ابو قنوه ضيف كرسي الاعتراف

عمت صباحا ومساءا ... ميسم الجنوب

هل انت تمثل فعلياً لقبك ابو قنوة وهل انت كما تدعي وصفك لنفسك وما هو هدفك بالحياه هل تطمح للوصول لشئ ام انك فعلاً سارح والرب راعيه يعني على السبحانية
*****
ليس هذا لقبي في الحياة الفعلية ابدا ...

والوصف قريب من الواقع ولا يبعد عنه كثيرا ..
اما هدفي من الحياة .. راحة البال .. وصحة الجسد ... وسكينة الروح ..

اللهم اقذف في قلبي رجاك.... واقطع رجائي عمن سواك .لا ارجو احدا غيرك ... اللهم وما قصر عنه عملي .....وضعفت عنه قوتي ..... ولم تبلغه مسألتي ولم تدركه غايتي ... ولم يجر على لساني مما اعطيت من الاولين والاخرين .من اليقين .. فخصني به ...................يا ارحم الراحمين


اللهم آمين

ابو قنوة ،،، عجبتني ردودك كلها قوية وفي محلها تقبل تحياتي وتقديري واحترامي عزيزي

مبارك عليك المراقبة ،، لكن احذر يا خوي من راقب الناس مات هماً

والله انت البركة ... يا ريما

لكن انا ما حبيت المراقبة هاي ومالي غاية فيها .... يعني اراقب شو وعلى مين كلهم غلابة حالنا حالهم ....
وبعدين ما في دفع ولا شيكات .. لشو نراقب خلق الله ... خليهم براحتهم ...
والمثل الشامي قال (( اللي ما بتزينو خروقو ..... بتزينو عروقو ...)) والجماعة هون كلهم عروقهم زينه ...

ههههههههههههههههههههههه

والله يا ابوقنوه مو عارفه شو بدي احكيلك

بس جد اجوبتك رائعه هههههههههههههههه



صباح النور يا يتيمة الروح .... الله لا يحرم حدا من طلتك .... والا يحرمنا منك خيي
اولا .....ما عندي كرسي ولا هم محسوبك مبحط على حجر ... عادي المهم تكون مرتاح وانت جالس على فكره انا ما عرفت شو معنى مبحط بس سئلت صاحبتي الاربداويه ماشاء الله عليها قاموس كلمات اردنيه على قولتكم دواوين
ثانيا يا يتيمة الفؤاد ما عندي بطاقة ولا جواز ولا هوية ... بصفتي من الصعاليك يعني عايش بعل .... تيب انتبه بلاش تاخد الشرطه وبعديها الله اعلم وين بيودوك
ثالثا ... انا نكد بطبعي . مثلي مثل بقية الناس وانت منهم ..... ولكن احيانا بتطلع معي نهفات بدون قصد يعني هيك الله خلقني .... مصيبة ... انا مو نكده وبلنسبه للنهفات يلي بتطلع معك ما بتجي من سراب يا ابوقنوه يعني اكيد شفت كتير من هل بشر يلي ماشاء الله عليه
ورابع .... مافي حدا بكرهني بالمنتدى غير كامل وانت واحمد وريما ودانا والمراقبين والاعضاء والمشرفين .و,وووووووووو.. يعني سلامة تسلمك .... هههههههههههههههه ماشاء الله عليك ما خليت حد طلعو كلهم بيكرهوك اكيد ما بيكرهوك اكيد بغارو من عبقريتك يا عبقري هههههههههه

انا عندهم اطقع من بوش عند الزيدي ... اكيد ولو هي ما بيختلفو عليها ثنين

هدفي بالحياة ... اشوف امة العرب اقوى الامم .. وتكون هالبلد اعظم البلدان اتوقع انو حلم لن ولم والا يتحقق بس بنحكي امين انو يتحقق
.. اما الحياة بنظري ايام ما ما كان عندي نظر ... ربيعا قصير الامد..
اطال الله في عمرك خيي

بالنسبة لابو تركي ولانه طلب انه نبدي رأينا
انا بقول ابو قنوه مواضيعوا كلها اجتماعيه ناقدة وهذا الشي يللي بنحتاجه والشي الواقعي
وهوما بيترك حدث صار الا وبعلق عليه بطريقته وما بترك شيء الا وبحكي والله يعطي العافيه
وكمان اظن انه تحت كل موضوع اسم يللي كتبه باستطاعتك انك ما تفتح مواضيع ابو قنوه وهيك بترتاح

