كرامتك ام قلبك؟؟؟؟

كرامتك ام قلبك؟؟؟؟

هل من المعقول ان نستغنى عن قلوبنا للاحتفاظ بكرامتنا في سبيل ذلك


لماذا يبيع الصديق صديقه ...؟؟

صحيح انه لابد ان تكون كرامة النفس فوق كل اعتبار

ولكن لماذا ولدت التضحيه اذا كانت كرامة النفس هي المنتصر غالبا ؟؟

أم هي مجرد كلمات نؤيد مضمونها ولكن بدون العمل بها ....

لنقف لحظة على بعض الجمل

هي موجوده في حياتنا ودائما نرددها في موقف معين

لا
وانما في حدث ،،،، خداع **** خيانة **** كراهية **** كذب **** ضعف **** هزيمة

قالوا :

( من باعنا بعناه )

( اللي يهواك اهواه .. واللي ينساك انساه )

( الذي لا يعتبرك ربحاً لا تعتبره خسارة )

( الصديق وقت الضيق )

فكر قليلاً ...



هل نستطيع حقا تطبيق ذلك !!

فعندما نلتقي بصديق مثلا ..نثق به..ونبوح له بمشاكلنا

ثم مع مرور الايام نكتشف انه لا يحبنا...ولا يعتبرنا الا خيال

في غيابه نسئل عنه ...وان غبنا لا يسئل عنا

هل حقا نتخلى عنه

لا ادري !!!

أيهما أهم بحياتك كرامتك أم قلبك؟

المصدر: شبكة ومنتديات صدى الحجاج

قلب مين والناس نايمين

هاي كرامه يابا
.
.

بالنسبة الي فرق بين التنازل عن الكرامة لدرجة المذلة
لا وبدون مقابل ولا تقدير

وبين انه الواحد يكون لين
ولا يتعامل على اساس الكرامة بحدة
بس انا بقول انه التنازل بدون اهانة ما في مشكلة
لانه القلب قلب وما دخله بهاي الشغلات

يا لمى ازا الحب او القلب بيجرح الكرامة بلى منه
لانه الحب لازم ينبنى على الاحترام والصداقة لازم تنبنى على الاحترام
اكيد بكون في مزح وبنمزح كتير بس ما نجرح لانه الاحترام لابد منه في اي علاقه
وازا تنازلنا عن الاحترام بالعلاقة بالاول او بالآخر رح تفشل رح تفشل لانه مو بإيدنا هاد الشي

لانه ما حد بيتحمل انه كرامته تنجرح لو تغاضى عن الموضوع مرة او مرتين ممكن بس على طول مستحيل
هاد رأيي ببساطة

يسلمو لمى موضوع كتير حلو

بالنسبه الي كرامتي فوق الدنيا


لا صديق ولا حبيب ولا اي حدا ممكن علشانه اتنازل لو لحظه عن جزء من كرامتي

اكيد كرامتي
ملعون ابو الحب يلي بدو يخليني اتنازل عن كرامتي كرمالو

طبعا كرامة الانسان فوق كل هي الامور من حب وصداقة ..
شكرا على الموضوع

اول اشي شكرا كتير لمى ع الموضوع الرائع وانا اتعمدت ااخر ردي لانه كنت اشوف الردود واكيد زي ما توقعت الكل بحكي الكرامه اولى واهم من الحب طيب اسئل سؤال واحد لكل اللي ردوا ع الموضوع شو يعني كرامة بالنسبة الك؟ او شو بتمثل بحياتك؟ او وين موقعها بحايتك؟ سؤال تاني شو يعني الحب الك؟ او هل حبيت ولا لا ؟ وهل بتسمي اللي انت عشته او عايشه حب؟؟؟ اسئله كتيرة لازم نقراها على انفسنا قبل ما نجاوب ونرد على هيك موضوع ونتسرع بالرد بتسرع
طيب لو حكينا الكرامه اول والحب تانيا كيف يعني انا مش فاهم كيف يعني او على اي اساس بتحكوا هيك لو كان الانسان اللي انا بحبه بفكر انه يمس كرامتي باشي ف اكيد هاد الانسان ما بحبني ف ما بنقدر انه اجتمعت التعدي على كرامة الاخر مع الحب وخلينا نحكي شغله مرات اللي بحب انسان تاني ممكن يتعرض لبعض المواقف من جفاء او عدم تقبل بس ما بنقدر نحكي انه اتعدى على كرامتي لانه ما حبني عشان اتهمه بجريمه قبل ما يعملها اول اشي يصير الحب الحقيقي وانا متاكد انه ما رح يكون تعدي على الكرامه وغير هيك ما بكون حب لانه الحب الحقيقي وانا دايما بحكيها انه بنبنى عل الاحترام عارفين شو يعني "الاحترام" حسب الدراسات يصنف الاحترام اعلى الهرم بالتعامل بين شخصين والحب ياتي بالمرتبه التالته يمكن بس الاعلى هو الاحترام ف اذا كانا في احترام اكيد ما رح نعمل هاي المقارنه لانه كل الحسابات بتكون غير هيك.

ف لو سئلت هاد السؤال رح اختار الحب والكرامه.

رامي معلش بعتذر على تدخلي بس ليه اخترت الحب بالبدايه وبعدين الكرامه

كلامك فيه من الواقعيه والمنطق بس انا شو يلي بدو يثبتلي انو هل انسان بيحبني بيالفعل وما يكون بس بدو يتسلى


الانسان بدون كرامه بيكون والا شي حتى للانسان يلي بحبو كرامتي اولا وبعدين قلبيي

هبوش رامي ما اختار الحب بعدين الكرامه رامي اختار الحب والكرامة سوى مع بعض

وكلامه مقنع لانه ازا مافي حفاظ على الكرامة يعني " الاحترام " اذا ما في حب اساسا لانه حب بدون احترام مش حب اصلا

وفعلا الحب والكرامة ما بنقدر نفصلهم عن بعض اما بكونو التنين بمرتبة وحدة او ما بكونو اصلا


وآسفه لاني بتدخل بس لفتني سؤالك ورامي رح يجاوبك لانه اسم الله عليه مو محتاج محامي ههههههههههههه