عيد الكندرة

حذاء الزيدي يكفي ضحايا بوش لإهانته أمام العالم

هزيت تاج الكبر والظلم يا ( منتظر )
واعطيت ( بوش ) الرساله واضحه بالحذا
ذاق الاهانه وجت قدام كل البشر
واخطته .. لكن ما اخطت كبرياءه .. لذا :
خله يذوق الاهانه والحشا ينفطر
ويسفّها مثل ما اسقاها لغيره كذا
خله يعَرف إن ما كل العرب مندحر
وإن الشجاعه لا زالت في دمانا غذا
( وإن الدوا مر لكن ريحة الموت امر )
والموت من دون صون العرض يصبح شذا
وإن الصبر في دمانا وصل حد الصبر
وإن الرجل لو عطا في يوم بعده خذا
خله يعرف إن جيشه في العراق احتضر
ولا لجيشه ولا له بعدها منقذا
سويت يا ( منتظر) ما يستحق الظفر
حطيت في عين ( بوش ) اللي تغطرس قذا
يا ( بوش ) خذها جزا مدة يمين الصقر
جزا احتلالك لدار الرافدين العذا
والعار ما يمّحي لو تغتسل بالبحر
لكن خذ الدرس من رميك بزوج الحذا

د . محمد بن حمدان المالكي