ابو قنوه ضيف كرسي الاعتراف

ابو قنوه ضيف كرسي الاعتراف

الاخوه والاخوات الاعضاء
ارجو منكم ومن خلال هذا المنتدى توجيه الأسئله الموضوعيه
والهادفه الى المراقب الرائع ابو قنوه
وارجو منه ان يجيب على اسئلتكم بكل صراحه
متمنيا لكم وله التوفيق

المصدر: شبكة ومنتديات صدى الحجاج

اول شي منور الكرسي ابو قنوه
بس انتبه بلا ما توئع عن الكرسي

تاني شي بتمنى من ابو قنوه يعرف ببطاقتو الشخصيه

تالت شي ليه ردودك ومواضيعك بحسا ساخره

ورابع شي مين من اعضاء المنتدى حاس انو بيكرهك ونفسو يضربك بقنوتك على راسك

شو هدفك بلحياة


وما هيا الحياة من منضار ابو قنوه

تحياتي اخي ابو قنوة
شخصيتك التي لمستها هنا شخصية نتعامل معها كثيرا شخصية الإنسان الطيب الذي يفصح عما في قلبه بتلقائية قد تزعج الاخرين أو قد تفرحم

سؤالي لماذا اخترت هذا الأسلوب في الكتابة؟


ثم لماذا اخترت هذا الاسم لتختبئ وراءه؟

شكرا لك .. ودمت بعافية

يا صباح يا فتاح شو هاي مراقب ...

ما بحب اراقب الناس ...
بلشنا من اولها ...............

صباح النور يا يتيمة الروح .... الله لا يحرم حدا من طلتك ....
اولا .....ما عندي كرسي ولا هم محسوبك مبحط على حجر ...
ثانيا يا يتيمة الفؤاد ما عندي بطاقة ولا جواز ولا هوية ... بصفتي من الصعاليك يعني عايش بعل ....
ثالثا ... انا نكد بطبعي . مثلي مثل بقية الناس وانت منهم ..... ولكن احيانا بتطلع معي نهفات بدون قصد يعني هيك الله خلقني .... مصيبة ...
ورابع .... مافي حدا بكرهني بالمنتدى غير كامل وانت واحمد وريما ودانا والمراقبين والاعضاء والمشرفين .و,وووووووووو.. يعني سلامة تسلمك ....

انا عندهم اطقع من بوش عند الزيدي ...

هدفي بالحياة ... اشوف امة العرب اقوى الامم .. وتكون هالبلد اعظم البلدان
.. اما الحياة بنظري ايام ما ما كان عندي نظر ... ربيعا قصير الامد..

عطر الشعر لشاعرنا الرائع واديبنا المتمكن
انا معاك حذر وانت تملك ناصية الكلمة ورقة الحرف ... كيف لا ونحن امة الكلمة والاعجاز اللغوي ...

الاسلوب في الكتابة يفرضه واقع الحال .. فانا لم اختارولم اتردد ..كل ما في الامر انى قارىء مدمن ولا ادعي الثقافة ...
ولكن الامر انا ادمان المطالعة صبغت الاسلوب بما يلائم مكنونات الشخصية ...وانت الاعلم مني بذاك.
اما الاسم يا صديقي فله قصة قد تطول ولكن مختصرها اني وفي زمان ما قد مضى وانا ولد واي ولد ...... كنت اقوم بنقل انتاج مزرعة لنا بواسطة بكم وكان البكم بلا فرش يعني بس كرسي الشوفير وبيني وبينك كنت من كثر خزوق ارضية البكم اتكاسل افرفر على جنب الطريق يعني كنت باعطيها فرفره على ارضية البكم بصفة الارضية مخزقة ... المهم كنت انتع بالبكم هراوة ضخمة ... ايد فاس بالعربي ...
للحزة واللزة ... بس بصريح العبارة عمري ما فتحت النار على احد ... ومن هون جاءت الفكرة ..... وسلامة تسلمك ....

دامت العوافي ترفرف على دقات قلبك ...

كل واحد بزيدها ....
ما يلوم غير حالو .............

الطايح رايح ................................

مرحبا ابو قنوة بجد تعبت كتير لحتى لقيت سؤال يليق فيك وبعدين انت عارف معزتك عندي المهم خلينا نبلش :

1. هل تؤمن بمقولة البنت احن على ابوها من الولد .
2. هل تؤمن بمقولة الولد احسن من البنت لو شو ما كان يكون .

3. هل انت فعلا بتكره النساء ولا كلمة وطلعت ومو حابب ترجع فيها ؟؟؟
وسلامتك ويا ريت ما تزعل مني

السلام عليكم ورحمة الله وبركاته

حبيت شارك مع الاخوة والاخوات هون واسئلك بعض الاسئلة الخفيفة الظريفة المهضومة كثير
بس بالاول رح رحب فيك اخي ابو قنوة مراقبنا العام اللي ما يحب يراقب الناس
و رح اسألك

اولا
شو معنى اسمك انا عن نفسي ما اعرفه وليه الاسم ده بالذات؟

ثانيا
من هو الشخص الذي لايرفض له ابو قنوة طلبا؟

ثالثا
من خلال تفاعلك مع اعضاء صدى الحجاج من صاحب

ارجح عقل

اطيب قلب

اخف دم

اصدق قلم

اوعى فكر


الحوار الهادئ

الفكر المتعصب

القلم المتدين

المواضيع المثيرة


رح اكتفي بهذا القدر اخي ابو قنوة و راجعة اكيد لاستكمال التعارف


تحياتي




وفـــــــــــــــــــــــــــــــــــاء

ابو قنوه كيف حالك وشو اخبارك انشاء الله تكون بألف صحة وعافية يا رب
السؤال الأول : ماذا تعني لك العراق ؟
السؤال الثاني : لماذا دائم الهجوم على المرأة ؟ رفقاً بالقوارير
السؤال الثالث : كم نسبة الاعضاء اللي بتعرفهم شخصياً ؟
والى اللقاء

أخوك المنسي ..