منسف نكهة القهوة لعمنا أبو معمر

11-06-2011, 12:28

كنت متنايطه نزل الخطوات والصور ! لو انو صنع السنكرز ما تنايطت خخخخخ
بس بما انو عمنا ابو معمر واضح انو على عولاقه مع المنسف

حكينا نزلهن يلا ههههه
نبدا بسم الله

كما في الصورة :
غسل لحمة الخروف بالماء ثم بالخل والليمون جيدا وثم بالماء ..
غليها وئشط كل الؤصص والبلاوي السودا اللي بتطلع فوء من هالدسم
وبس تنئشط كلياتها ..

بنكون حضرنا بالصحن : ملح ، ورأ الغار والؤرنفولات والهيل المطحون والعادي والئرفة نتفة نعنع ناشف ، شوية فلفل حار ، بهارات مشكلة وفلفل اسود وماجي ، وبصلة ،
كلياتو هادا تيغطي ع هالزفر استغفر الله ، بنخليها تسلؤ تماما شي ساعه وشي ..
بنشيلها من المي وبنصفي المي للجميد ..

الرز المصري طبعا : بنحط عليه ملح ، بننئعو ، بنغسلو شي اربع مرات تيروح تماما لونو الابيض ويسير شفاف
بنحط السمنة .. بتدوب بنئوم بنحط الرز والملح بنئلب مع السمن ، بنحط المي بيغلي بنوطيه تيستوي تماما

اللبن الجميد الكسيج كويس .. وان جميد عادي برضو هيك لازم ،
لبن رايب بنخلطو بالخلاط بلا اي اضافات ..
بنحتاج طبعا لؤدام مكسرات وملعئة ملح ليمون بآخر غلوة للبن

هلئيته بنفرغ الجميد ، بنحركو ، بنحط مية اللحمة المصفية ، بنحرك عالنار وبنضيف اللبن شوي شوي ، بنضل نحرك تكلو يسير ئالب واحد بنحط معلئة زغيره ملح ليمون ،

بنئوم بس بيغلى تمام بنسئط اللحمه تيغلو شوي وبننشلها تما تدوب باللبن وبنرجع نصفي اللبن ،

بنفرد تنتين شراك وبنشيل الأطراف شنهن بليطن والمنسف بالمره مو نائصو لياطه مليط خلئه ..
بنخليهن ينئعن باللبن بس ينشف شوي ..
بنفرد كويس الرز ..
بنحط اللحمة بالوسط بنزينها بالمكسرات ،
خلصت راحت
صحتين وهنا

المصدر: شبكة ومنتديات صدى الحجاج

11-06-2011, 12:36

ام عمر ... طيبة المذاق ورائعة النكهه هالمرة منسف مو قهوة ..
اشكرك من اعماقي على هذا المنسف الرائع والشهي حقا لحد الفجيعه ...
يسلموووو ادينك وعيون الغاز وطناجر التيفال على هذا العمل المميز والرائع ..

رائع رائع اممممممممممممممممم شو بشهي والله بجد وجد الجد من الاخر ...
الطريقه بسيطه والله بقدر اعملها بس بدون لحمه ...؟؟ بصير ولا لاء ؟؟

11-06-2011, 12:40

يسلموا ايديك بس ياخساره ناسيه البقدونس

11-06-2011, 12:46

اقتباس : المشاركة الأصلية كتبت بواسطة ابو معمر الحجاج [ مشاهدة المشاركة ]

ام عمر ... طيبة المذاق ورائعة النكهه هالمرة منسف مو قهوة ..
اشكرك من اعماقي على هذا المنسف الرائع والشهي حقا لحد الفجيعه ...
يسلموووو ادينك وعيون الغاز وطناجر التيفال على هذا العمل المميز والرائع ..
رائع رائع اممممممممممممممممم شو بشهي والله بجد وجد الجد من الاخر ...
الطريقه بسيطه والله بقدر اعملها بس بدون لحمه ...؟؟ بصير ولا لاء ؟؟

هههههههههههههه اعملو بلا لحمه بيسير عجاج وبنفع الأردنيه ولو ههههه
اسهل طبخه بجد هي المنسف للعزايم بيسد

