|
أختيار الاستال من هنا
|
|||||||
| روسيا اليوم | الجزيرة | ناشونال جيوغرافيك | المملكه | رؤيا | الاقصى | الكوفيه | الرياضيه | عمون | يوتيوب | مركز رفع الصور |
| منتدى فش خلقك .. فضفض طفشان ..؟؟ متضايق ..؟؟ زعلان ..؟؟ مستانس ..؟؟ ولهان ..؟؟ جوعان ..؟؟ عطشان ..؟؟ عثمان ؟؟ .. فش خلقك .. اكتب اللي تريده,, اي شي يجول في خاطرك .. اكتب عن مواقف صارت لك من زمان او موقف صار لك اليوم .. |
 |
| كاتب الموضوع | ابو قنوة | مشاركات | 26 | المشاهدات | 9204 |
|  |
| انشر الموضوع |
|
|
أدوات الموضوع | انواع عرض الموضوع |
18-01-2009, 21:26
|
رقم المشاركة : ( 1 ) | ||||||||||||||||
|
شخص عادي "
|
دانا , حانا ومانا ,,
منتدى فش خلقك او غلك او بعبش بالجيبة بعبش ... بعرفش شو الصح هون... هاي المنتدى بنبسط اكتب به .. ليش لاني ما بحب النطنطة هون وهون ...يعني انا من حزب المحافظين مش النطاطين القحاصين ... ولانو عقلي سايح بين شرايح جبنه ملكانا ... ولانه ضاع حبك يا دانا بين بين حانا ومانا ... عقلي قرر ان ما يجيب واطي لحدا وان شاء الله يكون ابو رجل مسلوخة او حتى ابو سبع طقات .... هون بنخش على الموضوع .. ابو معمر قايد المنتدى .ايام ما كان يصول ويجول .. وقبل النسوان بالمنتدى ما يقصقصن اذانه .. كان له قرارات دكتاتورية وكان يمارس سياسة القمع والخلع والكتع ...والتكبيل .والتنكيل بالمناضلين من امثالي وامثال المرحوم كامل مطلق السوالقة .( الفاتحة... حرام مات نجس ).. بعرفش هو اسمه مطلق ولا عبد العزيز .. النتيجة وصل ابو معمر بسياسة تكميم الافواه وكتم الحريات الى حد اعتقال المناضل المرحوم كامل( فاتحة) في يوم ما ..وندفه السجن 90 سنة .... ولولا اصطفافنا لدعم كامل ولولا ضغوطاط... طاط ..طاط .. منظمات الرفق بالمناضلين كان كامل راح بخبر كان (( كان كامل راح بخبر كان)) كيف اجت هيك الجملة ما بعرف .... .......... المهم تمكنا من الحد من عسكراتية وديكتاتورية ابو معمر .. وصار الزلمة لا بهش ولا بنش .. يعني بفسح معيز بصنفحة ... وجردنا ابو معمر من كل سلطاته وشورباتو .. حتى ضمان ما الو ... يعني بلوشي ... النسوان مش دمرنه بس .. شطبنو للابد راح فيها المسكين تفعيص على وزن العيص .. مؤامرة الحريم كانت كاملة وعم وطم الاستعمار وعبى المنتدى وراحت علي راحت عليه وتعيش وتوكل غيرها يا ابو معمر ..............صرت مثل اليزابيت بتاعة الانجليز يعني بالعزيات والمواسم والحصيدة وممكن بالمزاعطة على الجحشات .. صرت يامسكين مرة مع فنجان قهوة مرة فنجان قهوة معك مرة ارتشف البرابير من ثنايا شباكك ومرة غاب القمر يابن عمي يا الله روحني . بخاف من العتمة .... وساعات بتقول هات المنجل يا عبود وافرك من ام عيون السود ... داير مثل ابو الحصيني كل يوم بتسطي على خم جاج على وزن منتدى الحجاج ... جاج ......... جاج ............. النسوة اياهن كلهن متأمرات واخص بالذكر الست ريما .. الله لا يورجيكي زعلها .. وميس .. وبتوع الروح وام الاسرار وفلة ووردة واخص بالذكر كل من ذكر ولم يذكر ..... اقول قولي هذا .. وانا لله وانا اليه راجعون .............................. اليوم وقعتنا زي الطين ...... مين قايد منتدى فش غلك ... (( دانا )) .... ابو معمر بكل البلاوي الزرقا والصفرا ........... علي الحلال .. ارحم مليون مرة من قرارات دانا ...ليش ...