هل البنت تستحق الثقة؟؟

نحنا النا بالمواقف اللي بنشاهدها فحياتنا يعني كثير بنات اهلهم دين واخلاق وحسن معاملة وتربية اسلامية صحيحة وبيعطوهم الثقة مع التوعية الهم لكن للاسف بنشوف انهم مش قد هاي الثقة وبيعملوا العجايب الله يهديهم فهي بترجع للوازع الديني اساسا للفتاة وبالمقابل بنشوف بنات اهلهم مش دارين عنهم يعني على السبحانية وبكونوا قمة في الاخلاق

كلامك اكيد ميسم
البنت يلي بدا تحافظ على ثقة اهلها فيا ومن غير اي توجيه من الاهل بتحافظ


بس برجع وبحكي هادا سببو ترباية الاهل الصح

والله يا ميسم وبحكم تواجدي يوميا بملمحل بشوف بنات وقت تعرفي مين اهلهم بتحزني على سمعة اهلهن
الحمد لله على كل حال

بس برجع وبقول لازم نعطي لكل شخص فرصته ما بصير نقمعهم هيك مشان شفنا غيرهم زي ما في لامنيح اكيد في مو منيح

والثقة مع التوجيه ... وبعدين الثقة لازم تكون متبادله يعني البنت كمان لازم توثق باهلها ويكونوا هم سرها وما بصير هالشي الا اذا لقت اهلها واثقين فيها

وصدقوني انه البنت اذا اخدت ثقة من اهلها ... واهلها عرفوا عقلية بنتهم وتأكدت البنت انها اذا راحت لاهلها وحكتلهم شو بصير معها اول باول يعني وثقت فيهم

ما رح تغلط بحياتها ولو غلطت اهلها رح يلحقوها بالحظة المناسبة لانهم بكونو معها خطوة بخطوة

اما اذاغ الاهل كانو متعصبين وما سمعوا راي بنتهم وما اعطوها الثقة هي ما رح تأمن انها تحكيلهم كل شي لانها اكيد بتخاف منهم ورح تكون كتييييييير بعيدة عنهم وهون بتكون اكبر مصيبه وهون ببلش الغلط