شكرا للطفك ابو معمر ونعتذر من معدتكم

11-06-2011, 12:48

اقتباس : المشاركة الأصلية كتبت بواسطة بطوش [ مشاهدة المشاركة ]

يسلموا ايديك بس ياخساره ناسيه البقدونس

لا والله مو نسوه .. تعمد البئدونس مو مرغوب عنا ..
بعدين انت تركت كل الطبخه وتطلعت ع النائص !!
ول خليك شوف الملان من الكاس مو تبحبش ع الفاضي منها

شكرا شكرا نورت

الاوسمة · 11-06-2011, 15:34

يا الله طبخة رائعة برشاااااا و صور معبرة بتشهي بس فيه كلمات ما فهمتها نكهة القهوة الغالية

تسلم ايديك يا تحفونة بجد انت طباخة ماهرة بسم الله ما شاء الله

11-06-2011, 16:37

لعيونك ابو البطوش

لعيون الصدي
[IMG]http://i3.makcdn.com/userFiles/k/a/karaki/images/mn1.***[/IMG]

15-06-2011, 19:18

اقتباس : المشاركة الأصلية كتبت بواسطة أنيسة [ مشاهدة المشاركة ]

يا الله طبخة رائعة برشاااااا و صور معبرة بتشهي بس فيه كلمات ما فهمتها نكهة القهوة الغالية
تسلم ايديك يا تحفونة بجد انت طباخة ماهرة بسم الله ما شاء الله

هادا فقط لطفك يا انيسه الغالية

عادي خيتي اللهجة شوي بتختلف وان كنا عرب ومسلم اغرشي عادي

اشكرك اشكرك الله يجزاك الخير عالاطراء
اسمعي معي انا والعزاب وهواك

،

15-06-2011, 19:23

اقتباس : المشاركة الأصلية كتبت بواسطة كامل السوالقة [ مشاهدة المشاركة ]

لعيونك ابو البطوش

لعيون الصدي
[IMG]http://i3.makcdn.com/userFiles/k/a/karaki/images/mn1.***[/IMG]

الله يفتحها نفسك على هالصورة !!!
يعني خلئه لا بحب المنسف ولا اللحمه البلديه جايبلي جثة عليه !!
آل لعيون الصدى .. مكيف ؟!!!
اسمع هالؤصه ..
مره رحت على بيت اهلي زياره ،
بدي اسرؤ من فريزر الوالدة تاعت تفريز الأكل للأوئات اللي مو وئتها يعني الكبيره هاي فقط للؤصص اللي للسنة كلها احتياطا .
المهوم بحكي لسرياني وين ماما حاطه الملوخيه ؟
سرياني هاي خادمة الوالده ، وكانت جديده وبعدها لا بتفهم عربي ولا بتحكي مزبوط
رحت من هبلي رديت على اللي فهمتو منها ..
فتحت كيس وإذ الائيلك جثة شروا اللي بالصوره !! وبتدحك جثة مفرزنه وكل سنونها مبينه !!!
اما انا لا ما دبيت الصوت ولا ارتعبت بالمره !!
ضليت من الخوف ارجع لورا تلزأ ضهري بطاولة السفره ووئعت وكنت حامل بعمر !!!
كنت بدي نتفها لسرياني منها لله !!
اهلي استغلو اني بطلت بالبيت وسارو يحتفظو بالجثث للمناسف !!!
وااااااااااااااااع الله يسامحك ع هالصورة

15-06-2011, 21:35

http://www.waraqat.net/2008/04/mansaf17.jpg

الحمد لله على سلامتك من الوقع
والله يخليلك عمر وهذا عشان عمر مش عشانك انتي بتاعت ملوخيه

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.14 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	1.86 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.37 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.14 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.14 يوميا

الذين يشاهدون محتوى الموضوع الآن : 1 ( الأعضاء 0 والزوار 1)

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
القهوة المالحة	ام يامن	المنتدى العام	2	01-11-2010 15:38

منسف نكهة القهوة لعمنا أبو معمر

كنت متنايطه نزل الخطوات والصور ! لو انو صنع السنكرز ما تنايطت خخخخخ بس بما انو عمنا ابو معمر واضح انو على عولاقه مع المنسف :patch_lf: حكينا نزلهن يلا ههههه