قضية للنقاش للجميع الكبير قبل الصغير

هي مصيبه وليست مشكله بس السبب الرئيسي أكيد إللي حوالينا أقصد المجتمع لأنه لحد الآن عندنا إنه الدكتور أو المهندس إشي كبير ومش أي حد ممكن يصير زيو الشيء الوحيد إللي بميز هالمهنتين إنهم بدهم معدل في الثانويه غير هيك لأ لأنو مثلاً شغل الدكتور ما بكمل إلا بالممرض والمهندس مستحيل يكتمل شغلو إلا بوجود فني كهرباء مثلاً أو رسام أو حتى معلم باطون بس إحنا خلص المظهر هو واجهتنا بهالمجتمع وصعب التخلص منو شو ما حاولنا.


أما أنا فقناعاتي الشخصية إنه كلنا دارسين وكلنا بنشتغل وكلنا بلدنا بحاجة لوظيفتنا إبتداءً من عامل النظافة وإنتهاءً بأرفع وظيفه ممكن تتخيلوها..............

شكرا لك عى الموضوع الرائع ، و كثير من الناس بتعمل هيك بدافع الفشخرة وشوفت الحال حتى لما يتزوجوا بتلاقي مطبوع على الكرت العرس
المهندس او المهندسة او الصيدلاني أو الضابط ..........الخ

كلها بدها تشوف حالها ........... على ايش كل الناس خير وبركة

بسم الله الرحمن الرحيم

سلاما وتحية وبعد
أنا أعتقد أن شخصية الطالب هي من يحدد ماذا سيدرس
وإن كان الأهل يحلمون ويطمحون فإن أبناءهم كذلك
وعلى هذا الأساس الطالب قوي الشخصية المثقف
المطلع الحالم الطامح الواعي المفكر هو وحده المسؤول
عن قراراته في هذا المجال
واعذروني إن أطلت

موضوع جميل ونقاشاتكم اجمل

انا بدي اودي ولادي على الجيش عشان يصيرو ضباط واتفشخر فيهم على كيفي
شكرا

إن أساس المُشكلة لا ينبثق من وجود الآخرين فهم موجودين في كل زمان وحين

لكن أساس المشكلة ينبثق من وجودنا القاصر المريض العاجز عن التقدم
ورفض التبعية والرضوخ

مشكورة حبيبتي على الموضوع

انا من رأيي انه مو موضوع فشخره
هنالك اعذار يجيب ان تأخذ بعين الاعتبار
اولا

نظرة المجمتع للمرضه او للعامله في السلك العسكري
تانيا
متطلبات الحياة والمجتمع والوظيفه صار في تخصصات مطلوبه اكتر من تخصصات اخرى

يعني الموضوع موضوع عرض وطلب وبس لا فشخرة والا اي شي

وما الهم العساكر ابو سلطان كتير في حاصلين على اعلى الشهادات وضباط بالجيش
حتى اغلبهم حاصلين على ماجستير ودخلو الجيش زضباط ماشاء الله عليهم


على قولة البعض ما بيدخل الجيش وبيصير عسكري الا الرجال

على راي سمو الامير حسن بن طلال في مقابله مع قناة العربيه
(لو انا امير وانت امير مين بدو يقود الحمير )
وبتوقع انو سيدي ابو راشد اعطا جواب كافي و شافي للموضوع
وبالنسبه لهاي التخصصات كانت حكر على فئه من الناس
ولما الفقراء كانو يبيعو اراضيهم ويرهنو بيوتهم من اجل تدريس ابناءهم التخصصات الي بترفع الراس ( على رايهم ) من اجل الوجاها والفشخره و الكبره على خزوق متل ما بيقولو

البني ادم بفخر بابنه او اخوه او ابن عمه بادبه وباخلاقه وبعلمه ودينه وليس بشهاده الطب او الهندس فما فائده الطبيب او المهندس بلا اخلاق
وربنا خلق الناس طبقات
حلو الواحد يكون مهم وصاحب علم وتخصص حلو
بس دانا ممكن سؤال لو اجاكي عرسان 2 واحد دكتور و التاني عامل وطن (عامل نظافه في الشارع ) مين رح تختاري بكل صدق وامانه ؟!
وهيك بنكون رجعنا لاول الموضوع فا الموضوع ما اله حل و لا في يوم من الايام رح ينحل لانا هيك تربينا وهيك تعودنا وصارت في جيناتنا
لايصلح العطار ما افسد الدهر
مشكوره على الموضوع بس احنا بناقش نقاش بيزنطي