث البصر غيروها على حساب الى عقبكو مش على حساب المواطن المطحون بقهركم .. ولا على حساب الدولة مثل ما عملتو بتغيير الوان التكاسي .... وليش ما تغيرو قارماتكو وقارمات دوائر الدولة وقارمات الفنادق اذا بتقدرو ..... قوانين فراطة والى حطوها مو قدها وما بعرفو راسهم من رجليهم .. خلي البلد بدون قارمات اشرف.

الله لا يوفقكو على هالافكار الهاملة ... الى بطبقوها علينا ... وكمان شرطة البيئه دايرة تخالف المنازل الى بتكب سطل مي بالشارع ... طيب وين شبكة صرف مياه الامطار يا فطاحل اذا الشوارع في المناطق السكانية ما فيها شبكة صرف والى بدو يغسل سيارة او يشطف درج بتخالفو ..... صارت بهدلة مثل الى بتودولو فاتورة هاتف وهو ماعندو هاتف باالاصل.....
قلبي مليان على المفوضية وعوجها وموظفيها وجقمهم ... وقوانينها الاسطورية ..... وا احنا قلناها من زمان ... المفوضية بواد والناس بواد .......

راجعلكو راجع .............

هناك فرق شاسع بين ماأبداه ابو معمر مجسدا ذلك بالصور وبين ابو قنوه والفرق هو

الشاعر البدوي الذي جيئ به الى الخليفة ليمدحه في المرة الاولى قال:
أنت كالكلب في الوفى وكالثور في مقارعة الخطوب

وفي المرة الثانية عندما عاش في بغداد ماذا قال :
عيون المها بين الرصافة والجسر قتلننا من حيث أدري ولاأدري
فأخي أبو قنوه هكذا رأى العقبة من زاوية ضيقة وابو معمر رأى العقبة من خلال أفقه الواسع

نصيحة لاخي أبو قنوة أن يسافر ليرى بعينيه الاثنتين

بسم الله الرحمن الرحيم

انا من زمان شايف العنوان بس ما حاولت افتح الموضوع لاني بكره العقبه كثير بس حجم الردود سى عندي فضول اشوفه وبعد ما شفته..


الله يسلم ايديك ولسانك يا ابو قنوه
10000000000000000000000 مليون شكر
والله افلجت صدري
شـكــ وبارك الله فيك ـــرا لك ... لك مني أجمل تحية .

السلام عليكم جميعا
بداية الحمد لله على سلامتك اخي ابو قنوة وان شاء الله رحلة سعيدة .
نفسي تكونوا معي هلا وانا برد على الموضوع لان زي ما بحكو العيون مغاريف الحكي بس منه لله الكيبورد مش راضي يطاوعني بالكتابه لانه عارف ان الوطن اكبر من استثمار وتجارة ... الوطن حتى لو نحرقنا بشمسه بضل بلسم لجروحنا ... الوطن مش فندق وشنطة سفر ... الوطن مش تجار واستغلال ... الوطن انا وانت وكل مواطن نظيف ومنتمي ... الوطن من ترابه على الزنود والخدود اثره مش بعطر ابو شقرة وغيره نغير ... الوطن مش بذلة ولا ربطة عنق تتخايل بجسد هايف وجيوب منفوخه ... الوطن مش بشر اذا فصل التكييف تختنق .. الوطن ابني وابنك وحارتي وحارتك ... الوطن ما هو موفمبيك ولا ديز ان ولا هولدي ان .... الخ ... الوطن صنفحه وارويم والعيص ودبة حانوت .... الخ .... ومشروبنا من عين ام كيس وام قري ولحظة وما نبدلها بقوارير واشكال ... الوطن نحن وبلمة الاحباب على منسف مع جميد كركي وخبز الشراك ما هو بيتزا وهمبرغر .... الوطن اكبر من اي كلام واكبر من شمة هوا .......

هههههههه ابو مجد العزيز


الطفيلة يا ديرة هلي
زرت كتير وشفت كتير متل جو الطفيلة ما لقيت
خضرة ومية نظيفة صافية وناس على البركة الله يهديهم

ميرسى ليك ابو قنوة على التوبيك الجامد ده
وميرسى ليك ابو معمر على الصور الجميله دى

ابو قنوه
............
مشكووور جدا على هذا الطرح الموضوعي وفعلا ان ما نشاهده في العقبه

يندي له اجبين ومقزز من سواقي التاكسي والله ان احد السواقين لابس دشداشه
ورافع الدشداشه لعند الصره مشوب الاخ وفخاده مقرفه زي فخاذ القرد انا
للوهله الاولى افتكرته لابس شورت اي والله شي محزن ومقرف
طرح رائع وموفق

تسلم ابو قنوه
بس افضى برد عليك ونشوف الاخوه ماذا لديهم غير التكاسى
والى البلطجه الى صارت فى اليل عند الكفى شب الى اصبح دور دعاره مرخص الى كل الجنسيات
باسم البلد سياحيه
بنات اخر اليل
مشطبات اكثر من الخرجين
والشبيحه اخر اليل بتوصل
على الطفائه
من الاخر

والبطل فيهم بسند حاله مع السياره
والى بحوشه فى النهار بدفعه اخر اليل
احل منضر على الارصفه صار الشب
يفتح الخلوى على منضر فىالخلوى بتاعه والصبيه مكشفه كل الحساس من جسمها بدون احساس
تتفرج وبتمص اله فى اليرقيله مشان تحمى اليرقيله اله
وبيدفع خمسه او عشره على المصه من اليرقيله
وبروح ممعوط الذنب لا حج ولا شاف
الك ودى واحترامى على هك مواضيع
بس اشوف الرد ارد عليك

ابو مجد
.......

أما الظاهرة مص النرجيله و الميوعة و الانحلال في تعاطيها يا ابو مجد فهي أقبح الظواهر التي تفشت في هذه المدينه العريقه والاصيله فحيثما أجلت النظر نحو كثير من المراهقين الشباب و المراهقات الشابات قد انساقوا وراء التقاليد الأعمى و انخرطوا في تيار الفساد و الإباحية، دون رادع من الدين أو وازع من الضمير كان الحياة في تصورهم عبارة عن متعة زائلة و شهده هابطة و لذة محرمة فإذا فاتهم هذا الدنيا سلام


و قد ظن بعض ذوي العقول الفارغة إن آية النهوض بالرقص الماجن و علامة التقدم بالاختلاط الشائن و مقاييس التجديد بالتقليد الأعمى للغرب هو عنوان التمدن والرقي

فترى الواحد من هؤلاء ليس له هم في الحياة الا يتخنفس في مظهره و أن يتخلع في مشيته و أن يتميع في منطقه، و أن يبحث عن ساقطة مثله ليزيح رجولته عند قدمها و يقتل شخصيته في التودد إليها... وهكذا يسير من فساد إلى فساد ومن ميوعة إلى ميوعة هذا ما نشاهده الان !!!!!