فلم اردني خيالي جدا جدا

فلم اردني خيالي جدا جدا

قصة خيالية أردنية

كان يا ما كان في قديم الزمان و في سالف العصر و الاوانبلد صغيرة جميلة يعيش فيها عائلة صغيرة مكونة من اب و ام وولد فقط.

شوفوا شو حلوه الحياة في الأردن

يصحى ابو عقلة من النوم نشيطا مبتسما وينظر الى ام عقلة بحب. ابو عقلة: يسعدلي هالصباح شو هالحلاوة هاي. أي انا الي ثلاثين سنة بتصبح بهالقمر

ام عقلة: يي يا ابو عقلة انا اللي بتصبح باحلى قمر احضرلك الفطور؟

ابو عقلة: اه بس اطفي التدفئة شوبت كتير و الله هدول بالارصاد دقيقين بطريقة مش معقولة يعني اللي بيقولوه بيطلع صح

ام عقلة: شايف شو الطقس حلو برة؟ التلج داب من مبارح والجرافات رفعتة من الطريق و كل شي برة نظيف...خليني اصحي عقلة يلحق يتحمم ويفطر ويروح على دوامه وبحضر الفطور

ابو عقلة :ما تنسي العسل والقشطة يا قشطة

ام عقلة تذهب لايقاظ عقلةتدخل غرفة عقلة المرتبة النظيفة جدا و تراه نائما كالملاك

ام عقلة: عقلة اصحى يما الساعة ستة

عقلة يصحى بسرعة شديدة ويقفز من سريره بنشاط

عقلة: يسعد صباحك يما....يا باي يما شو بحب يوم الاحد بعد العطلة هيك ارجع ع دوامي ..انا يما بحب شغلي كثير

ام عقلة: بس يما زي ما بوصيك دايما انت شرطي سير الناس امانة برقبتك

عقلة: ولو يما..انا اصلا كل مواطن اخ وكل مواطنة اخت بديش وصاية

يفطر ابو عقلة وام عقلة وعقلة في جو من الالفة العائلية الجميلة

و يقبّل ابو عقلة ام عقلة بعد ان يضع في يدها خمسين دينار مصروف اليوم ، يذهب عقلة الى عمله مبتسما ويقف في مكانه على دوار عبدون تمر سيارة مسرعة و يوقفها ويذهب للسائق مبتسما

عقلة: صباح الخير يا اخي ..كيف حالك؟ بس يا ريت تخفف السرعة شوي على الدوار وبلاش التشحيط و كمان لو تحط الموبايل من ايدك لانه خطر على سلامتك و سلامة غيرك اتمنى لك نهار سعيد

المواطن مبتسما: شكرا سيدي الله يعطيك العافية ويقود سيارته بتمهل وحذر

يتحدث عقلة لنفسه: ما شاء الله ما احلى سيارته الله يزيد و يبارك

ابو عقله في دوامة باحدى الدوائر الحكومية ينهمك في عملهولا يلتفت يمينا او يسارا ولا يحادث زملائه ولا يشرب الشاي او يحل الكلمات المتقاطعة

و يبدا المواطنون بالتوافد على الدائرة التي تتسم بالنظافة الشديدة والتي يوجد بها كراسي نظيفة جدا مرتبة غير مكسورة او مطبشة او مكتوب عليهاويقفون بترتيب في طابور منظم بدون تأفف مع احترام النظام و اعطاء الاولية لغيرهم

يقترب اول مواطن من ابو عقلة مبتسما

المواطن: صباح الخير

ابو عقلة: صباح النور شو طلباتك نحنا هون في خدمتك لراحتك ومساعدتك

المواطن: بس بدي توقعلي هالورقة

ابو عقلة: بكل سرور بس بدها توقعين ثانين بعد هيك و بتكون جاهزة

يشكر المواطن ابو عقلة و يوقع التوقعين و تنتهي معاملتة خلال نصف ساعة و يغادر الدائرة

يخرج للشارع و يوقف تاكسي و يجلس قرب السائق النظيف الذي تخلو سيارته من اية زينة او علبة كلينكس معلقة بالسقفو التي يمنع فيها التدخين و يقود السائق سيارته بكل لياقة و ادب و اخلاقدون ان يتجاوز او يتوقف على المنعطفات بدون انذار

و دون ان يشتم او يسب او يتافف من الحكومة او الغلاء او المخالفات الغير موجودة اصلاو دون ان يفرض ارائه السياسية و نظرياته على الراكبو دون ان يبصق من النافذة و تنتهي الرحلة و يدفع الراكب النقود بدون نقاش و يعيد له السائق الباقي بكل سرور لوجود الكثير من الفكة بحوزتهو يتابع السائق طريقه مبتسما هادئايستمع لصوت محمد الوكيل الشجي على راديو فن والذي قرر ان يستقيل لان البلد خالية من المشاكل

يتوقف السائق على اشارة المرور ولا يقترب منه اي شحاد او بائع زهور او العاب لا معنى لها و لا يزمر للذي امامه او يقرفه و يشكرالمواطن اللهعلى نعمته و يحمده على خيراته


وهنا يستيقظ عقله على صوت أمه قائلةً: قوم قامت قيامتك، صارت الساعة عشرة وانت بعدك نايم يا هامل.

المصدر: شبكة ومنتديات صدى الحجاج

انت الاروع ( كتير حبيت طريقة الرد)

بكرة بسوها مسلسل

.

قصه جيمله جدا

من الاااااخر