حرام احبك

حرام احبك

ماكنت ابي عطرك ولاني للخطـأ عشقـان ..
.. أنا ماكنت ابـي الا احـس انـك تحبينـي


وهبتك اجمل احساسي الوله لـك عطشـان ..
.. لقيتك يابعد عمـري حسافـه ماتحسينـي



كتبتك اعذب حروفي " قصيده " وزنها ديـوان ..
.. قريتيها ,, رميتيها ,, ابـد ماكنهـا سنينـي


تجين من الفجر كذبه وعينك تخفي العنوان ..
.. وأنتي في سواد الليل على الكذبه تمسينـي


انا جابتني الصدفه وهـذي منـة الرحمـن ..
.. اشوفك توصف لغيري الي صفات وصفتيني


حبيبي يكفي اسلوبك انا يكفينـي البرهـان ..
.. انا ما اصدق ليـش ولكـن شافتـك عينـي


سكت وداخلي صرخه تردد صمتها الجدران ..

.. حسافه طاوعك قلبك بـلا ذنـبٍ تبيعينـي


الومك ,, ما الومك ,, لا الومه وقتي الخـوان ..
.. عطيتك الف معنى حب وهذا الي تجازينـي


أنا ماأملك الا قلب ,, لكن للاسـف تعبـان ..
.. كفاني منبع الاحزان تفجـر بـه شراينـي


أحبك !!! ليه احبك ليه واتوه بعالمي حيران ..
.. وأشوف الناس من حولك تشوفيهم وتنسيني


احاول اكرهك لكن فـؤادي ماكـره انسـان ..
.. غريبه كيف هذا القلب يحب اللي جرح فيني


حبيبي داخلي كلمه عساها تشفي الوجـدان ..
.. حبيبي ما أقول الا ,, حرام انـك عرفتينـي

المصدر: شبكة ومنتديات صدى الحجاج

سكت وداخلي صرخه تردد صمتها الجدران ..

.. حسافه طاوعك قلبك بـلا ذنـبٍ تبيعينـي

سكت وداخلي صرخه تردد صمتها الجدران ..
.. حسافه طاوعك قلبك بـلا ذنـبٍ تبيعينـي


صباحك بالخير اخي ابو مجد .... بوح يعانق صمته الجدران ويفجر الصرخات من داخل الكيان ... دمت ودام فيك نبض القلم مشرقا كاشراقة هذا الصباح

تسلم يا استاذ البيوح وسكير العشق

وهيام الروح
احلى صباح من روس الجبال مع تغريذة كل عصفور
يصلك قبل الفطور