من أربد للطفيله

من أربد للطفيله

في اربد :
الأب : منو اللي ع الشجرة ؟

الابن : هاظا اني يابا اسماعيل مالك بطلت تعرفني .

الأب : يا أم احمد دوك ابنش اسماعيل ع الشجرة اسع أيات بوقع وبتنكسر

ايده..

الأم : يا زلمه مالك , مال غضبك خلي الولد يلعب ( الميم في كلمة مالك مفخمه).





· في الطفيلة يقولونها هكذا :

الأب : منو اللي فوق الشجرة.

الابن : يه علامك يابا انت انعميت , بحر بي جاي هذا أنا " ضيف الله ". (حرف الياء مشدد)

الأب : والله لألعن صباح ابوك, حادرعن الشجرة يا ملعون الوالدين لا تقع وتنبقط

وبعدين انقوم نقل فيك ع الدكاتره.

الابن : ما أدي أطيح .

الأب : غير اخلي البين يسطك انزل يولد جاي

يا أم خالد(الخاء مفخمة والالف ممغوووطة) روحي طيحي ابنك لامزع رقبتك ورقبته.



· في الخليل يقولونها هكذا :

الأب : محمممممممممد ولك انزل ل ل ل ل ل عن الشجره ه ه .

الابن : شو حكييييت.

الأب : بؤلك انزل هلأ بضربك بالساطوووووووور.

الابن : روح اضرب حاآآآآآآآلك.

الاب : يووووووووه ….. ام محمد تعالي شوفي ابنك ضناك …. مش رادي ينزل .

الأم : ابو محمد الله يؤصف عمرك وعمر ابنك , انا بدي اشتغل فيك هالئيتا.



· في عمان الغربية " عبدون " يقولونها هكذا :

الام : ماما سمير انزل عن الشجرة هلأ بتوئع وبتنكسر ايدك وبصير عندك واوا


الابن : ماما , معليش خليني please يا ماما.

الأم : والله يا ماما انا خايفه عليك… يالله يا حبيبي مشان الماما انزل بس

هالمره … حبيبي سوسو … دلوعة الماما.

الابن : ( يبدو غاضبا )

طيب ماما هيني نازل بس وحياتك اليوم مش رايح اشرب الحليب ولا

راح آكل my lunch .

المصدر: شبكة ومنتديات صدى الحجاج

هع هع هع

بس بدك الصحيح بعد الطفايلة ما في ... يسعدهم ما احلى حكياتهم وخصوصي الختيارية الله يبارك بأعمارهم

هههههههههههههههههههه

كل منطقه ولها اسلوبها بالكلام

يسلموو ميسم

العفو هبوووووووووووووش مشكوره على المرور

تحلي ايامك اخت ريما
والله يخليكي يا رب

مشكوره على المرور

ههها والله حلوة منك يا ميسم ...

هههههههههه,,,, احلى اشي الطفايلة

ههههههههههه
رائعه ميسم

والله ضحكتيني من قلبي

تسلمي يا غالية

ههههههههههههههههههه
اكيد لهجة الطفايلة بتجنن

هلا نشمي ان شاء الله
اضل الضحكه مرسومه على شفافك على طوووووول