من شعر نزار قبانى

قربك تعب .. وبعدك عذاب
ومابين قربك والبعاد
لوعة مشاعر حايرة …


ياهاجرة حنيتي لدروب الغياب
وإلا مليتي لذة وصالي ..
طبعك ولا قدرت أغيره
مره وصل .. مره جفا
حتى وأنا جنبك كني لحالي !!


قربك تعب .. وبعدك عذاب
وأنتي قريبة انتظر لحظة غيابك
وأنتي بعيدة ارتجي فيّة ظلالك
حسافة ياقلب ملّوك أحبابك
ملّوك من كثر الوفا .. عذبهم أخلاصك
بس تعرف تحب .. وتخفي عتابك
همك رضاهم .. ورضاك أخر مناهم
مسكينة ياعيني ماشفتي من بين البشر أحلى منها
اللي ماقدّرت دمعة جفونك
وماشفتي من بين البشر أوفى منها
اللي ماعرفت تصونك


ترحل .. تعود
تهجر .. تحن
تجحد .. تجود
تغضب .. تئن
صعبة هي فطباعها ..
جملة مشاعر متناقضة ..
غريبة .. وتعتبر قلبي وطنها الحنون
مهاجرة .. يجذبها أحساس التحرر والجنون
متمردة .. تعتبرني قيدها وقلبها بداخلي مسجون


يغريها أحساس الحنين .. والوله أجمل شعور
تتلذذ بلوعة الشوق ..
ولجل هالمتعه تهجرني شهور
وفجأة ألقاها بأحضاني تذوب
تغمر أيامي فرح ..
ترسم على خدودي قلوب

تروي شفاتي شهد

وعلى صدري أحلى ذنوب
أتوب عن كل البشر وعن عشقها احلف مااتوب
أتعبتني فقربها .. وعذبني بعادها
مثل الفراشة الطايرة
ومابين قربك والبعاد
تبقى المشاعر حايره