لانه خراب البيت دايما متعودة .... من النسوان ... مثلا عندك تسيفي ليفنى وعندك كندرة رايز وعندك مادلين اولبرايت ومادلين طبر.وما تنسى هيفاء عجرم او نانسي وهبي وتوفيق الدقن ومحمود الحجاج قصدي المليجي ..... وما تنسى ام الشباري تاتشر ..وغولدا مأئير ... وهاي جابونا هلاري مرته لكلنتون علشان تهرينا وتستوي طبيخنا ... دانا ... ما عندها مزح .. كل كلمة وكل حرف وكل نقطة بكل موضوع لا زم تشييك عليه يعني تعمل تشك قبل النشر ...ودايما مشمرة عن زنودها وبتهد وتمد .... وصوتها بلعلع ............................ لحتى صار الواحد يفكر حالو عايش بمزرعة بندورة بالغور والشيك على الداير ... واحنا بنكاكي .. كاك ...كاك ... اذا سبينا بموضوع على فلان .. بتقلنا بلاش قلة ادب ... اذا مخطنا خشمنا بتقلنا اطلع بره بلاش تخنخن عندي ... اذا كتبنا بالسياسة بتقول اجراءات امن .. واذا ازعلنا النسوان بتقول احترم نفسك ... واذا طبخنا بيتنجان .. بتقول بتصرف زيت قلي ... يعني الواحد صار مثل حضك يا ابو الحضوظ ... بطيخة ....يا قرعة.... يا قرعة ....وانا حظي وبعرفو مثل الطين ... عند دانا ممنوعات ..... وهاي الممنوعات مش وسكي وحشيش والذي منه .. الممنوعات هي ممنوع الكتابة عن النسوان والعنصرية والاديان والوطنية والقومية والكركم والتجميل والتحميل والقبان وشوالات البصل .. التدخين ممنوع .. العطس جريمة اقتصادية ..... ...ممنوع بممنوع ..................... كله ممنوع بممنوع ... شو المسموح عند مشرفه منتدانا دانا امانا .... مسموح كل شىء ولا شىء ... هون الفن .. ديمقراطية على الناس ودكتاتورية على العبد الفقير ابو القنوة المحترم ... اخر نهفات المس دانا قيامها بافتتاح زنزانه لاصحاب الراي ... الحق يا كامل وجيب معك شوية خرز وخيطان مصيص وهربلك شدة خلينا نفت ............................. اليوم بتلاقوني هون بكرة الله واعلم ... ممكن معلق بساحة الجامع الحسيني .. وممكن لاجىء سياسي وممكن مع ابو معمر بصنفحة بنفسح معيز سوا ..... او بنكوش بخشومنا بنخرط على بعض سواليف .. معيز على وزن سواليف حصيدة ........... ايام ابو معمر كنا نتباطح ونتهاوش ونسبسب .. يا اخي زلام وبنحلها ..... مش مشكلة ... لكن مع دندن على راي ابو معمر المسكين............ شو بدي اساوي ... اي نضرة وحدة منها بتجيبني كتاف يعني سلامة شبيلات ... قصدي سلامه تسلمك... واخيرا .. كل ما ورد اعلاه يعتبر منشور سري ... يعني من شان النبي ..... بلاش تدري دانا ونروح فعص .. استر يالي بتستر ..... ملاحظة .. يعني بي اس ::::: شكل دانا عرفت بالمنشور ... لانهم غفوني ..........عالنضارة ... رحنا فيها ...... المصدر: شبكة ومنتديات صدى الحجاج |
||||||||||||||||
|
التعديل الأخير تم بواسطة ابو قنوة ; 18-01-2009 الساعة 21:35 |
|||||||||||||||||
|
|
18-01-2009, 21:40
|
رقم المشاركة : ( 2 ) | ||||||||||||||||
|
|
رد: دانا , حانا ومانا ,,
هههههههههههههه عجبتني يا ابو قنوة هيك بدي اياك لا تحطها واطيه لحدا
بس انا ما عمري حكيت هيك وفضحتك بحكيلك من تحت لتحت المهم مو مشكله كل شي منك حلو بعدين في كتير اشياء بمواضيعك بدها تشفير بس انا ما بسترجي اقرب عليها لانها من الغالي ولو |
||||||||||||||||
|
|
|||||||||||||||||
|
|
|
18-01-2009, 21:42
|
رقم المشاركة : ( 3 ) | ||||||||||||||||
|
شخص عادي "
|
رد: دانا , حانا ومانا ,,
سلام قولا من ربا رحيم ..................
