عنوان حياتي ....وكل حياتي .... !!!

رد: عنوان حياتي ....وكل حياتي .... !!!

ليش ذاب الصدق بقلوب الرجال ؟!
ليش قبل الزواج كان يناديني " الغلا "
وكنت اناديه " الغرام "
ويناديني يا " بعد أُمي وابوي "
ويناديني " ضحكتي ... وابتساماتي ...
وبلسم جرحي المفتوح وجروحي "
وعقب ما ربي جمعنا ...
واجتمعنا
وصرنا أُسرة
وصرت انا واياه جميع
نصحى وننام
ونشرب بكاس الغرام
ويوم يناديني اجبه ما أتخر
واقول " ســم ...
و " لبي قلبك يا بعد قلبي انا
صرا يناديني عقب ذاك الغلا
" هيه... وينك يامره ...

ليش هو قبل الزواج كان يكلمني
ويسولف
ويقضى ساعات وزمان
وما يمل ولا يكل
وحتى لو تأخرت ... او اخلفت ميعادي
ما ازعل علي
ولا حتى يعاتبني شوية
وكان يشوف عيوبي بعينه جمال
ونقصي بعيونه هو معنى الكمال

ويوم صرنا مع بعضنا
لو حكت له كلمتين
او تحدثت ... او مازحت وضحكت
قال : كافي ... بس ... مابدي قلة ادب
" واعتقد يكفي كلام وثرثرة ...!! "

يااااااااااااااااااااااهـ !!
بعد ماكان الحكي بشفاهي ينقط عسل
صار بتاليها حكي ؟!
لآآآ
وليته فقط حكي ...
صار اسمه " بربرة ... أو ثرثرة ...!! "


ليشوكان يراضيني من اول لما ازعل
وما يتحمل بس لو لحظة زعل
وكان يدللني
ويموت بضحكتي
ويقول " آسف يا غلاي "
آسف يا كلي وروحي وحبيبتي
ويكتب اجمل بيت شعر لعيوني لغاية ما ارضي
وبعد ما ربي جمعنا
وصرنا زوجين ببيت
لما يزعلني يقول لي
طقي راسك بالحيط أنت مدلعه وما اطيق انا الدلع
وما اكثر ماء البحر !!!

هو صدق مرضى عشق
واشواق
وحب
ومشاعر
وعشق من دحدرة في دحدرة
ماعرف ما معنى الانثي
ولا عرف قدرها
ولا وفاها بصدرها
وما حكي عن غلاها
ولا صفاها
ولا هواها
ولا دفاها
بس يتكلم على
ثرثرتها
وبربرتها
وحكيها
انت
ماتخاف الله يعاقبك
وهي!!!
عطر دنياك وهواك
بدونها تظلم سماك ...
بدرك في خدها
وصبحك في قدها
وشمسك بكفوفها
والانثي وردة ...
يا سعد من شمها
وغيمةٍ تمطر حنان ...
والحلا في دمها
وشكل بسمتها جنان ...
والكرز في فمها
وبن عمتها المطر ...
وغيمة الشوق أُمها
و بنت خالتها الربيع ...
والزهر هو جذرها
وخصرها دنيا لحاله ...
نيال صدرٍ يضمها
وريقها نكهة عسل ...
والعطر في كمها
وماهي الدنيا بدونها ؟؟؟
صحراء مافيها ربيع !
وعيون كاسيها الوجل !
ووجه ما فه امان !
وطفل يبكي !
وشيخ يشكي !
ودنيا مافيها رفيق !
وصحبة ما فيها وفاء !
وقلوب ما فيها حنان !
وما احدٍ يرحم احد !
برحمتك يارب ...
لاتحرمنا الهنا
لاتحرمنا من يفهم ويقدرنا
يحب ويعشق ويوقول مالي غير
ضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم
رحمتك يارب ...
بارك لنا
وبارك علينا
واجمع بيننا دوما على خير
واحسن بطاناتنا

المصدر: شبكة ومنتديات صدى الحجاج