|
أختيار الاستال من هنا
|
|||||||
| روسيا اليوم | الجزيرة | ناشونال جيوغرافيك | المملكه | رؤيا | الاقصى | الكوفيه | الرياضيه | عمون | يوتيوب | مركز رفع الصور |
| منتدى فش خلقك .. فضفض طفشان ..؟؟ متضايق ..؟؟ زعلان ..؟؟ مستانس ..؟؟ ولهان ..؟؟ جوعان ..؟؟ عطشان ..؟؟ عثمان ؟؟ .. فش خلقك .. اكتب اللي تريده,, اي شي يجول في خاطرك .. اكتب عن مواقف صارت لك من زمان او موقف صار لك اليوم .. |
 |
| كاتب الموضوع | ابو قنوة | مشاركات | 853 | المشاهدات | 170513 |
|  |
| انشر الموضوع |
|
|
أدوات الموضوع | انواع عرض الموضوع |
08-11-2008, 13:22
|
رقم المشاركة : ( 111 ) | ||||||||||||||||
|
|
رد: حبطرش ؟؟.
هذا الشاطر فيه بس دانا بتعرف مين الخنشور انا ام انت سلمت يا غالى دوم على بالى 
|
||||||||||||||||
|
|
|||||||||||||||||
|
|
08-11-2008, 13:34
|
رقم المشاركة : ( 112 ) | ||||||||||||||||
|
شخص عادي "
|
رد: حبطرش ؟؟.
من كم سنة ........وانا بلف وبدور وبطلع من العارضو عن جسر ناعور يا اهل الله ... بلف وبدور علشان ادبر لحالي فيزا للحج ... وكل سنة بسجل بوزارة الاوقاف وبحلقولي وبودو الفيز للنواب ... كأنه ناقصهم فيز ......... السنة الماضية سمعت اشاعة انه اذا بدبر لحالك اقامة في بلد ثاني ممكن تفيز بسهولة ويسر ... المهم سحبت حالي و وينك يا مصر ... على ام الدنيا غليتها فريرة .... رحت للمركز الامني ... بالدقي ............... ... طبعا قلت للضابط .... . انا بدي اعمل اقامة بمصر ....كان اسمه محمد سليم وهو برتبة مقدم .. وثلاث ترباع المصريين اسمهم محمد ......... اللهم صلي على محمد ................ المقدم محمد بلش تحقيق موسع على الطريقة المصرية ................ وراح يلف ويدور لما فهم الموضوع الصحيح ... بأخرتها شو قال سيادة المقدم محمد سليم .... يا عم مافيش بمصر اقامة للاردنيين ... ده الاردني يجي بأي وقت اهلا وسهلا .... الاردني يعامل معاملة المصريين ... خليك هنا خمسين سنة وما فيش مشكلة ... كنت اتمنى اخدمك علشان تروح بيت الله واكسب فيك اجر ...بس اعملك ايه القوانين كدة .... وكدة فرط الموضوع وتيتي تيتي مثل ما رحتي جيتي ... وكده سحبنا حالنا وشمينا هو كم يوم ... وحطينا لفيرس ورجعنا .... السنة هي زبطت ... اجت لحالها ... وباض اليمام على الوتد .... رحت على عزاء ام واحد ماتت صغيرة شوي ... يعني زهرة تذبل 98 سنة وبس .... واكيد اكيد قضتها في اعمال البر والتقوى ... مش بالفيل وقال واللت والعجن ...... فقدناها ...رحمه الله عليها ............................وعظم الله اجركم .... واحد قاعد حنبي بالعزا قرابة تربطني به ....................