ايهما الافضل الارتباط بمن يحبك ام من تحبه؟؟؟؟؟

انا مني وعلي مقررة اني ما اسمح لحالي افكر باحتمال الحب قبل الزواج عشان اريح حالي يعني بدي 5 سنين لحتى اخلص جامعة وقبلهم ما رح اتزوج متلا رح اقعد احب 5 سنين ما عاش ولا كان

واكيد رح اتزوج يللي بحبني

بالنسبة لسؤال احمد انا لما اتزوج واحد هو بحبني رح يحببني فيه وبما اني وافقت عليه بكل ارادتي العقلية ما بصير اني اسمح لحالي افكر بحد تاني مجرد تفكير ...مش افكر فيه لحد ما احبه كمان يا سلام سلم ... ساعتها بستاهل انه .... ولا بلاش ... صدقني رح احتقر حالي ... ما حبيت وانا عند دار اهلي اروح احب عند دار زوجي !!!!!!!!!!!!!!!

اعتذار ..
انا لم اقصد ريماس او اسرار بسؤالي .. قصدت بشكل عام .. اعتذر مرة اخرى

دانا الي قصدته .. انه ممكن الانسان يرتبط بانسان على امل انه يحبه في المستقبل بس ما يصير هالشي .. ويقلب لكره

بدي امشي معك اشوف اخرتها يا بتطخني يا بطخك


ازا انا اخدت واحد بيحبني ازا ما كنت اقل شي بستلطفه ما راح اتطلع بخلقته ليش اظلم حالي واظلمه معي

طيب افرض يا فهلوي انا كنت بحبه وهو ما حبني وين اصفي انا بالشارع

وبعدين يروح يحب غيري ازا ما حبني ؟؟؟ يي يي حبته القرادة والله الا اقيم عليه الحد الا اقطعه اربا اربا

وبعدين راح يحبني غصب عنه اطلع منها انت بس

بعدين من الاخر اسمع مني البنت من المعامله الكويسه من زوجها مليون بالميه راح تحبه

بس انتو مو مضمونين والله ما بضمنكم بشلن

انتو من المعامله الكويسه بتتنمردو رووووووووووح طير

اخد واحد بيحبني اضمن

ماشي كلامك تمام ....
وراح امشي معك
طيب ما جاوبتيني افرضي وعلى الطرفين الرجل او المراة هو حبك ومات فييك وانتي قلتي يلا مو مشكله بكره بس اتزوجه راح يخليني احبه غصبا عني من معاملته الحلوة الي وكلامه (زي ما انتي بتحكي ) بس اكتشفتي بعدين صحيح انه بحبك بس تصرافاته ما بتعجبك .. او مش هيك الي بدك اياه يكون .. مش الرجل الي كنتي متوقعيته .... راح تدفني حالك معه وتكتفي بحبه مع انك ما حبيته ولا شووووو


ونفس الشي العكس بالنسبه للرجل لو كنتي انتي بتحبيه وبتموتي فيييه .. بس هو لأأ وقلتي بعدين بحبني
بالنسبه الك طالما حبتيه اكيد بدها تعجبك تصرفاته على الاغلب وصفاته بس هو لنفرض انك ما عجبتيه ما كفاه حبك اله لقى اشياء فيك ( طبعا المعذرة مو انتي يا ريماس المقصودة بس لضرب المثل ) مش مثل ما بدو شو راح يعمل هو كمان ؟؟؟

معناتها هون بنرجع لمربط الفرس

الي بيطلع من دارة بينقل مقدارة كل واحد فيهم ينطس ويقعد عند اهله وبلا من الجيزة كلها

وبنرجع للكلام الي دايما بحكيه ما في داعي الواحد يتجوز لانك دائما راح تصاب بخيبات الامل

بس طالما هي سنه الحياه فهو مكتوب ما منه مهروب

وبعدين بالنهايه كله بيرجع للنصيب ما حد بيعرف شو مخباله

ممكن اتنين يحبو بعض وبعد الجيزة يكتشفو شغلات في بعض وما يستمرو وعلاقتهم تفشل

وفي ناس اول مرة بشوفو بعض بعد الخطبه وبعد الزواج علاقتهم بتكون من اروع ما يكون

بس خدها قاعدة ازا حبيت شخص بتفني حالك لحتى تسعده وهو ازا كان بيفهم الا يقدر محبتك اله ويحطك بعيونه


ملاحظة: هاد ازا كان بيفهم اما ازا كان بعيد عنك ما بيفهم فالجواب في السطر التاني

احمد....دندون.... ريماس
مشكوين على التفاعل والروح العالية في المشاركة
نيال الصدى فيكم

مع يلي بحبني أكيييد ...................... موضوعك قمة الروعة أسرار

انت الاروع عهد ...... مرورك عسل زيك الله يخلي الك اللي بيحبك

والله القضيه نسبيه .....
صعب وانا بفضل الاختيار ماينربط بالحب بل ينربط بالاحترام والتفاهم لانه مش كل واحد بحب بحترم او بفهم حبيبه ولا شو رأيكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وجهة نظر نحترمها جميها عذب