حبطرش ؟؟.

يعيش فش خلقك ... يعيش ..
يسقط لمنتدى العام ويسقط ابو قنوة ويسقط ابو معمر ويسقط كامل ....
تكرم عينك وملعون صباح ابو الي عقب ابو الي بكرهكي ....
خليها هون يا ابو معمر ...
خليها مثل ما امرت مولاتي دانا ... خليها على الله ....

يا سلام هسه بشوف حالي

ولو ابو قنوه بذات نفسه

انت بتؤمر ونحن ما بنقول لا بنوب ...
انت السكين ونحن اللحم انت الساطور ونحن العظم ...

انت البك اب ونحن الاسفلت ... سمعا وطاعة مولاتي ...

ولو انت فوق الراس يا ابو قنوه

من اداب التسكع والقزدرة .. ان يكون بجيبتك نص رطل بزر او ترمس ... وان تتف القشر بصباح من يقابلك ... ويكون معك سنسال صيني تلوح فيه وتلفة على اصبعك الشاهد يعني مش الخنصر او البنصر ... ركز........... على الشاهد ..... وبعدين لازم السوالف تكون مثل جزمة الزبال ... والشعر على موضة الخنافس ... وفتحة البنطلون 47 ... والكندرة بكعب 10 سم وفوق ... ولا تنسى القميص يكون حشر يعني عاصر ضلاعك عصر ... وافتحلك ثلاث اربع زرار علشان تبين شعر.... صدرك.... ومش مشكلة لو كان شعر اباطك ... طاير وراك مثل دلايات التركتر . ولا تنسى تحط ثنين ثلاثة كيلو بريل كريم ابو علبة حمرا على شعرك ... ونزل الغرة مثل التيس على عينك لشمال واوعى اوعى تنزل الغرة على العين اليمين .... بقولو عنك مخنوث ... دير بالك ... ..... وبعدين حط بكيت الفليدلفيا على الخصر علشان تجلب الانتباه للقشاط الى انت لابسو ....... من النوع العريض يعني كاوبوي .... بس لما تنقلع وتروح على دار اللي خلفوك .... خبي بكيت الدخان بالجرابات بلاش تنق دق البن والنيا .. يا ساقط .. يا مصدي ... وبعد ان تتم كل تجهيزات الهمالة والذي منه الي اشتريتها من(( اس .اس )) سقف السيل ايام عزو ... روح عاد شوفلك زاوية متكتكه جنب مدرسة الزبيدية الثانوية للبنات ... بلكي زبطت حالك وطبقتلك شقفة او غندورة وما تنسى لما البنات يطلعو من المدرسة .... ميل راسك لتحت شويه علشان الغرة تنزل ... وبعدين مرة وحدة انفض راسك للاعلى بحركة مدروسة علشان قال ترجع الغرة لفوق صباحك .. ودير بالك من سلامة التعقيب ... اذا مسكك بتغامز البنات برفش ببطنك بنص الشارع وممكن يسحبك على المخفر وان دري ابوك يا ويلك ويا سواد لليلك ..... حرك حالك شوي وزبط امورك لانه عندك بعد شهرين خدمة علم .. لانك سقطت وجبت ست سبع اكمالات بالمدرسة وكحشوك لانك هامل ابن هامل . بالجيش مافي يامة ارحميني .. رايحين يهرو وبرك ...ليخلوك زلمة .. مش داير على حل شعرك ...... ورايحين يمعطوك على الصفر ويلبسوك فوتيك وبسطار نمرة عشرة .. وما في قدامك توكل غير الشبط ... والمية واهدعش 111 يعني لحمة القص ورايح تنح وظايف على الشيك قد اربع حمير ... ورايح تزحف مثل من هون لريحا .... وممكن يحطوك بالقطعة علشان سبيت الدين وتقضيها سلخ عدس صبح ومسا ........(( من مذكرات صايع ))....

كنت يوما ما اتسكع في مكانا ما .. لاني كنت محسوب بطل العالم بالتسكع والمرمطة والهمالة (( يعني صايع برخصة))..... من احد المقاهي خرج لحن جميل لمطرب رقيق اسمة ايامها كان محمد....
محمد جمال كان يصدح بأغنية تقول ...
ما عندي مال اعطيكي
ولا عندى جاه اهديكي
عندي هالقلب يا قلبي وما بفكر انه بيرضيكي ...
ما عندي يا ست بدور
ورد وياسمين ومنثور
ولا جنينية مليانه زهور
حتى فيه الهيكي ....
ثم في اخر الاغنية وبعد ان يعدد لمحبوبتة ما لا يملك وما هو ليس عنده ( يعني اخونا صايع مثل حكايتي )) يقول اخونا محمد جمال ....
عندي بساتين من غناني
واهات كلا مليانة
عنات بتتغزل فيكي ...
عندي هالقلب يا قلبي ومابفكر انه بيرضيكي .....
امس سمعت هذة الاغنية ...
وبعدها اغنية اه يا ام حماده .... اعمليلي قهوة سادة ... حبيبي عم يدلل .. زاد الدلال وزاده .....
................
زمان كان في اغاني نص كم بس قليلة كثير ...
مثلا اغنية بتقول
يا خياط الاوانس بالله توصى بفستانه
و خلي عالصدر فتحة ...
لتباهي ابن عمة ...
يلي عيونة لابرا ........... ونخ الجمل وما شالا ........
هيك كان الجو .... نقي ....
مش بوس الواوا ..
او اعصرني بنظراتك ...
او بلبع ركب طيارة ....
..............
اين من عيني حبيبا ...
ساحرا .. فيه عشقا
وجمالا وحياء.............
واثق الخطوة يمشي ملكا ....
ساهم الطرف كاحلام المساء ....
الحياء هو ما يكون ................. خدمة العلم احلى ما يكون ...