قال لي عندي فيزة للحج ومش جاي عبالي اروح .... قلتله بطلعك ... انا بروح محلك ... قال عندي كمن فيزة ... قلته انا وصديق لي كل سنة بسلخ عمرته معاي ... المهم وشلك بالطويلة القصيرة اريحلك ......... جبنا الصور والجوازات واعطينا اياها .... ومشت الامور مثل غندرة العروس لليلة العزاء او لليلة الدخلة كله مثل بعضة ............. المهم بالموضوع ... الفيز كانت عن طريق الديوان الملكي العامر ... منها فيز بالحافلات ... او بالجو او بالسيارة ... وبما اني حفتلي بحبش السرعة الا شوي قررت اروح بالسيارة علشان كمان نمر ونزور رسول الله ونلفت بالديار المقدسة ... ومن يومها وانا مشغول في فهم مناسك الحج وووو .. ما خليت انترنت ولا برنامج تلفزيوني الا حضرته علشان يكون الوضع ميه بالمية ..... امس حضرت برنامج للشيخ سويدان .... مما جاء به انه لا يجوز الطواف من داخل المقام اي مقام سيدنا ابراهيم عليه السلام ... لماذا لان الحجر يعتبر جزء من الكعبة .... جزء من الكعبة ... اي كانه داخل الكعبة ... واتخذو من مقام ابراهيم مصلى .... بوحدة من العمرات التي عملتها تمكنت من الصلاة في المقام .. وبالتالي وفقا للشيخ سويدان الله يبشره بالخير اكون قد صليت داخل الكعبة ... فالحمد لله على نعمائة ..... اعود قليلا الى الحج ... وبيوم من الايام قبل حوالي شهر وشوي .... كان يا مكان بقديم الزمان وسالف العصر والاوان .... اجاني وجلس معي على رصيف الشارع واحد اسمة كامل السوالقة ... ولما عرف اني بدي اروح احج وكان الموضوع في بداياته طلب مني ادبر له فيزا .. واستكتل الزلمة ...... طبعا ما انا شغال عند شواربه ..وكل يوم يسلخني تلفون ... ها شو صار ... ها وين وصلت .. ها حكيت مع الزلمة بالديوان .... ها امتى بطلعن الفيز .... وها ها ... والله وهوا ان شاء الله ....... المهم الزلمة كامل كان وجه بقطع الخميرة من الدار حاولت ادبر له فيزا ... زما زبطت معاه .. اجت منه ما اجت مني ...... والحمد الله على ذلك ما كان ناقصني غير خلقة كامل بالحج ... اشوف بوزو بالطواف امر الله .......اشوف بوزو بالسعي امر الله ... اشوف خلقته وانا محرم ... امر الله لكن اشوف كامل السوالقة على جبل عرفه .... اكيد اكيد خازوق مبشم ....... لانه رايح يضيع علي الحج كله ...ميه بالمية بدو ينكشني على جبل عرفة ويداقرني هناك .... ويبلش قصص وسوالف ومليون بالمية مش رايح اسكتله .... لانه القنوة حتى على جبل عرفة وحتى بالحج بدها تكون تحت اباطي .... ورايح اخبطة بالقنوة على نص قرعته وهيك ضاعت علي الحجة وفرصة العمر.......... وهيك بيتنا وكوعنا ....بسجن هيئه الامر بالمعروف والنهي عن المنكر ... الحمد لله ما رافقنا كامل ... بكفينا ورانا ورانا بالمنتدى ..... وين ما نخط حرف بطلعنا مثل القضاء المستعجل ..... الله رحمنا .... بالنهاية بخاطرك يا كامل . لا توخذ علبالك اذا ما زبطت معاك السنة بدك تطول بنطلونك ممكن ها ممكن تزبط معاك من هون لستين سبعين سنة ..... .. ليكون بدك شي قبل ما اروح عالحج .... امانة الله عليك ما تستحي ........ كأنك بتعرف الحيا ........................... |
||||||||||||||||
|
|
|||||||||||||||||
|
|
|
08-11-2008, 14:00
|
رقم المشاركة : ( 113 ) | ||||||||||||||||
|
شخص عادي "
|
رد: حبطرش ؟؟.
