دار المسنّين هل هو نكران للجميل ؟

يعني شوفي انوس يا البي ، بدك تعرفني شو نؤطة ضعفي ؟
بيحكوا عني اني قاسية جدا وصلبه ومو سهل بالمره انكسر .. هيك معروف عني اني ئوية
بس لعند تلات اشياء ، بئلب ولا الي علاقه !
الأطفال ، وما يقع عليهم من اعتداء بكافة الاشكال ، مثلا عمالة الأطفال .. ضربهم .. الاساءة النفسية اليهم وغيرها ..ألخ
ذوي الاحتياجات الخاصة ،
كبار السن .
هدول التلات ممكن اسير شوربه حالتي وانا بين ئيدين موقف بيجمع حد فيهم
كان مجال دراستي وتخصصي الو علاقه فيهم كتير ، بناء على اختياري انا لمواد دراستي يعني المقررات الاختيارية .
فرحت زرت : بيت مسنين ، دور ايتام ..

ومن خلال عملي كمعلمة فتره لا بأس بها كنت على اتصال باطفال يساء اليهم باشكال مختلفه ،
مره كنت بمشي بتسوق باحد الاماكن شفت اب بيضرب ببنتو الزغيره صدقا ما مسكني عنو يومها الا ان بنتو خافت عليه ! اقسم بالله وصلت انو بدي الطشو بالصرماي اللي برجلي حاشاكي .
وهلأ انتي جاي تضربي بموضوعك هادا على اكثر الحبال الثلاث تأثيرا علي
اول اشي :
تحكيش عجزه !!!
مين حكى ان كبار السن عجزه !!
هذا متخلف وعاجز عقليا اللي بيوصف كبار الناس بالعجزه ئال عجزه يغص بال القسوه والتخلف بس
هدول كبارنا ، عزوتنا
وبعدين وان ارتمو بتخت لمرض التقدم بالسن ، حنضل شباب احنا ؟
ربنا بيمهل وبهمل والعياذ بالله
الي ؤصص كتير بهيك سواليف يا انيسه
اقسم بالله لو يحكموني قاضي اجتماعي ( مو من ئليل احنا النسوان بننحطش عناس ! مهويات ) لو اكون قاضي اقسم بمن رفع السماء
سأحكم على كل عاق لوالديه بالاعدام ! اقل اشي هادا ان ما خليت الناس تشرحو مواس ئبل
ملعون ، ياما مسكو ئيدو لمن وئع ، ياما جاعو لياكول ، ياما سهرو تينام الحقير بس كبروا بدو يزتهم ببيت مسنين ؟
ان ما الهم اطفال ولا الهم عائله ماشي هيك بيوت رغم الغصه ممكن ابلعها
اما يكون الو ولاد والحقرا يرضو لابوهم ولا ؤمهم بيت متل هيك ؟!!
اتفه على شواربهم هدول اصلا ما بيكونوا رجال ولا البنات بيكونن اناث بيكونن خنازير العفو منك
وك لمن اتصلوا فيني حكولي انزلي ابوكي انجلط ولا بعرف كيف وصلت عمان اصلا متل المضروب عراسو
بس شفت شكل ئيدو وطريقة كلامو وجسمو من اثرها والله تمنيت اكون مطرحو واموت الف مره ئبل وصل خبرو
ملعون ابوهم هدول حيوانات ترى مش ناس اللي بعملو بكبارهم هيك
ترى بكيتيني الله يسامحك بس هو انا ضد هيك بيوت ومع انو ينحرئو دنيا وآخره ولادهم اللي بيزتوهم فيها