اظن من حقى أسألك.

اظن من حقى أسألك.

السلام عليكم ورحمة الله وبركاته


اظن من حقى أسألك..انا قولت ايه خلاك سكت..
أنت سألت..جاوبت لك..
سرحت ليه عنى وبعدت..

أنا قولت لك..انت الوحيد..
كان فى زمان.. وراح بعيد..
مش عشق قلب..
ولا حتى حب..
كانت براءه..وطيش ولعب..
لكن انت بس..حبى الكبير..
انت الغرام المستحيل..

رد وصارحنى..صمتك دابحنى..
سكت ليه..
بتشك فيا..بتغيير عليه..
جرالك ايه..
مليون سؤال وجاوبت لك..
فتحت قلبى وقلت لك..
من غير مااخبى شرحت لك..
سكت ليه..

غلطانه إنى سكت لك..
اظن من حقى أسألك..

سكت ليه..
ماكنش ينفع إنى اخبى عليك حياتى..
ولآ ادارى عنك فى عمرى اى ماضى..
واللى قولته..وضع عادى..
مايزعلشى.. للدرجادى..
ماضى فى بداية حياتى..
ماانا مااتولدتش الليله دى..

مش مستاهله إنك تتغيّر..ولا تتعصب ولا تتحيّر..
من شىء تافه كان ف الماض..طفله بريئه بعقل صغير..
نبتديها إزاى بكدبه..
اصغر شرخ يزيد وبيقوى..
ولا فيه حاجه بتستخبى..
والآسيه بس تبقى..
يبقى اصارحك بالمحبه..
الصراحه والوضوح..صدقنى افضل م الجروح..
اى جرح يمس الروح..للابد.. يفضل مفتوح..
مش خطيئه.. إنى اقولك ذكرياتى..
الخطيئه.. إنى اخبى عليك حياتى..
نبتديها صفحه بيضا من الليله دى

تابع..............

المصدر: شبكة ومنتديات صدى الحجاج

[COLOR="Magenta"] زعلانه ليه..[/COLOR]

انتى ابتديتى واختفيتى قد ايه..
زمان مشيتى وادّاريتى عنى ليه..
دلوقتى جايه ماسكه قلبى تقرريه..
من يوم غيابك للنهارده جراله ايه..
دق ليه..
حس ايه..
حَب غيرك هز فيه..
حد تانى حس بيه..
حُب تانى عاش عليه..
كان فى بعدك عامل ايه..
مدام يهمك.. ليه تسيبيه..
وبعدتى عنو ونسيتيه..
دلوقتى جايه تطلبيه..
دلوقتى جايه تقرريه..
وتغلطيه..وتعدى دقاته اللى فيه..
وتشوفى مين جارت عليه..
وحب فيها قد إيه..
وتحاسبى كان عشقها ليه..
حرام عليكى انتى ايه..
وحبى عندك شكلو ايه..

لو كان يهمك تعرفيه..
مشيتى واختفيتى ليه..
عايزانى اشيل فوق قلبى صخر..
وترجعيلى بكل فخر..
تقولى بعته واشترانى سيبته شب لقيته كهل..


نفسك تحاسبى ماتتحاسبيش..
وتقولى وانتى ماتسمعيش..
وتروحى آخر الدنيا وحدك ولا حد من بعدك يعيش..


أنانيه ليه فى حبك كده..
ومتحكمه..
كان فيا ايه تسبينى أكتر من سنه..
وأنا اللى كنت بيكى طاير فى السما..


زعلانه ليه..
شوفى انتى غبتى قد ايه..
لو حد غيرى كان نسيه..
وترجعى مش حتلاقيه

م/ن
مع تحياتى