فلانة محجوزة لفلان !!!! مع أم ضد ؟

فلانة محجوزة لفلان !!!! مع أم ضد ؟

السلام عليكم ورحمة الله وبركاته


( الحبر بيخلص وقضايا مجتمعنا مابتخلص )



نجي لقضيتنا ومحور حديثنا

( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

* بيجي واحد يخطب بنت جيرانه ..الولد ماعليه خلاف.. ودين ..لكن البنت محجوزة لابن عمها

* في يوم من الأيام شخص كان حاجز وحده من قريباته .. وطول حجزه الها يعني من وقت ماكانو صغار وهم يقولو فلان لفلانه وفلانه لفلان .. وبعد ما توظف تركها وقال انه مابدو اياها ..

ساءت الحاله بين العيلتين .. والبنت تورطت وراحت فيها حتى الخطاب مابيدقو بابها لأنهم بيعرفو انها محجوزه لفلان وضاعت البنت مع ضياع هذا الحجز ..

* بنت يتيمة وحيدة..حجزها عمها لابنه ..لانه مابدواياها تطلع من العيله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلص البنت محجوزة لفلان



قصص تبكي القلوب .. وأحلام بتضيع في قرار
أمال وأمنيات بتتبخر ..

بصراحة انا حاسه ان الحجز فيه ظلم للبنت
خصوصا ان الولد لو كبر وغير رايه مارح يتأثر

لكن البنت حساسة و رح تتأثر
وفوق كل هذا ماعاد بيجيها خطاب لانهم بيعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..

لكن البنت هي اللي رح تتأثر اكثر



يخلص الحبر والكلام مايخلص


من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه بدو يحجزك شو بيكون موقفك ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟

المصدر: شبكة ومنتديات صدى الحجاج

دع الايام تفعل ما تشاء .........

انا ضد هالفكرة والحمد لله هالعادة مو موجودة عنا او بعائلتنا

انا رأيي السبب الشب و البنت الاتنين مسؤولين اذا شب او بنت صار بعمر الزواج ومش قادر يحكي رأية او يتحكم بحياتة على الدنيا السلام


شو انا كرسي محجوز لرحلة

وعلى العموم من هلا بحكي الي بيفكر بالجيزة من هلا يحجز لحالة غرفة بمستشفى المجانين

تقبلي مروري عزيزتي

والله لا يقوله هالشي يصير في عايلتنا

بصراحه انا بكره هاد الشي

ليه البنت خروف يحجزها الحتى تكبر عشان يذبحها تندبح يوم العيد

والله ناس متخلفه وعقولها عقول متحجره

والحق مو على الاهل الحق على الشباب وخاصا الشب اللي طاوع اهلوو

الله يكون بعون البنت يلي بيحجزوها لا ابن عمها بتكون نهاية حياتها مو بدايتها

العادة هاي موجودة لهلأ وانا بشوفها كثير وبسمع عنها والمشكلة في العادة تكمن كما ذكرتم في الشب عندما يكبر ويوعى ع الدنيا وما يبدي رايه انه ما بده الموضوع من اساسه وهاذ نابع من الفكرة السائدة واللي بتعشش في فكر الشباب انهم هم بس اللي بيحق الهم انعم يختاروا

ممكن الحب يلعب دوره وفعلا يتجوزوا بس ليه الحجز بنتركها للايام (مثل ما حكى احمد) وازا حبوا بعض خير وبركة

انا اكييد ضد هالشي هي عاده غريبه والحمد لله انه مافي عنا هيك شي
ليش لتحجز البنت لشب وهم لسه اطفال؟
اشي طبيعي انهم بس يكبرو مايكونو لبعض

الشب من حقه يحب ويختار بنفسه عروسته والبنت كمان ليش لنظلمهم بهيك زواج ؟

دع الايام تفعل ما تشاء .........


معك حق احمد بس هلا البنت والشب الهم دور وراي بكل شي وبهاالموضوع بالذات لازم يكون الراي كله الهم
,,,تحياتي

اقتباس : المشاركة الأصلية كتبت بواسطة ريماس [ مشاهدة المشاركة ]

انا ضد هالفكرة والحمد لله هالعادة مو موجودة عنا او بعائلتنا انا رأيي السبب الشب و البنت الاتنين مسؤولين اذا شب او بنت صار بعمر الزواج ومش قادر يحكي رأية او يتحكم بحياتة على الدنيا السلام شو انا كرسي محجوز لرحلة وعلى العموم من هلا بحكي الي بيفكر بالجيزة من هلا يحجز لحالة غرفة بمستشفى المجانين تقبلي مروري عزيزتي

مرورك عذب صديقتي,,,ورايك في محله معك حق بالي قلتيه كله صح..تحياتي

هبه..اسرار.. وميس تحياتي الكم ولمروركم العذب كلامكم صحيح ولا جدال فيه ,,,والحمدلله ان العادات هاي ما عادت متل قبل لان البنات هم الي رح تروح عليهم...

بتعرفوا وين التناقض
لما الشب والبنت ما يكونوا بدهم بعض بصير الحجز عند الاهل شي عادي وحتى بكون عمل بطولي للاهل بتسابقوا عليه والكل بهنيهم
ولما يكونوا الشب والبنت بدهم بعض وبحبوا بعض بس في ضروف عند واحد منهم مثلا الشب ما كون حاله او او او... بصير الحجز ع دورهم عيب وما بصير وعمل غير شرعي من قبل الاهل , والناس ما بترحم

مش قمة التناقض ؟؟؟