أنت بلا مخ ......

اقتباس : المشاركة الأصلية كتبت بواسطة سنان [ مشاهدة المشاركة ]

كنت الطالبة المهملة المثالية في تلك المدرسة الابتدائية.. كل المدرسات كن يمقتنني وينفرن من تصرفاتي الهوجاء وإهمالي الدراسي.. وذات يوم في حصة الرياضيات قالت لي أبله سلمى: (أنت لا تفهمين لأنك لا تملكين مخاً أصلاً مثل باقي البشر!!) كانت كلمتها قاسية جداً وجرحتني، لكني أبديت اللامبالاة ووقفت في صمت خلف باب الفصل لأكمل عقابي لعدم حل الواجب وأيضاً بسبب إضحاكي لزميلاتي طوال الوقت.. الإنسان هو ما يطمح أن يكون.. مهما كانت ظروفه.. أنت رغم كل تلك الظروف كنت وما زلت نفلة الطيبة المحبوبة التي يحبها الجميع لطيبتها ومرحها.. كما كنت نفلة الخلوقة الصالحة التي لم تنسق وراء المغريات أو تنحرف كما تعلل الكثيرات أسباب انحرافهن بظروف الأسرة.. أنت استطعت مقاومة كل ذلك.. والحمد لله بعد عام آخر تخرجت من الثانوية بتقدير لم يتوقعه أحد، اذا أعجبتك القصة فلا تبخل علينا بالمشاركة ..

اسمحلي خيوو سنان اولا ابديلك كامل الاحترام والتقدير لشخصك اللي لاحظتو من شريط الاهداء
وبعض الردود
والمواضيع المنتقاة ، احترام وتقدير اخي الكريم .
،
اسمحلي ثانيا قبل الرد على الموضوع اعلق على انك بتعتذر عن طول الموضوع !!
خيي بيجلطوني اللي بيعلقو على طول الموضوع وبيحكوا للي ناقل موضوع طويل : موضوعك طويل متوقع نقرأ ؟!!
اتخنها موضوع لا يتعدى البوست والبوست عادة بيكون صفحة الكترونيه
كيف امة إقرأ ،
وتمارس الانترنت اللي هو عباره عن قراءة !
تشمئز من طول موضوع .. او ترفض الرد لان الموضوع طويل ولا تقرأ !!
هالناس بجد انا بقز منهم !!
لا بدك تقرأ .. ولا تعلق ،
شو ئاعد عالنت تعمال ؟ بتحب وبتصيد ؟
حب بالشوارع يما ملانه !!
معلش سامحني عطريئة الحكي بس هيك ناس بجد بيستفزوني ،
نزل وانقل اي موضوع مفيد شو ما كان طويل ولا يهمك ،
اللي بدو يفيد حالو حياه الله
اللي بدوش يشوفلو حيطا مناسبه لحجم راسو يدؤ هالراس الفاضي فيها
~~ ،
بالنسبه للموضوع خليني احكيلك ؤصتي :
كنت كما هذه الفتاة بجدارة الا ان بعض التفاصيل تختلف ،
فهي صدّقت ما يقال عنها غالب الوقت ، لهمالة الرعاية الاسرية
انا ولأن اهلي كانوا باستمرار بيدعموني وبيشجعوني وبيثقوا فيني ، كل ما يقال ولليوم يقال عني ، لا أصدقه !
الحمد لله على نعمة الثقه وقبلها العائلة والأسره الدافئة .
كنت مميزة بالموسيقى والمسرح ..
فكانن معلماتي بأمر المديره ينجحوني لاني بجيب جوائز للمدرسة ،
ولكن كل معلماتي كانوا بيكرهوني
وحتى مره قمت انا بضرب معلمه بالئشاطه تاعت الشطف !!
ومره بالتوجيهي مس " لمعه " لن انساها او انسى جملتها .. كنت بالإداره لتنظيم مسرحيه
فقالت لي بالحرف : تنشوفك يا فالحه وقت النتائج !! بقص ئيدي لو بتنجحي ! ( هاي معلمه !! )
كنت مشاكسه مزعجه مهمله لا احب الدراسه اطلاقا
ومعلماتي كانن لا خرج تعليم ولا تربيه !
بالتوجيهي سمعت حكي كتير من نوعية : ليش انتي متوقعه تنجحي !!
ولا اي حد وثق اني حنجح .. الا اختي ام خالد
لهيك كنت ادرس بالخفا عن الناس لاني بعرف حالي مو غبيه بل فقط مهمله
وبدي ادرس جامعه
فبديت التوجيهي من الصف الاول من الصفر لاني ابدا ولا يوم درست
لا اهلي عرفو اني بدرس
ولا الغريب
بس ينامو ئوم وادرس
بس طلعت النتائج ما حد استنضف يوصل يجيبها لان الجميع عارف اني راسبه
ونجحت
وجبت اعلى معدل بالعائله مو فقط الاسره بل العائله
والوحيده اللي درست التخصص اللي بدها ياه وبجامعه حكوميه مو اهلية
وكنت من اوائل قسمي بل وكان بعض اساتذتي بيخصصو وقتا من المحاضرات لابداء رايي الشخصي ونقده !!
وبكل عمل عملت فيه كنت ناجحه بل ويجري خلفي صاحب العمل لابقى عنده وانا من كانت تطمح باستمرار للعمل الأفضل
ابدا لم اصدق اي كلمه تقال عني
كنت اعرف بانني مهمه ،
سواء الناس عارفه ولا مش عارفه
وسواء هالمعلمات اللي متخرجات بكالوريوس محو اميه عاجبهن ولا مش عاجبهن
اهلي علموني اني مهمه ، وانا اقتنعت !
وربنا اللي عارف بالنيه وفق للخير الف الحمد لله ، الفضل كله اول عن آخر فقط لله الف الحمد لله
قصصي مع المعلمات لا الها اول ولا آخر بدكش احكي اكتر من هيك طولت عليك خخخخخخخخخخ