خربشات قلم مكسور

خربشات قلم مكسور

عيونك آخر آمالي وليلي أطول من اليم
كيف ألقى كلامٍ عذب يوصف دافي إحساسي
عشقتك قبل ما أشوفك وشفتك صرت كلي حلم
أبي رمشك يغطيني وأبيك اقرب من أنفاسي
يهمك تعرف انك قتلت في سنيني الهم
قتلني ضحكك وجدك قتلني لينك القاسي
رميت أقداري في دربك وصرت في عروقي الدم
احبك كثر ما سالت دموع وما نسى ناسي
يجول الحزن في ضلوعي بردت وذاب فيني العظم
و يا كثر الحطب حولي وعندك انكسر فاسي
سألتك بالذي زانك تحب فيني حتى الظلم
تحب عيوبي وغدري تحب المر في كاسي
أنا من كثر ما احبك أبيك كثر رمل اليم
وأبيك تكون فوق الناس وأبي ما ينحني راسي

المصدر: شبكة ومنتديات صدى الحجاج