الحب قبل الزواج

الحب قبل الزواج

بسم الله الرحمن الرحيم
السلام عليكم ورحمة الله وبركاته
في عندي موضوع جديد للنقاش ، هداك اليوم قعدت انا وبنت صديقتي وتناقشنا بموضوع وحابه اعرف رأيكم فيه الصغير قبل الكبير الموضوع للكل مو لفئه محدده
(الحب قبل الزواج بالنسبة للفتاة هل هو خيانة لزوج المستقبل؟؟؟ )

أنا رأيي انه الحب قبل الزواج هو خيانة لزوج المستقبل لانه الشب لما ييجي لحتى يتزوج الفتاة الخلوقه اللي ما عرفت قبله ولا رح تعرف بعده وبهاي الحاله اذا كانت البنت حابه شب قبله بتكون خانته او بالاحرى ضحكت عليه إلا بحاله وحده اعترفتله قبل الزواج وسامحها وهون بتغير الموقف كليا .
لكن اذا ما حكتله هون انا بعتبرها خيانه حتى لو تزوجوا وعاشوا حياتهم والزوج ما عرف بس انا بعتبر انه بما انها اعطت مشاعرها لرجل آخر غير زوجها شيء غلط !!!



شو رأيكم هل الحب قبل الزواج خيانه لزوج المستقبل ؟؟؟

المصدر: شبكة ومنتديات صدى الحجاج

دانا انا معك بكل كلمة حكيتيها لانو بس تزوج رح تضل تذكر الانسان الي كانت تتحبه وتتحصر عليه وهاي بالنسبة الي اكبر خيانة ييييييسلمو على الموضوع الرائع

تجري الرياح بما لا تشتهي السفن
المشكله مش انه خيانه يا دانا المشكله في الاختيار الخطأ والبنت اللي بنت شب وما بكون زوج المستقبل هي اللي بتعيش بهادا الصراع وهو الشعور بالخيانه هدا ازا عندها مشاعر صادقه والنسيان ما بكون حل لانه يبقى جزء من الماضي والماضي جزء من حياة الانسان الذي نتصل به عن طريق التذكر سواء من العقل الباطن او المعاصر الموجود في العقل الظاهر. ف من الظلم ان تنقل هذا الشعور لزوجها ويكون الشماعه التي تعلق عليها خطأها بسوء الاختيار وبتحكي انا ما اخدت اللي بحبه بغض النظر عن الظروف فهو خطأها والبنت العاقله ما بتحط حالها بهالموقف وبتوفر على حالها وقت كبير من التذمر والسخط الذي تسبه على الزمن والناس والشريك القديم والشريك الجديد, وهدا الحكي ينطبق كمان على الشباب ف ازا بدك تشميه خيانه فهو غباء اكتر من انه خيانه.

هدا رأيي وانا اسف للإطاله.

الله يسعدك يا رامي هاد اللي كنت بحكي عنه من الاول لا تحط حالها بهيك موقف

كان زمان اجيت وحكيت هالكلمتين قال اسف لانك اطلت اي كان نفسي تكتب كمان وكمان بس خير الكلام ما قل ودل

(الحب قبل الزواج بالنسبة للفتاة هل هو خيانة لزوج المستقبل؟؟؟ )



اكيد مو خيانه

بس يا دانا الحب قبل الزواج مو حرام ولا عيب ولا غلط
حتى لو ما تزوجتي يلي حبيته لانو قلبك موملكك وما فيكي تتحكمي فيه
بس بتوقع مافي بنت غير حبت حتى لو ماكان يلي حبتو زوجها
اكبر غلط انو الوحده تحكي لزوجها انها حبت واحد غيرو لانو هل شي راح ينعكس على حياتها
دانا الحب مو عيب والا غلط بس نحنا يلي خلينا الحب شي تافه

انا ما حكيت عن الحب لانه هاي المشاعر من ربنا والارواح جنود مجندة انا عم بحكي عن العلاقة الحب قبل الزواج من تلفونات وكلام غزل وما بعرف شو هاد انا بعتبره خيانه لانه البنت لازم تكون لشريك حياتها وبس


واكيد هبه رايك ع العين والراس والخلاف في الآراء لا يفسد للود قضيه

انا مع هبه 100%

الحب ابدا مو غلط ولا حرام مشاعر الشخص مو بيدة وما بيقدر يتحكم فيها

والانسان مو على الريموت كنترول بيضغط على كبسه و بدي احب هاد الشخص او كبسه تانيه انا ما بدي احب ابدا



والحب مو خيانه لزوج المستقبل هاي كلمه كبيرة كتير

الحب شي حلو وطاهر وبعدين هو زوج المستقبل ملاك يعني ما حب ولا جربه ليش حلال هو يحب وحرام على البنت

وبعدين اكبر خطا انك تعترفي لزوج المستقبل انك كنتي تحبي لانه ابد ما راح ينسالك ياها

وبعدين ما اله الحق يحاسبني على شي كان قبل ما اعرفة

وما في شخص بالدنيا ما بحب ولا جرب الحب والي اصلا ما بحب هاد معقد او انه شايف حاله اشي كتير وما في حدا قده

بس هو بكون فاضي من جوا شبه انسان

اكيد هاد رايك ريماس بس انا ابدا مو ممكن اسلم قلبي لواحد مو متأكدة 101/100 اني رح اتزوجه

اما اني اقعد احب واحد قبل الزواج مستحيل
وحتى لو حبيت لانه زي ما قلت قبل شوي الحب من عند ربنا والارواح جنود مجندة مستحيل اعبر عن حبي او اني احكي مع يللي بحبه لحد ما ييجي يخطبني لا انا بعد الخطبه عندي استعداد ابدأ اعبرله عن حبي يعني قصص التلفونات وهاي الاشياء انا بستفز منها
هاد رأيي ريماس وهداك رايك والخلاف لا يفس للود قضية

اكيد دانا


بس هاد رايي وانا بحكي الواقع وهي بتضل قناعات الشخص

اكيد دانا بس هاد ما بيعني انو الوحده ازا اتزوجت واحد ما كانت تحبو يعني ما راح تحبو بعد الزواج
واكيد زوجا وبيتا واطفالا راح ينسوا حبيبا الاول


وازا ما نسيت بهل حاله بتكون خيانه