اما بالنسبة لاسلوب ابو قنوه نص العالم بتحكي هيك واحنا عالم مو فلاسفه يعني اسلوبه ماشي مع الكل
وهذا رأيي بصديقي العزيز الله يديموا لهذا المنتدى ابو قنوه
وعلى فكره انا ما بدافع عن ابو قنوه لانه مو بحاجتي لحتى ادافع عنه بس انا بعطيك رايي لانك طلبته
والسلام عليكم

	ابو تركي .. اي رأي تريد انا لم اقم بحذف موضوعك حفاظا على البيئه لا بل قمت بارجاعه الى حجمه الطبيعي وهذا يكفي ..؟؟؟؟ اما العملاق ابو قنوه ... سيد الكلمه المشاكسه والنبض الاصيل اقول انت الخرافة التي لازالت تسكن غيمة هاربة من وجع العطش تقيم عزاء لا يليق إلا بأقصوصة حبطرش الجميلة و لا تلبث أن تغفو ألف سنة ضوئية ثم تستيقظ لتعلن تمرد الذئب ( ابو تركي ) في عالم نكس الضمائر و اغترف الأنين و المُضاع ؟؟ أم رفاقنا الذين يلجون عالم العنكبوت ، يتركون نعالهم و أحذيتهم ، يسلخون عواطفهم و ينكحون الوجع الزؤام و يعانقون بعضهم البعض في حنان افتقدوه بعيدا عن اليم ، و لاذوا ليحلقوا بعيدا في سماء لا ترسل طير الأبابيل لتمزق أحلامهم ؟؟ اكتب وتمرد .. و شاكس واشتم والعن .. لنقيم عرس المجون و طوق العوسج سيدمي ما تبقى من هزيم ابناء لوط .. ؟؟؟أخاف فقط أن تكنسنا الرياح صباح فجر .. و نحن عراة حتى من وضوء الرب ..اكتب .. اكتب .. ايها المجنون .. من طقوس الكلمات الحالمة ..على جبهات الرقاد المسالم ... وأخبرهم .. إن كل الضمائر معك .. فخيال كل عضو في هذا الصرح بكل عظمته وسحره .. يغدو أقرب إليك من دم شريانك التاجي.. يا إلهي ،، كم بات هذا العالم قبيحا ... أوليس يصغي لبعض البوح ينساب بين ثنايا أبجديات غابرة ،، اشكرك ابو قنوه

جلادايتور :
س1 عدد مليون شخص من الصين من اربع مقاطع / مافي حدا
س2 خليج العقبة كم كاسة مية فيه: نشفو وحياتك
س3 من هو اول من اخترع المنسف ... كلوب باشا
س3 ابو بريص قبل ما يتجوز ام بريص شو كان اسمه : ابو دنه.
س4 من قائل هذا المثل وماذا يعني لابوة قنوة جاجة حفرت ع راسها عفرت ... كيد نسوان ..

بتزاكر من ورانا

كل الاجابات صح الا السؤال3 غلط

ابو بريص مو متجوز اصلا هذا اسم الصبي الي عنده رباه من هو صغير

واسمه الاصلي متعربش مسموط ال مزاحفة

من كل عقولكوا بتسالوا ابو قنوة ؟؟؟

بس بتعرف بدي اسألك هالسؤال وياريت تجاوبني عليه بصراحة








الفهد اسرع ولا رقبة الزرافة اطول

ابو قنوة بيني وبينك هالحكي لا تطلعوا لبره
( في مغرضين كثير بدهم راسك احسنلك جلس وهذا التجليس تكتيكي يعني خطة 4-3-2 )

شكرا ليتيمة الروح وشكرا ..لدانا وابو معمر ومن لف لفيفهم ...
لكن الموضوع اني ما جاوبت على الاخ تركي لانه ما سأل سؤال ..وخليتها ظروفها ...
اما صادق الوعد جليداتور .. اسرعهم هي العين ..فالفهد اسرع ثدي على الارض 70 ميل في الساعة اضربها في 1.6 بتطلع معك بلاوي .....

والرأس ثقيل بدو مهدة ما بنقطع بسهولة ...
--

اما انت يا ياسر ...
اما انت يا شيخ الجيتار والعزف المنفرد...
فكيف وانت تقف على بيست الاكوامارينا تصدح الحانك منسابة كما صوت جعير الرعد ....
كل ما ذكرت صحيح ...
ولكن كل هذا كان قبل الاعتزال ...

لم يبقى من الهمالة الى لعب الطرنيب .... فت يا حبيبي...