الله لا بطرزلك الموديل الي دخلت فيه هذا موديل 1976
رجعتى 35 سنه لفرس
ايام مدرسة سكينه فى جبل الحسين
منين بتسقط على هيك افكار
والله شكلك مثل الفار بس بتنبش
مواضيع قديمه
اليوم جل وزفته على الوجه وحلاقة همل امريكياء التقليديه وشوارع فى الراس والاب دير والاميه على الخلوى 24 ساعه كل ما تخلص بشحن الها واحد نشمى هيك اصول الصياعه

مبارح يا أبو قنوة والهرج للجميع،، خلال مراقبتي على امتحان الشامل عنا في الجامعة وخلال ما كنت بوزع الأسئلة علىالطلاب الي ماشاء الله فطاحل علم

لفت نظري هالشاب اللي قد اللقمة (نص كم) اسمراني امور baby face عامل تسريحة من الآخر

ما في شعرة براسه الا واقفة ما قدرت امسك حالي من التعليق وقلتله::

يا حرام شو كل هالقد خايف من الامتحان لدرجة انه شعرك وقف من الخوف

وما سمعتلك هالقاعة الا ضجت ضج بالضحك والمسكين صار يا حرام بنص اواعيه ((على أساس انه يعني اللي لابسه اواعي يعني))


وبعدين يا احفاد صلاح الدين ،،، وبعدين يا احرار،، وبعدين يا محرري بيت المقدس

مطولة هالحالة يا ربي،، ؟؟؟!!!

شو رأيك يا ابو قنوة نعمل انا وانت حملة طخطخة

بنمشي بالشارع وهاللي ما بعجبنا لبسه سواء شاب او حتى بنت بنطخه بين عيونه واللي متل هدول اكيد ما الهم دية لأنهم أصلا عار على البلد هم واهلهم اللي ساكتين على هيك تخلف

ااااخ بس يا أردن يا خسارتك فيهم

اقتباس : المشاركة الأصلية كتبت بواسطة ابو قنوة [ مشاهدة المشاركة ]

يعيش فش خلقك ... يعيش .. يسقط لمنتدى العام ويسقط ابو قنوة ويسقط ابو معمر ويسقط كامل .... تكرم عينك وملعون صباح ابو الي عقب ابو الي بكرهكي .... خليها هون يا ابو معمر ... خليها مثل ما امرت مولاتي دانا ... خليها على الله ....

منيح كتير ابو قنوة المهم ما اسقط انا

ولعت طخ
الله يستر منك ومن ابو قنوه
انشاء الله بتفكرى الاسم على المسمى
اذا خوصه مصديه ابو قنوه ما بعرف يستعملها لما يطخ واحد من شبيحة البلد

اهل الكرم والجود الي ماشين بدون اواعى ما هامهم حد
اسر متماسكه بتخوف
ديرو بالكم تيجى فى عينى الطلقه لانو انا عامل شعرى ميش ومجلله فى زيت سيارات وموقفه فى شحمة تريلا
هههههههههههههههه:000:

ريما ما بتسقط ابدا ... دايما بالسحاب والغيم ...
اما بخصوص عيال اخر زمن الي كل يوم شكل وكل يوم موضة فاضية ..
دولا عاوزين حل ... والحل الاكيد هو خدمة العلم ... يعني بالعسكرية لاتجند انا والله ....
علشان العسكرية مافيها مزح ... يا بصير الولد الفاخت زلمة يا اما بندوس ببطنة ... المهم انه يعرف كيف يحمل بارودة او يحمل قنوة ويعرف كيف يمشي وكيف يحكي وكيف يتصرف ...
المفروض ان يخدم هاولاء مجانا في الجيش ... ليش هم على راسهم ريشة ... طيب انا نخيت وضايف قد سرية بحالها ... وزحفت زحف اكثر من ام اربع واربعين ....بس ما كانت تفرق عندي لاني تربيت تربية اطقع من العسكرية ... يعني اليوم الي ما بسوي مشاكل فيه كانو يقولولي روح شوف عمتك شو بدها .....عمتي كانت بعيدة عن دارنا 9 كيلو وكنت طبعا بندف المسافة على كعابي رايح جاي ...

لازم يكون هذول الطنطات حراثين ... يروحو يحرثو بالصحرا........ وبعدين يحملو حطب على كتافهم وبعدين لازم ينعمل لهم معسكرات عمل ومعسكرات تثقيف ....
احنا مش ناقصنا همل ..... كان استاذ لنا في الابتدائية عندما يسلخ الواحد كف خماسي ...... شو يقول ............ روح اقلب وجهك محلك انا بدي زلم هون مش ناقصني عقب مفاخيت .....
وهاولاء هم العقب المفاخيت .....