حكومة ابو قنوة ؟

حكومة ابو قنوة ؟

اتكالا على الله وبعد ان تم اغتيال ريما الحندقة .ودق عظام اسرار ... وطحن الولايا والنسوان والقضاء عليهن تماما ... وتسميم ابو معمر .. وطخ كامل بين عيونه..

قررت انا المتوكل على الله القنوي ابن القنوي .. تشكيل قيادة حكومة المنتدى الجديدة .. وكما يلي :
1- يعين العقيد الركن الهمام ابو قنوة قايد عام المنتدى رئيس الاركان القايد العام للقوات البرية والبحرية والجوية والنووية( نجادا مش احسن مني)..
2- يعين معالي السيد ابو قنوة .. رئيسا لوزراء المنتدى و وزيرا للخارجية والداخلية والمالية .ركزو على المالية ...
3- يعين معالي المهندس ابو قنوة وزيرا للاشغال والنقل .. والمواصلات والشؤون البلدية والقروية والحارات ..والزواريب .
4- يعين معالي الدكتور ابو قنوة .. وزيرا للصحة والتخطيط والتفحيط والتموين ..والصناعة والتجارة .. والسدود والغابات .. وساحات الخردة .. والسكراب ... الي عند القماز..
5- يعين سماحة السيد ابو قنوة .. وزيرا للاوقاف والجوامع والحسينيان والقنويات ...واللحي والذقون والسوالف .. والحجاب .. والصالونات والبدي كير والمني كير ... والبيبي دول والذي منه...
6- يعين معالي القس ابو قنوة .. وزيرا للسياحة والاثار والمغر والطيران العايفة حالها ..والحجار الواقعة من ايام حمورابي ...
7- يعين . فضيلة الامام ابو قنوة مفتى عام المنتدى .. الناطق الرسمي باسم النمتدى .
8- يعين جناب المختار ابو قنوة رئيسا لمجمع بحوث الحضارة والبحث العلمي وقايد عام المفاعلات الذرية ...والطوابين وصوبات الكاز .. وجحور الفيران ...وحبال الغسيل ..
9- يعين سماحة معالي جناب عطوفة فخامة .. سيادة سعادة ..ابو قنوة .. ولي امر المنتدى والمسؤل الواحد الذي لا شريك له في الادارة والعمارة والسحب والجر... واللت والعجن .. والمفاحجة والمباطحة .. والقبض بدون صرف .. وتسلق الاشجار والمزاعطة على الحمير .. ولعب السبع جور .. ولعب لقلول .. والحدرة بدرة قلي عمي .. وريما ريما الحندقة ..وحامي بارد .. وعالي واطي .والقول الانجليزي .. والموس ابو سبع طقات ..... وكل ما يخطر على بالك او ما لا يخطر على بالك من يوم بزتك امك لحد ما ارميك بالحفرة اياها الله يا يردك ...
وعلى ذلك وترسيخا لمبدأ الديمقراطية والحوار الحر الشفاف ..فقد قررت بعد التوكل على الله واستشارة نفسي منع اي كان من الكتابة او الكلام او التعليق او حتى التنفس وسحب الانفاس حتى لو كان نفس ارجيلة من الكتابة هنا ...
10- يعين العلامة الطزيز والذهب الابريز ابو قنوة ..رئيسا وقايدا عاما تاما شاملا لهيئة النهي عن المنكر .. تحديدا لانه مافش هيئة امر بالمعروف... لانكم شعب ما بنفع معاكم المعروف .. احنا عارفين بعض ...
اقول قولي هذا واستغفر الله لي ولكم ...
والي مش عاجبو .. الو.. حرية اللجوء السياسي .. معاه من تايوان .. للبيرو .. للحفاير ......وين ما بدو ينقلع ..والي بدو يعمل معارضة ومظاهرات انا جاهز ..مش بس رايح امشي باول المظاهرة .. بمشي باخرها.... وبرفش ببطن كل واحد بقول ثلث الربع ..بنتاجون ...
الكم حرية شم الهوا .. والي مو عاجبة الهوا يروح على محطة التنقية ويوخذ راحتو ...ويعمل شهيق زفير لما يوثب ...
تنزيل اسعار ماكو ... ولدنه وهملنه ماكو .. حب نسوان ماكو ... قصقصة بزر وقضامة ممنوع بتاتا...
موظفين جايبهم من المانيا ... والعمال طبعا جدعان ... والدكاترة انجليز وحياتكم ... والحرس الشخصي بتاعي .. نص هيك ونص هيك ... يعني شوية لبنانيات على شوية روسيات .. مش ناقصني نسوان بلديات شغل طق حنك وبرم على الفاضي .. ومش ناقصني الوحدة بوزها مثل بوز عريف الغفر ابو شرايط ...ولا ناقصني دبابات نسائية متحركة .. خلينا في الرقة والرشاقة ..
اصبحنا واصبح الملك لله ...

المصدر: شبكة ومنتديات صدى الحجاج

ابو قنوة شكلة ما النا حظ بالتشكيلة هاي

دبرها من هان وهان
بلكي تعطينا اي وزارة
انا بقبل باي شي

يسلمو يا شيخ

شو هالتواضع ياابو قنوه ماشاء الله عنك مو مخلي لقب بالدنيا يعتب عليك

وانا كمان مالي نصيب بالتشكيل الوزاري الجديد....؟؟
يلا ياسيدي هو محمود عباس احسن منك عيــــــــــــــــــــش

وانا كمان ولا انا ولايا ما بدك يانا طيب انت الخسران

ابو قنوة والله بطلعلك... عموما انت الخسران بدونا المنتدى ما الو طعم...و بدنا نشوف الروسيات بشو احسن منا...

قرأت اشياء بين السطور
لا تنبئ بالخطر لأن الخطر اصبح وشيكا

سيدي .. يأتون ويذهبون .. والحال هو الحال
فهنيئا لمعالي شعبنا الأكارم

والله مش عارفة وإنت لحالك شو بدك تسوي لا حس ولاخبر أكيد رح تنجن .................... وفي مثل بحكي الجنة وهي جنة بدون ناس ما بتنداس يا أبو القناووووووي

الي مادح نفسه ................................وطير ولا تعيدها

من جهة التحليلات والاآراء فالجميع يبصم بالعشرين انها حكومة فاشلة قطعا ابو قنوة دور على تشكيلة حكومية غير هيك