شلون ماتت وهي البارح كلمتني

شلون ماتت وهي البارح كلمتني

راحت تعــالج من مرضها ولاجت


مــــعقول ما ترجع وهي أوعدتني



ماني مصدق لو يقولـــــون ماتت


شلون وهي البارحة كــــلمتني ؟؟



قالت أكيد أنــــــك لصوتي تشوقت


قلــــــــــــت آه كلك يالغلا شايقتني



اشتقت لك ولنضرتك حيل أنـا اشتقت


ولهمستك ولبــــــــسمةٍ ســـــاحرتني



ولمعانقك يا بـــــــعد عمري تولهت


وكـــــلمة هلا حبي وربي وحشتني



قالــــــــــت أحبك قلت وأنا فيك مت


واللي يحـــــــــفظك بالغلا مــالكتني



قالت وتنسى صورتي قلت لا كـنت


ينساني الله كــــــــــــــانها فارقتني



وهلت دموع الغـــــــــالية ثم قالت


قالت أحس أن المـــــــــــنية لفتني



قاطـــــــــعتها استغفري الله يا بنت


وعـــــــجزت أكمل عبرتي أخنقتني



قالت أبي منك الـــوعد لو أنا غبت


تحفظ مشــــــاعر حب فيك جمعتني



قلت احفظه واحفظك دام أنـــا دمت


بس إرجــعي فرقاك موت أرهقتني



قالت كـــذا يا نور عيني أنا ارتحت


والوعد بـــــــــــاكر بعدها ودعتني




قلي صـــــــــدق انها ][ توفــــــــــــت ][


وشلون وهي البــــارحة كلمتني ؟؟..

المصدر: شبكة ومنتديات صدى الحجاج

ياالله شو انه الكلمات بتحزن

رائع أنت أبا تايه

وروعة الحرف عندك
دندنة الصحراء تحفر في قلوب العاشقين
بوحا لاتمحوه السنين
رائع أنت حين قلت :
قالت وتنسى صورتي قلت لا كـنت


ينساني الله كـانها فارقتني
أرجو قبول مروري المتواضع في بستان
وردك الجميل حد الألق
واسلم أخي