حوار عادي

حوار عادي

الأب مخاطب الابن : تعال وَلَه


الابن و بكل براءة : نعم


الأب :نعامة ترفصك ... تعال وله


الابن : ليش شو سويت؟

الأب : سواك ضريب يخلع رقبتك

الابن : شو فيه؟


الام : شاوي يشوي عضمك ....رد على ابوك بأدب وله

الابن : هوه انا حكيت شي؟

الأب:حكحكوا جنابك بالعصايه اوقف عدل يا حيوان

الابن : حاضر

الأم :يحضروا على قبرك انشالله ..... لما ابوك يحكي انت بتخرس

الابن :أخرس؟

الأب : ايوه ان شالله خرْسِه

الابن: ماشي

الأم: أجاك مشش بركبك ما تقوم منه انشالله

الابن :مشش ؟؟؟ شو هاذا المشش؟؟

الأب: اما إنك قليل حيا ...وبترد على امك كمان ؟ هات العصاي وتعال وله

الابن: انا رديت على امي؟ يمّـه احكي كلمه

الأم: مَوَا يمزع نيـعـك وله .....حكيتلك اخرس

الابن الان اصبح مغلوب على امره ومش فاهم ايش الموضوع وصمت

الأب: أما جيل قليل حيا....احكي وله ... مالك انخرست

الابن : شو احكي؟ اذا حكيت بتقولوا عني قليل حيا وبتشوفوني غلط

الام :حيه الي تقرصك انشالله ... قلتلك تأدب وانت بتحكي مع ابوك

الأب : ايش "بتشوفوني غلط" هاي ... شايفنا عميان ولا حول ؟

الابن : لا اله الا الله

الأم : الله يوخذك انشالله .... يا ريتني خلفت ابن الجيران ولا انت

الأب: انا مش عارف هاذا الولد متى بده يصير زلمه...دايما فاظحني بين الرجال

الابن: طيب شو اعمل عشان تشوفني زلمه ؟

الأب: قلتلك اخرس وله

الابن: يا الله ... يا الله .... يا جماعه شو مالكوا ... شو فيه ؟

الأم: آه صحيح انت ليش ناديت عالولد يا زلمه ؟

الأب :بتصدقي يا مره اني نسيت.... نسّاني شو كنت بدي منه هالكلب

الاب : خلص روح ارجع على غرفتك يا حيوان.

المصدر: شبكة ومنتديات صدى الحجاج

حلوة ...........كتير مشتاق
يعطيك العافية والله اليوم زابطه معك ..نافض الغبرة منيح ....

تلميذك النجيب ...

خلص لانو صف حابب تترفع........اجتزت الامتحان

بس ضروري ما ترجع للغبرة ..
ولا تعيد صفك.......

حابب اترفع لصف خامس ط

وبوعدك اكون واحد فلته

حلوه كتير
يعطيك الف عافيه مشتاق

من غير مجاملة
عسسسسسسسسسسسسسسسسسسسسسسسسسسسسل

فعلا اخذت الجرعة اللازمة للضحك على الصبح هههههههههه

مشكورة هبه ... مرورك اسعدني

الله يجبر بخاطرك يا اسرار
مرورك له نكهه خاصة

ههههههههههه حلوة منك مشتاق كتيير ... الله يعينه هالابن لو اني محله اكيد كنت انجلطت ... سلامة قلبي من الجلطة ههههههههههههه