مهارة للقضاء على الذباب

مهارة للقضاء على الذباب

مصيدة الخل للقضاء على الذباب

2011-04-19 12:06:07

تعديل حجم الخط:

سرايا - يمكن القضاء على ذباب الفاكهة من خلال ملء كوب بقليل من الخل والماء وسائل التنظيف, مما سيجذب الذباب إلى الكوب ويغرق عندما يستقر بالقاع.

ويفضل نصب هذه المصيدة كل يومين, وفق ما نصحت عضو مبادرة حماية المستهلك بالعاصمة الألمانية برلين.

وشددت لورا غروس على ضرورة تغطية الفاكهة بالكامل إلا أنه ينبغي توفير تهوية كافية لها, مشيرة إلى أن قطعة القماش القطنية هي أنسب غطاء للفاكهة.


ويراعى إبعاد جميع الثمار المحتوية على مواضع طرية عن باقي الثمار، وتعلل غروس ذلك بقولها "المواضع الانضغاطية تشكل منفذاً لذباب الفاكهةحيث يضع الذباب بيضه هناك".

وتنصح أيضا بعدم غسل الفواكه بعد شرائها كإجراء احترازي، مفسرة ذلك بقولها "هكذا تتعفن الفاكهة بسرعة كبيرة جداً، ومن ثم تجذب الذباب والحشرات إلى حد كبير".

وبالإضافة إلى ذلك ينبغي أن تكون أسطح العمل داخل المطبخ نظيفة، وكذلك مجرى التصريف في حوض الغسيل.

من ناحية أخرى ينبغي التخلص من بقايا الطعام بإلقائها في القمامة على الفور، مع مراعاة وضع سلة القمامة خارج المنزل كل يوم، مفسرة ذلك أنه "يشكل بالنسبة للذباب بيئة مثالية لوضع البيض، ومن ثم يتكاثر بسرعة".

المصدر: شبكة ومنتديات صدى الحجاج

صباح الخير عمو ابو عمران كيفك يا رب يومك يكون بجنن ،
لفت نظري العنوان شنو ابني عمر هادا بس بيشوف دبانه بيحتفل كنو ربحان bmw x6
بس جد معلومات حلوه والله لأجربها مع انو فش دبان عندي هي وحده بتطل على عمر من فتره لفتره شكلها معجبه فيه
هادا مره نزلنا على البحر الميت ئضيناها واحد ياكول التاني يهشلو الدبان تناوب ، هناكا بدهم بحيرة خل على هيك ، سبحان الله هي المنطئه عذاب وفعلا مش مريحة ،
ما علينا ، شربكت الف سولافه بالتانيه معلش ارفع عني القلم الصبحيات وبعدها الئهوه ما حضرت كمانا
عجبني تعبير المواضع الانضغاطية منين جايبو كاتب المقال !

الشعب يريد فهــم تعبير مواضع انضغاطية انداري ع هالمصطلحات الثورية منين بيصيدوها تيصيدو ذبان !!؟
خلص طالعه عمو زهئتك حياتك ع هالصبح ، حبيت صبح وابدي اعجابي بالمعلومه هاي هي

صباحك ورد يا احلى نكهة قهوة
مش عارف كيف دخلت البي يا بنت اخوي
يمكن لما حكيتي عمو
يمكن لما بتكتبي بطريقة كتير بسيطة

وبدي اكتب زيك
يمكن لما تحبكي عدة مواضيع في موضوع واحد
على فكرة
مش كل واحد بقدر يشرق ويغرب وبعدين يلف على الهدف بكل سهولة
هاي الطريقة ما بقدر عليها الا كتاب عالمين او عرب محترفين مثل فريدمان تودمان الامريكي وهيكل المصري وطارق مصاروة الاردني وكمن واحد
يمكن تكوني منهم واحنا مش عارفين
يعني بجد سحبتينا من ذباب البحر الميت لذبابة عمر الله يحفظه ويخليه يارب لمصطلحات ثورية والضغوط اللي بتلازمها وبعدين رجعتي لخلات ابو عمران وكاني انا اللي عاملهم
هاي والله يا عمو كبيرة منك وبشجعك عليها
بديش اطول
بهنيكي على الاسلوب الرائع
تحياتي

اقتباس : المشاركة الأصلية كتبت بواسطة حسين الحراسيس [ مشاهدة المشاركة ]

صباحك ورد يا احلى نكهة قهوة مش عارف كيف دخلت البي يا بنت اخوي يمكن لما حكيتي عمو يمكن لما بتكتبي بطريقة كتير بسيطة وبدي اكتب زيك يمكن لما تحبكي عدة مواضيع في موضوع واحد على فكرة مش كل واحد بقدر يشرق ويغرب وبعدين يلف على الهدف بكل سهولة هاي الطريقة ما بقدر عليها الا كتاب عالمين او عرب محترفين مثل فريدمان تودمان الامريكي وهيكل المصري وطارق مصاروة الاردني وكمن واحد يمكن تكوني منهم واحنا مش عارفين يعني بجد سحبتينا من ذباب البحر الميت لذبابة عمر الله يحفظه ويخليه يارب لمصطلحات ثورية والضغوط اللي بتلازمها وبعدين رجعتي لخلات ابو عمران وكاني انا اللي عاملهم هاي والله يا عمو كبيرة منك وبشجعك عليها بديش اطول بهنيكي على الاسلوب الرائع تحياتي

يخليك ويطول عمرك
لولا الرسائل الخاصه بترفعلي درجات حرارتي ، بحبهنش ، زمان راسلتك بجد تأبديلك احترامي
واعتزازي اني تعرفت على ئلبك ووسع اخلاقك ، لا بجاملك ولا مضطره جاملك
صدقا من اول رد ارتحتلك عمو وهيوتني بستغل الفرصه ع العام وبحكي بسدئ اني بغليك وبحترمك وبعتبرك بالفعل عم وكبير بئدرك ووزنك الأخلاقي
وبالنسبه للطريقه.. فلا ..، بتعجبك بنت اخوك ، الحمد لله ولا بجمّع وكأنو زهايمر مبكر الف موضوع ببعض
شهادتك واشارتك بعتز فيهن
وبدي استغلها تأهديك خاطرتي القادمة ، انتظرها تعبيرا عن انو راسي كبر .. وهو كبير اساسا خليلية انا ، كبر زياده بشهادتك
انعجئت يا عمو الحكي الحلو بيعجئني وبسير احكي كتير
عموما انا بدي اشكرك واهديك خاطرتي القادمة تعبير عن اعتزازي بمعرفتك وفخري بشهادتك
شكرا عمو انك دعيت لعمر بالخير انت كمانا يا رب يضلوا حبابك بكل الخير يا رب
عمو you made my day بجد ممنونالك ، يسعد ربنا كل ايامك