ابليس

ابليس

ابليــــس يصـــف الوضـــع والحالـــة في البلاد

كان إبليس في غرفته , يلملم ملابسه في حقيبة

إلى جانب باقي متعلّقاته ....

على المنضدة القريبة كانت استقالته موقّعة ومختومة حسب الأصول , وبجوارها تقبع تيكيت إلى جزر القمر

كانت ملامح وجهه في تلك اللحظات

تنطق بالحزن, والكآبة , والإحباط , واليأس , وقلّة الحيلة ....

مع دهشة مزمنة ارتسمت عليه منذ فترة ليست بالقريبة,

واعترافٍ بالعجز والفشل إبليس راحلٌ عن بلادنا إلى غير رجعة...

فليفرح المؤمنون .... وين يامسهّل؟ ليش بتضبّ غراضك

يازلمة ماضلّلي قعدة عندكم, إلي سنين عاطل عن العمل

وقرّبت ا موت من الجوع .. ما بلاقي معك سيجارة يا أخي ؟

ما رح أترك فيكم لا وسواس ولا خنّاس!

كنت زمان بوسوس للوحدة تترك ابنها يبكي وهي تحكي مع جاراتها,

هلأ صاروا لحالهم.. يرموا اولادهم بالحاوية أوّل ما يجوا

كنت بوسوس للواحد ينسى يسمّي الله قبل ما ياكل,

هلأ بطّل حدا يلاقي ا شي ياكلو! يا زلمة..

إذا أنا إبليس... تسمّمت بالشاورما

كنت كمان بوسوس للشب يرميلو كلمة عالبنت وهي ماشية بالشارع,

صاروا البنات يرمو عالشباب كلام أنا نفسي بستحي أحكيه

واحد بيسرق 100 مليون عينك عينك بيحبسوه 3 سنين بفيلاّ عالشط ,

وإثنين بينبشوا بمكبّ الزبالة على اشي ياكلوه بسجنوهم ,

إنتو بدّكم إبليس إنتوا ؟؟؟؟

صار عندكم فائض بالفساد بكفّي 30 سنة لقدّام,

صرت اخاف على حالي منكم يا زلمة

صرت اتجبر مرّات وبوسوس بالمقلوب وقول للمسؤول إرحم

وللحرامي بيكفّي.. خلّي شويّ للحراميّة اللي رح ييجوا بعدك..

يعني إذا إنتو لحالكو ما شاء الله بتعملوا كل هالبلاوي,

أنا إبليس شو أعمل ؟

أشتغل شوفير تكسي يعني

ولاّ أفتح صالون حلاقة ؟

ماضلّ غير اقدّم للحكومه يعينوني مصلح اجتماعي!!!

المصدر: شبكة ومنتديات صدى الحجاج

على الله
كامل يفهم
وبلكي يعقل

يعني ما شيطان الا بني آدم ؟!
قست القلوب فهي كالحجارة او اشد قسوة .. زمن القبض على الجمر
معلومه ع الطاير :
في فرء بين الشيطان .. وانو نوصف حد بالشيطان ،
الشيطان كوصف هوي اي شي بيبعد عن الطاعة ويغري بالمعصية والشر
ومن هون ففي اكيد شياطين انس وشياطين جن
يجمعهم الوصف ، وما يدعون اليه من معاصي .
أما ابليس فهو شيطان من الجن كان اشي كتير واصل عندهم ،
خلقه الله قادر على الطاعه وقادر على المعصيه لكنه ابدا لا يستطيع التمرد على امر الله .
بدأت المعصيه برفضه ان يسجد لآدم استكبارا .
فقعد لنا الصراط المستقيم ..

نسأل الله أن نكون ممن يدخلون الفردوس ، ومن الصابرين وممن يقاومون وسوسته
الله عليم بذات الصدور اللهم اجعلنا من اصحاب القلوب السليمة يا الله

يعطيك العافية بطوش

الله لايحرمنا منك يانكهة القهوة يامن
لاتضيفي على اي موضوع الا رونقه
وتحبكيه كما يحبك القماش سلمتي صديقتي ودام قلمك