متى ...

متى ...

اعبر عن فهمي بطريقتي ولكن ايضا لكل شخص طريقته
ولكن الفرق اني احاول فهم طرقهم وهم يياسون ويستسلمون من ان يحاولو حتى
حتى انه بدا عندي شعور بالياس منهم ومن تفكيري
مع اني مقتنعة ان افكاري صحيحة
ولكن ما جدوى التفكير ان لم يوجد من يستمع ويناقش


اعتراف لنفسي قبل الاخرين اني مخطئة بقراراتي
ولكن لا يمكنني ان اسيطر عليها فقراراتي تتحكم بي
ولست انا من تتحكم بها تديرني في دوامتها
لا ادري متى سوف يتوقف عقلي عن العمل وان استخدم قلبي قليلا
ستكون لحظة جنون ولكن ستكون اصدق لحظة
لان القلب لا يكذب على الانسان اما العقل ممكن ان يكذب كي يريح الانسان
متى ساتوقف عن الاساءة الى نفسي لا اعرف متى الموعد ولكنه سياتي


لماذا نريح انفسنا بالكذب ولماذا للخوف تلك السيطرة
لما لا نكون نحن الاقوى ونكون اعند منه ولكن عظمة الخوف اكبر منا

وعندما نكون اقوى منه سنكون انطلقنا الى اعظم واجمل حرية
عندما نتلف كل لحظات الخوف ونحرقها ونمضي لنرى ما يحمل مستقبلنا لنا
لماذا

المصدر: شبكة ومنتديات صدى الحجاج

دندوووون رائـــعه رائـــعه

اريد أضيف إن القلب مكمل للعقل والاتنين مع بعض هما الحياة
فلا يمكن للإنسان أن يعيش بلا قلب أو بلا عقل فلابد وأن أتعامل بكلاهما
ولا أدري لماذا يقال انت بتفكر بقلبك أو إنت بتفكر بعقلك وطبعا كله عارف
إن القلب ضعيف والعقل قوووي عنيد ممكن يكون مثل ما إنت قلتي
هو تزييف للحقائق ومحاولة لإيجاد أعذار وحلول أخرى فنلجأ للقلب حينما يتعثر
علينا ويصعب تصديق العقل
بصراحــــــــــــــــة موضوع جميييييييييييل
وأنا تهت فيه بس عموما كله في الآخر من العقل وبالعقل

والقلب ما هو إلا كلمة وتعبير عن الحب ومنظر فقط ..
دي وجهة نظري ..!!
والله كبيرتي دندوووون .. وبداء القلب يدق !!





دندون انا ظلمت عقلي وجعلته بلا احساس
وها هو قد أحس بالظلم وله الحق في ذلك فقد ظلمته فعلا
ولا عقاب منه أقسي من اجباره لي علي ان اعود من رحلتي دون ان اتمني شيئا
فيا ليتني اصطحبت قلبي

تسلم ابو معمر على ردك وفعلا العقل عبارة عن جزء منا بيصنع اعذار لاي شي خايفين منه
والعقل والقلب بيشتغلو سوى صح بس صدقني العقل بغلب
تسلم ابو معمر ورح اخد القلب معي برحلتي لنشوف اخرتها

يعطيك العافيه دانا الموضوع رائع

اسمعي من الاخر اقعدي زي الشاطرة واصبعك على تمك ولا حرف لحتى اخلص حكي ماشي

هلا احنا ما بنقدر نفصل القلب عن العقل احنا البنات تفكيرنا الله يقطعنا بقلبنا على عكس الشباب تفكيرهم من العقل هاد اذا كان عندهم عقل ههههههههههههه لانه اغلبهم خوث ومرندلين

المهم العقل والقلب ما بينفصلو احنا البنات تفكيرنا بقلبنا وبتكون محتارة لكن الي بريحك بالاخر انه العقل بيعطيك اشارات انه تفكير قلبك صحيح

وما بيصير الانسان يلغي قلبه خديها مني والله خاصه بموضوع المشاعر والاحاسيس

ما بتنحسب 1+1=2 مو عقلك الي بوجهه هالمشاعر قلبك هو الاساس

هلا اقرب مثال انت شو الي خلاك تحب ابوك عقلك والا قلبك ؟؟ انا متأكده انه قلبك لانه حسيته بمحبته وحنانه صح؟؟

فالانسان لازم شوي يترك قلبه يتصرف ليش اكبح جماحه ليش اسيطر عليه ليش اكتم على نفسه


قوله ابو معمر القلب صار يدق بس بدال ما يدق على الفاضي خليه يدق على المليان انا هيك رايي

