هل الصدى اصبح ممل .. اغلاق قروب الصدى والشات ؟؟

ابو معمر .. انت ما بتعرف شو صار ؟؟


له له له

هذاك اليوم كنت في مكتب مكافحة المخدرات والادمان .. المهم ولا تدقق ليش كنت هناك بس والله مش مشاني . مشان واحد صاحبي يخلصني منه ربنا .. ورحت اتكفله

ضليت استنى الضابط واستنى لما تعبت وما في حدا عندي الا انا وبعيد عنكم هالكلاب وطول الوقت بشموا فيي ..
شو بدك في طولة السيره .. ما عرفت اضل قاعد وخصوصا هالكلاب بتبوس في .. صرت ابحبش هون وهون

والاقي على المكتب ورقه فيها كل المطاليب الي في الاردن وفي الوطن العربي
بقرأ في الاسماء .. وخير اللهم اجعله خير .. احزر شو شفت ؟؟

امسك اعصابك يا ابو معمر ولا تخاف .. الامور تحت السيطره

وانا بقرأ في الاسماء واشوف المطلوب الاكثر خوفا
ومين يطلع يا ترى ؟؟
اه الي في بالك .. فعلا قرأت

المطلوب .."شبكة ومنتديات صدى الحجاج "
شايف يا ابو معمر طلعنا مطلوبين للمكافحه وبنتصدر قائمة المطلوبين وبحكوا عنا اخطر الانواع وحتى الانتربول معممين علينا

المهم انا قرأت هالخبر انجنيت مع اني كنت متوقع بس مش لهدرجه يعني . ضليت ابحبش واستقص بدي اعرف السبب

والاقي تقرير طبي كان مرفق مع اوراق قضيتنا ..
كان مكتوب فيها ..
"من وزارة الصحه .. بعد الاطلاع والتدقيق واخذ العينات تبين ما هو أتي
شبكة ومنتديات صدى الحجاج السبب الرئيسي للادمان وان خطورتها تفوق المخدرات والحشيش .. وان جميع متعاطي هذه الشبكه هم مدمنين من الدرجه الاولى ..ولا يستطيعون ابدا الشفاء من هذا الادمان .. وفي حال التعرض لاحدهم او لشبكتهم باي خطر الوزارة لا تتحمل اي نتائج قد تصدر عن هؤلاء الاعضاء المدمنين
لذلك توصي الوزارة بتوخي الحذر في التعامل مع هؤلاء الاشخاص المدمنين "

وهذا الي صار يا ابو معمر الله وكيلك انا بس قرأت وتصيبني الحاله واتذكر الصدى واصير احك في حالي بدي جرعة صدى

وباقي المدمنين بحكيلكم لا تخافو استمروا في التعاطي ما حدا راح يحرمكم من المتعه الي انتو فيها .. ولو مش فيس بوك او مش عارف شو بقدر عليكم .. ايوا هيك بدي اياكم اخواني المحششين والمتعاطين
وبعدين يا ابو معمر حرام عليك والله بكره شي اسمه فيس بوك وفي الشهر بدخله مره .. خلينا هون عارفين خبايص بعض احسن بلاش اروح على الي ما بفهم فيه وانفضح بين العربان وبين الاجانب
بس كلمه بحب احكيها لكل اخواني المتعاطين الي مثلي .. خلونا مع بعض وما يهمنا الالقاب ولا عدد المشاركات ولا عدد المواضيع والحمد لله والله انهم معروفين الي بكتبوا من اجل الالقاب ومن اجل زيادة عدد المشاركات
وانا من هون بتقدم في تبرع سخي لاخواني المريضين نفسيا الي مش متعاطين مثلنا
بتبرع في لقبي متعاطي عام قصدي مراقب عام وبتبرع في 2000 جرعه قصدي 2000 مشاركه من مشاركاتي لكل من يحب المناصب ويحب ان يكون في المقدمه والى كل من يحب العرط وشوفيني يا بنت الخال .. وقصص فرد العضلات قدام البنات .. اااااااخ من البنات اسباب البلاوي كلها البنات من زمان بحكي .. كل واحد منهم بدو يشوف حاله قدام اي عضوة وانه زقرت وهو المحبوب في الصدى والكل في الكل وبصير يكتب اشعار ويرد هون وهون ..
شو رايك يا ابو معمر تريحنا من النسوان وهيك راح نرتاح من الانفس المريضه الي بتحب العرط ..
مشان الله يا ابو معمر رجعني متعاطي عادي خليني عضو حاف بدون شي .. اصلا والله احسن ما حدا بسألك ليش . وبتعمل الي بدك اياه وبتضل تتخوث كيف ما بدك وما حدا بدقق وراك انك مراقب او مشرف

واخيرا ابو معمر والحكي للجميع .. بلخص القصه بكلمتين
القافلة تسير والكلاب تعوي .....واللبيب من الاشارة يفهم