....؟؟؟ (((( م. ع. م ) ... يعني سماحة مدير عام المنتدى .... ..او عطوفة مدير ابو غريب ... او ان شئت فخامة الرئيس بوكاسا ... او ان احببت جناب المختار .... او كما تحب ... قايد المنتدى .......... مش لاقي شغله يشتغل فيها غير انه يتحفنا بخمسطعشر شرط للكتابة بالمنتدى ... وكائنو اخونا بالله ديمقراطي .. وما بفلي كل موضوع او مقال تفلاية على وزن قلاية ... قبل ما ينزلها للتداول مثل بورصة الاسهم بدو يقنعنا انه الامور تمام التمام بس بدها شوية نظام وترتيب ... يا عمي البترول طايح طايح وبما انه الطايح رايح .... ارجوك ما تسألني عن العقبة ....لانة الوضع حبطرش.......................... والله يا م .ع.م قصتك مثل قصه حكومة البخيت الله يسهل عليه .... كله تمام التمام وبالاخر طلعت خربانه... على رسلك .... ما هي شروطك للتفكير .... وللاحلام ... وما هي شروطك لشم الهوا......... او لاكل الهوا ... حلفتك بالله .... هالشروط من عندك او من ابو غريب .... كبستك بمحمد .... شروطك بتفوت العقل ؟؟؟ اكتب شروط مثل ما بدك الدور والباقي على الي يرد عليها ... مني وعلي انا مش موافق ... عاجبك عاجبك مش عاجبك هي كامل معاك رفش ببطنو ... وريح حالك ................................. |
||||||||||||||||
|
|
|||||||||||||||||
|
|
|
08-11-2008, 14:18
|
رقم المشاركة : ( 114 ) | ||||||||||||||||
|
|
رد: حبطرش ؟؟.
البين يسخك سخ من ساسك الى راسك هلا حجتك مش مزبوطه لانها فى الواسطه بس وحياتك عندى جيب الى دشداش الدفه او الاصيل ومنديل ابيض مشان المشيخه وعقال مرعد خميل هيك اصول الزماله وكزازة عطر العود ومسواك ومصليه مشان ربك يجرك اكثر ولو قلن مية زمزم خاص الى واحد الى ابو معمر ومن مره تمر من النوع الجيد ومسبحه معطره وبس بكفى الله ياجرك مسواك كمان اصلى وشوية حنه ومسبحه ستاتيه الى المدام جزاك الله خير واذالقيت حذى جلد اصلى مع الدشداش جيب انت كريم ونحن بنستاهل وخذ الخلوى معك مشان احكى معك على جبل عرفات والله ريح اشتاق الك كثير واذا وزعو لحم ضحيا جيب الك شويه للولاد كثر من عطر الميتين معك ممكن نحتاجه الفتره القادمه تروح وترجع بالسلامه اللهم تقبل من اخى ابو قنوه ولا تنسى اذا وجدة ساعة يد كويسه ثقلناها عليك والله مستحى منك خلاص بكفى اذا رحت الله يوفقك واذا ضليت حسب النيه ممكن تتوفق ممكن لا الله واعلم |
||||||||||||||||
|
|
|||||||||||||||||
|
|
|
08-11-2008, 18:51
|
رقم المشاركة : ( 115 ) | ||||||||||||||||
|
|
رد: حبطرش ؟؟.
اهلا اهلا اهلا ابو قنوة والله انك زلمة منيح وبتنحط على الجرح بطيب
اما كامل فهو زلمة قد حالو والله يخليلنا اياكم انتو الاثنين وسلامي الكم انتو الاثنين |
||||||||||||||||
|
|
|||||||||||||||||
|
|
|
08-11-2008, 19:21
|
رقم المشاركة : ( 116 ) | |||||||||||||||||
|
مؤسس الشبكة
|
رد: حبطرش ؟؟.
أهلاً بأهل الفكر وصُناعه ..
