كيف تصبح مواطن اردنياً

كيف تصبح مواطن اردنياً

بداية وحتى تصبح مواطنا أردنيا يجب عليك إتقان الكشرة الأردنية
>فهذا من أهم ما يميز الإنسان الأردني عن الإنسان العادي!
>البوز الملوي … والحواجب المعقودة …. وإذا نظر إليك أحدهم
فقل له بكل استعلاء:
>(أبو الشباب ... ليش بتجح بخلقتي ... مضيع بوجهي شلن؟)
>هكذا تكون قد قطعت شوطا كبيرا نحو الاردنة
>
>
>
>تابعا للنقطة السابقة .. فلتسير على مبدأ
>اللي بيطلع عليك بعين .. اطلع عليه بنص عين
>يعني نظرة انقرافية بحته ...
>أي بالكلمات الأردنية:
>(كلك على بعضك مش شايفك)
>
>
>
>تعلم فن التعصيب .... وأقل كلمه تطلع زيفك (عصبيتك)
>عصب وصيح وبزق وانت بتحكي
>على شرطي المرور ... على الكونترول ... على سايق التاكسي
>المهم تتهاوش هوشه يوميه
>وتحرق وراها بوكيت (باكيت) دخان
>
>
>المواطن الأردني إنسان كالصخر
>خارق للمنطق والعادة .. ولا يخضع لأي عمليات حسابيه
>
>نضرب مثال..
>المواطن الأردني العادي بدفع ايجار بيت 150 دينار
>كهرباء وميه حوالي 20 دينار
>عنده سياره قسطها الشهري 100 دينار
>وترخيص على بنزين على زيت تقريبا بالشهر 150
>دخان بمعدل باكيت باليوم (وهذا مش مدخن ... بيعفط تعفيط) بس
50 دينار شهري
>احكي 150 أكل وشرب
>وحوالي 30 بالشهر بطاقات شحن (إذا ما كان حبيب .... اذا كان
بحب) بده 100دينار
>50 اله و 50 لحبيبته... ليش هي بتتنازل تشحن لحالها
>(حبيت تحكي اشحنلي ما حبيت فيه غيرك كتييير)
>صار المبلغ 650 تقريبا
>وهو كل راتبه 250 دينار ....
>كيف بتزبط معه ؟؟؟ الله اعلم !!!
>
>
>
>حتى تصبح مواطن أردني يجب ان يكون
>لديك
>او امتلكت في يوم ما
>أو تحلم بأن تمتلك
>احدى السيارات التاليه:

>كيا سيفيا
>هونداي اكسنت
>زعرا (والمقصود BMW 320 )
>نيسان سني (حصريا للتكاسي)
>لف (والمقصود مرسيدس 200 موديل 82 وحتى 85)
>او 180 (المقصود مرسيدس موديل الستينات) ... وانتا بتلفها
براحتك
>المواطن الاردني مواطن يحب المظاهر
>يعني اذا لم يكن معك ولا قرش يجب أن تتعلم فن العرط
>(العرط هو الكذب والإدعاء بأنك مليونير)
>أي أن تجلس مع الشباب وتوهمم أنك ولدت
>وفي فمك ملعقة ذهب
>مع ان الواقع هي انك ولدت وفي ثمك ملعقة خ** (كلمة مشفرة!!)
بعيدن عنكو
>يعني مارس فن التشبير وعلق الهامر على جنبك
>وفضي بكيت الفيلادلفيا ببكيت مارلبورو
>حتى تكون مواطن اردني
>يجب أن يكون أحد أقرباءك من مواليد الف وتسعميه وتنكه
>له سن ذهب
>
>حتى تكون مواطن اردني يجب أن يكون جدك
>قد امتلك نصف الشميساني أو عبدون
>في يوم من الايام .... وباعها بميتين ليره
>
>حتى تكون مواطن اردني
>عليك أن تكون دقرا ... تعلم المداقره
>واحد دق عليك الباب احكيله مين ؟
>بس يحكيلك انا فلان .. قوله ع طول لا مش انت
>المهم تداقر شوي على أي موضوع
>حتى لو كنت عارف حالك غلطان
>حتى تكون مواطن اردني
>يجب أن يكون لك واسطه في كل دائرة حكومية
>قرابه
>او نسب
>او صحبه
>او ابن عم خالة جدها لمرة جار اخوك
>المهم تمشي حالك ...
>
>حتى تكون مواطن اردني
>تعلم فن التقسيط ....
>موبايل اقساط
>سيارة اقساط
>اثاث بيت اقساط
>جرابات اقساط ...
>لازم يصفي من راتبك كل شهر 13 ليره لانه الباقي اقساط!!!
>وتعلم ان تجد كفيلا يكون (خروف)
>(الكفيل الخروف: يعني كفيل أهبل يدغ عنك ال أ قساط التي
تتهرب من دفعها)
>علشان يخصمو عليه هو
>ويخفف عليك شوي من اقساطك !!!
>
مبروك ... أنت أردني !!