لسا الموضوع ما طلع من الطابون ... مالحقنا نوزع المنشور صارت دانا عارفة ... اثبت عندك ............. قمع الرأي والراي الاخر ... وممكن الاتجاة المعاكس ... |
||||||||||||||||
|
|
|||||||||||||||||
|
|
|
18-01-2009, 21:49
|
رقم المشاركة : ( 4 ) | ||||||||||||||||
|
|
رد: دانا , حانا ومانا ,,
حرام عليك انا بقمع الرأي الآخر استنى نشوف شو رأي الشباب والصبايا معاك ولا معاي
|
||||||||||||||||
|
|
|||||||||||||||||
|
|
|
18-01-2009, 22:30
|
رقم المشاركة : ( 5 ) | ||||||||||||||||
|
شخص عادي "
|
رد: دانا , حانا ومانا ,,
اكيد معاكي ..
يت حسرة مين بشوفك وبوقف مع خنشور ... محسومة .. |
||||||||||||||||
|
|
|||||||||||||||||
|
|
|
18-01-2009, 22:59
|
رقم المشاركة : ( 6 ) | |||||||||||||||
|
|
رد: دانا , حانا ومانا ,,
المشكلة ما بئدر ازعل ابو قنوة ولا الحبيبة الغالية دانا العسل بس بدك الصراحة يا ابو قنوة دانا مشرفة ولا كل المشرفين
وحضرتك يا قمر المنتدى ومشاكس ايضاً كلامك بجنن وبحب اقرألك كتير لاني بقضيها ضحك وعباراتك كلها سجع وجناس يا باشا بس ملاحظة بسيطة رجاءاً ما تيجي بالغالي ابومعمر والله انه ما في متله وما تنسى انه صديقي الغالي وما بحب حد يجي في ساحته بس ابو قنوة يحق له مالا يحق لريمووووووووووووووووووووووه   |
|||||||||||||||
|
|
||||||||||||||||
|
|
|
18-01-2009, 22:59
|
رقم المشاركة : ( 7 ) | ||||||||||||||||
|
|
رد: دانا , حانا ومانا ,,
هو شوف انا معك بانه انا براقب كل شي بالمنتدى بس مو معك باني بقمع الرأي الآخر والله حرام عليك
|
||||||||||||||||
|
|
|||||||||||||||||
|
|
|
18-01-2009, 23:05
|
رقم المشاركة : ( 8 ) | |||||||||||||||
|
|
رد: دانا , حانا ومانا ,,
ع فكرة ابو قنوة دايماً دانا موقفها معك بكل المقالات وتساندك وتبدي رأي بكل ما تكتب انت وتعبر فلما هذا التهجم على دانا
ولكني فهمت من الموضوع انها مداعبة للغالية دانا ولا شو رأيكم يا جماعة وصحيح نحن نفتقد العزيز كامل أين هو ... البحث عن مفقود يرجى التصال في حال توفر المعلومات المطلوبة ...سجَل ...ثم حوَل ابو قنوة ...&... دانا بحبكم كتير وانتم غاليين على قلبي |
|||||||||||||||
|
|
||||||||||||||||
|
|
|
| الموضوع الحالى: دانا , حانا ومانا ,, -||- القسم الخاص بالموضوع: منتدى فش خلقك .. فضفض -||- المصدر: شبكة ومنتديات صدى الحجاج -||- شبكة صدى الحجاج |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| دانا عيد ميلاد سعيد | ريماس | منتدى الترحيب والتهاني والتعارف | 17 | 26-04-2009 09:58 |
| لعيونك دانا ...................... احدث البيجامات الشتويه لعام 2009 | ريماس | منتدى الأزياء والموضة | 11 | 21-02-2009 11:26 |
| دانا على كرسي الاعتراف | م.محمود الحجاج | منتدى كرسي الاعتراف | 48 | 14-12-2008 19:22 |
| بين حانا ومانا ضاعت لحانا | معشي الذيب | منتدى الصدى الثقافي | 7 | 30-04-2008 11:57 |
| ميلودي تبيع دانا لأحد مشاهديها | الغطاس | منتدى الـفـكـاهــه والنكت | 0 | 07-12-2007 15:49 |
|
|
عدد الزوار والضيوف المتواجدبن الان على الشبكة من الدول العربيه والاسلاميه والعالميه
انت الزائر رقم
كل ما يكتب في المنتديات لا يعبر بالضرورة عن رأي إدارة شبكة ومنتديات صدى الحجاج
شبكة ومنتديات صدى الحجاج لا تنتمي لاي حزب او جماعه او جهة او معتقد او فئه او
مؤسسة وانما تثمل المصداقيه والكلمه الحرة
...
العرض العادي
