مطبات ...

صحيح حرف لكل شي لازم يكون اله سبب وممكن كتير اشياء يكون شكلها صار كتير رائع وحلو والاسباب بتكون قاسية ممكن ما نتخيلها
واحنا كمان ممكن تكون شخصياتنا كتير رائعه بسبب مطبات قاسية كتير

مطبات الحياة ما بتفرق عن مطبات السيارات التنتين نفس الهدف

الاتنين بتدعس بريك وبتتمهل لما بتوصل الها ولو صادك المطب مرة انا متاكده بالمرة الي بعدها راح تتمهل

وراح تخفف سرعه لسيارة لحتى تجتاز المطب وبعدها بتنطلق بسرعه

ومطبات الحياه نفس الشي عندها بتاخد فرصه للاستراحه والتأمل و بعدها بتستجمع قوتك وبتنطلق

مطبات الحياه ممكن تقلب حياه الشخص راسا على عقب ممكن من مطب تعيد حساباتك

ممكن بهالمطب تتعرف على شغله جديده كانت مستبعده عن خيالك

لذلك المطبات بحياتنا الها فائده

الله عليك يا ريماس والله انك فنانه انا فايت احكي اللي انت بتحكي فيه بس بعد ازنك خليني اعيد صياغته وازيد عليه شوي
المطب لو اجينا لتركيبته هو عبارة عن عائق يوضع بالشارع لتفادي خطر ياتي بعده يعني على منحدر او امام مدرسه او مفترق او منطقة وعرة المهم انه الهدف منه لفت الانتباه لما هو قادم
طيب هلا لو حكينا انه هي منيحه ولا لا وكيف نتعامل معها هي منيحه للي بهدي قبل الوصول اليها لانها بتنقذه من خطورة بعدها اما ازا اتفاجانا فيه بالعكس را ياثر علينا سلبي وما رح ننتبه للقدامنا
طيب ليش قبل ما نوصله بنهدي وبعد ما نطلع عنه بنسر باقصى سرعه هل هو خوف منه وما صدقنا انه تركنا او انه بدنا نعود الفترة الزمنيه اللي اخرنا واحنا واقفين عليه!!!!! بالنسبه للاستفاده اكيد في استفاده والفائده احنا اللي بنحددها وبنحدد كيف نحصل عليها لما نمر من علا المطب. دانا هاد بالنسبه للمطبات بس ع فكرة الحكي مو عنها نهائي هي فكرة او اداة حاولت توصلي فيها فكرة تانيه اتوقع انه حكيتلك رايي فيه.

تسلميلي ريماس صح كل اللي حكيتيه وما بقدر ازيد عليكي بكلمة وشكرا لانك فهمتي الموضوع بعرفك شطورة

شكرا الك رامي كلامك واضح ورأيي فيه انه صح وانه لما نمر على المطب لازم نفكربالمطب وهاد المطب ناخد كل شي حلو ممكن نقدر ناخده منه ونحط كل شي ببالنا عشان نعرف شو نعمل مع المطبات الجاي
وبنفس الوقت ما يكون المطب هو عامل اساسي بحياتنا نعمل منه درع لحتى نبني اساساتنا عليه ونحطه مع الحسابات لما نيجي نحسبها