المصدر: شبكة ومنتديات صدى الحجاج

هذه ما صنعت يداك ... بالمظاهر الخداعه يصرف الراتب ولكني هنا اشير الى نقطه ايضا ان 30% من طعام المواطن الاردني يذهب الى الحاوية ... بمعنى الراتب هدر من غير تفكير الاسواق تعج بالمشترين ومن جميع الطبقات لا تميز فقيرها من غنيها ... وعلى ما يبدو اقول جازما ان فقرنا هو فقر كماليات والبعد عن دين الله يؤدي الى ضنك الحياة ...


مع جزيل الشكر اخي ابو معمر على موضوعك الذي يحتاج منا جميعا الى نقاش مستفيض بهدف الوصول الى قناعة انه كل واحد على قد لحافه يمد رجليه .

كل الشكر لاخي ابو معمر على هذا الموضوع الذي يحتاج إلى دراسة ونقاش موسع كما قال أخي أبو عمار .لأن رأيي في شعبنا الأردني الطيب وانا منهم بأنه شعب مستهلك يتفنن في زيادة الاعباء فوق كاهله ,فلو حسبنا الفاتورة الشخصية لاية عائلة كادحة نجدها تفوق دخله الشهري كذا تلفون خلوي في البيت تلفون ارضي مشبوك على الانترنت باستمرار سياره داعوقة بنزين اجار بيت وفاتورة ميه ناهيك عن الاكل والشرب اللي نصه بروح في الزباله ومصاريف العيال الامحدود ناهيك عن المناسبات الاجتماعية في المحصلة مواطنا تفنن في الحصول على السلف البنكية وفن الجدوله المستمرة.

يكفينا فخرا أننا أردنيون الأصل والمنشأ
خليهم يعملو ما بدالهم

اردنيين ونعتززززززززززززززززز

ومع كل كلامك لو لم اكن اردني لودات ان اكون والتكشير احسن من المياعه

اشكر حضورك الى المنتدى والتواجد هلا بيك

أردنية وافتخر بالصوت العالي

ههههههههههههههههههههه

على راسي يا ابو معمر وصفت فأعجزت
وين ابو قنوه بكيف على هيك موضوع
.
.
موفق بإذن الله ... لك مني أجمل تحية .

انا سورية بس عايشة بالاردن يعني انا انعديت ؟؟؟؟؟؟؟؟؟؟؟؟؟؟

علمتوني الدقة والرقصة ولهجتي صارت اردنية
يعني انا صرت اردنية ومعي الايزو

بس الحمد لله ما بعرف اكشر ابو معمر لا تحاول ما راح اكشر

بدي اضحك

حتى انتمائنا كله تكشير وعنف وارهاب
في اغنيه وطنيه في الدنيا بتحكي " خلي عظامه تتطقطق " ولا اغانينا في الافراح " يا ويل الي عادينا بالسيف نقطع شاربه "

بس بنضلنا يا محلانا والله بنجننن