وبعدين الانسان ليش بحط النتائج مسبقا ليش ما اخوض التجربه وانول شرف المحاوله ما بيصير احكم على الشي من مجرد خوف من الفشل ليش ما احط في بالي احتمال النجاح ليش دايما الفشل والخوف من المحاوله مسيطر علينا

هاد رايي الشخصي من خلال تجربتي بهالدنيا

وليس لاحد سلطه عليك ولك الخيار

دانا سؤالك متى والجواب كل اشي بوقته حلو
بالنسبه لفهم المواضيع كل انسان او كل فئه بنظر للموضوع من زاوية وبتختلف الاراء ولو كل العالم نظرت للمواضيع من نفس الزاوية كان ما صار في نقاش واختلاف واتفاق ف بتصير الامور ممله نوعا ما والمشكله مش بمحاولة فهم طرق الاخرين المشكله بكيف نخليهم ينظروا للموضوع من نفس زاويتنا عشان يقتنعوا زينا بس قبل هيك لازم نتاكد انه زاويتنا بتعطي الموضوع حقه الكامل بالفهم عشان ما نكون ظالمين للغير.
الياس: كيف بتياسي من اشي وانت لسه ما بتعرفي عنه اشي دايما البدايه صعبه بس الاصعب انه نتعود ع الياس وبنفقد ثقتنا بانفسنا ما عنا روح الصبر بدنا كل اشي كن ف يكون وبدك تياسي من تفكيرك يعني من نفسك وانت ما عملت اشي لسه!!!!

بتحكمي على قراراتك بانها خطا لانه قلبك ما بتدخل فيها هي مش خطأ هي مش قرارات اصلا هي مجرد افكار بتدور براسك وبتحاولي تجمعي بين الاضداد خرق القواعد والمبادئ لمجاراة الواقع ولسه مو عارفه مين الخطا انت ولا مبادئك ولا الواقع وبتحكي عن خليها للايام انه قرار ؟؟؟؟ وبترجعي تحكي عنه خطا اصلا لا هو قرار ولا بنعرف ازا كان خطا ولا صح لانه لسه بعلم الغيب.
العقل والقلب : كيف القلب بيتخذ قرارت واله طريقه غير العقل؟؟؟ القلب عبارة عن مضخة تضخ الدم لباقي اجزاء الجسم لتحصل كل خليه في الجسم على الغذاء والاوكسجين هيك تعريفه والعقل هو الذي يحتوي على خلايا تقوم بتفسير ما تستقبله المستقبلات من المحيط الخارجي ويقوم باتخاذ القرار وفيه الذاكرة وهو المسؤول عن جميع العمليات ذهنيه للانسان كيف صار القلب اله دخل ما بعرف!!! اتوقع انه شماعه بنعلق عليه قرارتنا الغير مرضيه للجميع وبنحكي انه القلب احن والين من قرارات العقل كيف اتقسمت والله ما بعرف الاهم انه نعرف اهدافنا بالحياة ونمشي عشان نحققها احسن ما نضل نفكر بامور تائهة بين العقل والقلب.
اما بالنسبه للخوف فهو ياتي اما من الامور الخطأ او الخوف من المجهول غير هيك هو مش خوف هو تردد والخوف من الفشل مش الخوف من نفس الموضوع والخوف من الفشل ياتي اما من ضعف في الشخصيه او عدم جداوة الموضوع بالاصل حتى ياخذ كل هذا التفكير فيه.
واخر اشي بتنى انه تعرفي الجواب ع اسالتك عشان تعرفي شو بدك بالحياة وتلاقيه
كلام جميل دانا ماشالله عليك

والله حاسة حالي ضعت بالموضوع
او اني أصلا مسطلة اليوم ما بعرف
بس أنا بالنسبة إلي بفكر

بعقل قلبي
وما بعرف اترجم شو يعني عقل قلبي
توهتيني دندن

يا عيني على هالصبايا وردودهن


الله يحميكن



خذنها مني قاعده وامشن عليها

حطن خط أحمر تحت الدين

وفكرن مثل ما بدكن وشغلن العقل والقلب

فكل واحد اله دوره

دانا نصحيه مني لا تخلي قلبك يتحكم بمشاعرك العقل بيفكر صح وافضل من القلب

مو غلط الواحد قلبو يدق بس لازم يحكم عقلو قبل كل شي

ريماس سمعتك وفهمتك وان شالله خير يارب

رامي الله كريم وان شالله اكون لقيت الاجوبة الصح لاسئلتي
وبالنسبة للياس هو ممكن يكون تعب من العالم بس التعب هاد ارتحت منه اليوم