يازمن

يا صاحبي ياحبيبي يا بعد حالي
أخذت قلبي معك وين أنت داوي
وأسهرت عينك وعيني يابعد حالي
والقلب حبك ولا أدري ويش أسوي به
تراك غالي وعندي دآيمن غالي
والقلب يا ياصاحبي كثرت عذاريبه
وتراك مثل العسل وأحلى من الحالي
فيك الحلى والحنان وزايد الطيبه
والله مهما ابتعدت عندنا غالي
وقلبي لقلبك يهذري بي واهذري به
ياكيف تسلى وأنا عنك ماني سالي
وتلعب بقلبي سهوم الحب وتجيبه
وعقبك ترن عايشن وسط الخلاء الخالي
عجل علينا علامك طالت الغيبه؟؟
يامسندي ياحبيبي ياهوى بالي
يامريح القلب من باقي أعاذيبه
محتاج محتاجلك يالصاحب الغالي
وبعض البشر ماعلينا من ألعيبه
ولو كل واحد صريح وداله وسالي
نقالة الهرج لكثرة مطاليبه
اللي يذم الصديق ويرخص الغالي
جنب عن اللي يذم وينقل الغيبه
هذاك نمام ماله أول ولا تالي
مايخلي الناس كل الخلق يسوي به
من كثر هرجه يغث ويشده البالي
وبانت لنا ياحبيب الروح الاعيبه
لاعاش لاعاش منهو يرخص الغالي
والله مانرخص الغالي ولا نعيبه
أن كان لي مال فـ أنته يالغضي مالي
وأنت الحبيب الذي قلبي يهلي به
طب وتخير وترى يرخص لك الغالي
واللي تبي ياحبيب الروح نوفي به
ومهما يكون الثمن لو الثمن غالي
ولو ماهو عندي من الأجواد أنا اجيبه