تحية طيبة من أعماق القلوب لمن يستحقها راقت لي كتاباتكم واختلاجاتكم الفكرية فــ أطرقت بابكم ولا أتمنى أن اكون مردوداً عندكم أحببت أن نتشرف بحضور قلمكم بين أقلامنا بــ (صدى الحجاج) حيث الحرية وأبنائها حرية الفكر والتفكير مازلنا في بداية الطريق ... الكلمة مسؤولية ولكن مصادرتها مسؤولية أكبر وأخطر، فلا يمكن أن نتحدث عن حرية التعبير وننسى أنها ليست مجرد مساحة من القواعد القانونية والأخلاقية والسياسية ضعف ثقافة الحريات والحقوق ينعكس بشكل مباشر على تحديد التخوم الأخلاقية والقانونية للنقد والرفض من المخاطر الكبيرة على حرية التعبير قدرة أفكار محددة على امتلاك نوع من القداسة بمجرد أن يجعلها المجتمع قيما ومعتقدات يميز نفسه بها لا شك أن ضعف ثقافة الحريات والحقوق ينعكس بشكل مباشر على تحديد التخوم الأخلاقية والقانونية للنقد والرفض، فنحن نعيش في مجتمع يخلط بين العمل الصحفي والعمل السياسي، كما يتداخل فيه الديني والدنيوي، كانعكاس مباشر لتأميم السلطة التنفيذية لأخواتها ومحاولة أطراف دينية متعددة فرض حالة استعلاء في الخطاب والقانون على الدنيوي. ثقافة التدخل والتفوق التلقائية هذه تقف في مواجهة الحق في الاختلاف، وتتصدى لأجمل ما في عقلونا من افكار .. خاطرة حكيمة تقول إن عدم القدرة على فهم منطق الاختلاف يحرم المرء من استقراء مجاهل الغد. منتديات صدى الحجاج ( حرية حدها آفق السماء) هذا هو اول نداء لنا بهذا الخصوص ... من اجل صياغة نظام نحتكم له ..!! انتم من صاغ هذ النظام وهذه الشروط ولكم الحرية في الغائها !!!! ولكنني اتحدى بأن يوجد شرط واحد ليس عليه اجماع من الكل والنسسبه 100% وانا اقبل طرح هذه القوانين والشروط مره ثانيه للتصويت والتعديل ؟؟؟ ارجو من الجميع المشاركه دون استثناء!!! |
|||||||||||||||||
|
|
||||||||||||||||||
|
|
|
09-11-2008, 13:20
|
رقم المشاركة : ( 117 ) | ||||||||||||||||
|
شخص عادي "
|
رد: حبطرش ؟؟.
كامل الله يرضى عليه بدو بكم غمارة وحدة علشان مي زمزم واخونا ابو معمر يشتكى لكم حرية نطالب بها ... يطأ الثرا مترفقا من تيه .................... كأنه اس يجس عليلا وابو قنو كانة ............... ورد اذا ورد البحيرة شاربا.............ورد الفرات زئيرة والنيلا .... فلا حول ولا قوة الا بالله |
||||||||||||||||
|
|
|||||||||||||||||
|
|
|
09-11-2008, 13:56
|
رقم المشاركة : ( 118 ) | ||||||||||||||||
|
شخص عادي "
|
رد: حبطرش ؟؟.
النسوان صارن مثل الجراد بالمنتدى ............. طيب ... مش قادرين نكحشهن من هون ................. السياسة تقول ان نتفاوض معهن .... حكم القوي على لاضعيف .... شكلنا لحنة مفاوضات يرئسها كامل ( عريقات ) وراح يتفاوض مع النسوان بجزيرة رودس .... اللجنة شكلت للجنة فرعية علشان دراسة الاثر البيئي لاكل الفول على حالة الجو .... ابر راشد .. استلم قيادة اللجنة ............ عقدنا اجتماع ثاني وثالث بشرم الشيخ ... وتفاوضنا بايلات ... وبكامب ديفيد ... وبالعقبة ...وفي اوسلو .... صارنا عشرين سنة بنضحك على بعضنا .................. النسوان بكثرن اكثر من المستوطنات ... وبعدين عملن جدار عزل على حالهن علشان خايفات من ارهابنا ... بلشنا فيهن صواريخ..............سمطنا النسوان ...بالــ اف 16 ... مدير المنتدى محمود ( عباس) طلع على cnn بقول انه الحل بنهاية العام ...........عشرين سنة خرط ... وبدو يحلها بشهرين .. ابو سلطان مش عاجبة الوضع نهائيا ويههدد بفسخ الهدنه .... احمد بعمل مظاهرات علشان النسوان يسمحلنا بقطف الزيتون .... ومبارح بس مبارح ... ولع الدوري عن جد ابو سلطان قرر وقف المفاوضات في القاهرة .... ليش لانة دانا اعترض على وجود عود كبريت مع كامل اثناء المفاوضات .... المفاوضات قلم قايم بين ابو سلطان ومحمود ... عباس...... علشان الوضع بين فصائل المنتدى... والمفاوضات مولعة بين كامل وريما الحندئه علشان وقف زحف النسوان ... والمفاوضات شغالة بين محمود .. عباس .....وكامل علشان الانتخابات بالجمعية .... حلا والعنود وبنت الجنوب وريما الروح ووردة الصباح وقوت لقلوب شنو هجوم استيطاني على معاقل الطرف الاخر واحتلو المقبرة ....احمد الزغايبة واحمد طاطان وبلال الحجايا ويزن وشهم ما سكتو ابدا شنو هجوم معاكس بمختلف الاسلحة ... اشتغلت المفاوضات بين الطرفين وبين الفريق الاول مع الفريق الثاني وبين البين وسخام البين ....... الوضع نار ومولع وبهدد بكاثة تفاوضية اذا لم تتدخل اطراف خارجية .... ابو قنوة غايب فيله .................... غاز كوع وقاعد بلعب سيجة مع حالو ............................................. كملو تفاوض .... وهاتولي الاتفاق ابصم ............................... |
||||||||||||||||
|
التعديل الأخير تم بواسطة ابو قنوة ; 09-11-2008 الساعة 13:59 |
|||||||||||||||||
|
|
|
09-11-2008, 16:41
|
رقم المشاركة : ( 119 ) | ||||||||||||||||
|
|
رد: حبطرش ؟؟.
لااااااا هيك خربتها بينا يا ابو قنوة كنا صحاب وما احلانا بس هيك بتحكي عنا وشو اللي مش عاجبك بالنسوان
يعني انا كنت ما احلاني معك بس لما انت ورجالك تبلشوا لا تخافوا بنعرف انبلش معكم وعلى خطاكم نسير يعني شوف حالك مين بلش بالاول انت ولا النساء يللي مش عاجبينك انت بديت واحنا بس مجرد دفاع عن النفس يعني البادي اظلم ولا انا غلطانه انا بحكي معك حوار عقلاني ومتحضر وانتظر جواب مماثل 
|
||||||||||||||||
|
|
|||||||||||||||||
|
|
|
12-11-2008, 12:41
|
رقم المشاركة : ( 120 ) | ||||||||||||||||
|
شخص عادي "
|
رد: حبطرش ؟؟.
في منه ... وفي مش منه ... بس الموضوع جاء بغاية اجراء مفاوضات تقوم على اسس سليمة وعادلة .... تضمن لنا معشر الذكور المطحونين حرية تقرير المصير ... واقامة كيان مستقل معترف به دوليا وحدود امنه ... وكذلك اعادة المهجرين منا بسبب البطش النسواني .... خلينا نبلش مفاوضات ... انا جماعتي جاهزين للمفاوضات والمياومات والبدلات و و و ... المهم نبلش علشان نسكت بقية الشلة لانهم زهقو منا ومن خرطنا عليهم .................................... |
||||||||||||||||
|
|
|||||||||||||||||
|
|
|
| الموضوع الحالى: حبطرش ؟؟. -||- القسم الخاص بالموضوع: منتدى فش خلقك .. فضفض -||- المصدر: شبكة ومنتديات صدى الحجاج -||- شبكة صدى الحجاج |
| الذين يشاهدون محتوى الموضوع الآن : 47 ( الأعضاء 0 والزوار 47) | |
|
|
|
|
عدد الزوار والضيوف المتواجدبن الان على الشبكة من الدول العربيه والاسلاميه والعالميه
انت الزائر رقم
كل ما يكتب في المنتديات لا يعبر بالضرورة عن رأي إدارة شبكة ومنتديات صدى الحجاج
شبكة ومنتديات صدى الحجاج لا تنتمي لاي حزب او جماعه او جهة او معتقد او فئه او
مؤسسة وانما تثمل المصداقيه والكلمه الحرة
...
العرض العادي
