يا عشاق الششبرك هلموا هلموا !

يا عشاق الششبرك هلموا هلموا !

مساء كل اشي حلو بالدنيا ..
هادا مبارح بدي افكر بشي احطو بصحن جارتي ترجعلها ياه ..
وحكيت بما انها سعودية ، والصحيح انها بتستاهل كل خير ئد ما هي بنت اصل
خليني اعمللها اشي من اكلاتنا الفلسطينية الخفيفة الظريفة السهله واللي بنفس الوئت ، مئدّره
واذ يخطرلي الششبرك .. حكيت يلا اشياءاتو كلها متوفره فلي لأ ؟
ؤمت والله ولحلحت حالي وعملتو وصورتو للي بيحب يعملو بهالطريئه وتعشينا ششبرك
رغم اني بحبش الششبرك تعشيت اشي تاني هلأ بتعرفو انا شو تعشيت لوووووووول
هي ما حد بيختلف بطريئتو !! الششبرك هو هو !!
لكن بتضل اذواق وان حد بيعملو بطريئه مختلفه مو غلط يحكيلنا نجرب
~~~~~
المقادير يا درب العنا : ( هاي بتكفي شخصين ونص )
كاستين طحين .. كاسة مي مو ملانه فيها مدوبه نص معلئه زغيره ملح ، هاي العجينة
4 سنون توم متوسطات الحجم مبشوره ناعم ، شوية كزبرة أو بئدونس مفرومه ناعم ، هاي التئلايه
6 علب لبن رايب كامل الدسم ، معلئتين نشا تاعات الأكل مضروبه ع المولينكس ، هاي اللبن
ونص كيلو لحمة ، بصله كبيره مفرومه ناعم عليها فلفل اسود وملح فقط وانا بحط هيل مطحون هاي الحشوة
~~~
الطريقة :
هلأ بنحط الطحين وبننخلو بالمنخل ، وبنبدا نحط المي شوي شوي
بدنا العجين تكون صلبه شوي لكن مو يابسة
انا كيف بعرف انو سار تمام الوضع ؟
بس الجاط اللي بعجن فيه يسير كأنو ولا انعجن فيه نضيف بيلمع بتسير العجين تنضف عحالها !
متل هالصوره :


بنغطيها بنايلون وبنتركها ربع ساعه ترتاح ، بعد ربع ساعه بنرجع نعجنها وبنخليها برضو ترتاح ربع ساعه تانيه .
~~~
بنفرم البصله ناعم ، وبنحط اللحمه تتنشف تماما عنها المي وطبعا بنضيف الفلفل والملح
متل الصورة :


~~~
هلأ العجين جاهزة .. والحشوة شرحو ، وانتِ جاهزه برضو ما هو خلال ما استوت اللحمه وجهزت ترتاح العجينه كنتي انتي نضفتي كل اشي حواليكي


~~~~
بتفردي العجين على مكان نضيف مرشوش بطحين وبترئئيها كتير ئد ما فيكي
وبتئطعيها بفنجان ئهوه
وبتحشيها بمعلئه زغيره لحمه
بتعمليها هلال وبتشئلبيها على بعض تتطبؤ من الناحيتين على بعضيها
بترصيها بصينية مرشوشة طحين ، وبتحطيها بالفرن تتنشف شوي بندون ما تتشوى او يتغير لونها الغايه بس تنشف تماما .





~~~
هلأ بتغلي اللبن على الغاز بعد ما تكوني حطيتِ النشا
وبتسئطي بس بيغلي تمام الششبركات الحلوات
وبس تلت ساعة يغلو على بعض بتحطي التئلاي شوي تتئلب مع اللبن
وبتودي صحن جارتك وبتاكلو صحه وهنا


~~~~
نسيت ؤلكم انا شو تعشيت شنو انا بحوبش الششبرك
هادا زادت معي عجينة ..
رحت فردتها وبشرت عليها جبنه ئشئوان وانا كتيـــــر بحوب الئشئوان والحلوم
وعملتها متلت
وئليتها بشويت زيت وصفيتها من الزيت واكلتها ، طلعت بتشهي

المصدر: شبكة ومنتديات صدى الحجاج

وووووووووووووووووووووووووووووووووووووووووووووووووو
\روع الاكلات

اختي نكهة القهوه لقد فتحتي المنافس
هي اسمها اذان اقطاط
ههههههههههههههههههههههههههههههههه
رايعه
ومبدعه
وصاحبة قلم فذ
وشاعره ترابط على حرف الكلمه

اووووووووووووه بتشهي سلمت يداكي وسلمت يمناكي ويعطيكي الف عافيه يا رب

اقتباس : المشاركة الأصلية كتبت بواسطة كامل السوالقة [ مشاهدة المشاركة ]

وووووووووووووووووووووووووووووووووووووووووووووووووو \روع الاكلات اختي نكهة القهوه لقد فتحتي المنافس هي اسمها اذان اقطاط ههههههههههههههههههههههههههههههههه رايعه ومبدعه وصاحبة قلم فذ وشاعره ترابط على حرف الكلمه

حسستني عمي اني وانا بطبخ بكون فاتحه كتاب للمتنبي
الله يجبر بخاطرك
خلص الك علي اهريكوا طبايخ وصور تتحكوا خلص يختي زهقتينا معدتنا بس شو هي اكتر اكله بتحبها صحيح ؟
بس شو أذان قطاط !!!!! أنا بعرف ؤسمها التاني آذان الشايب اما قطاط ؟!!!
شكرا كتير على المرور والمجاملة الطيبة كل الود والاحترام

اقتباس : المشاركة الأصلية كتبت بواسطة شذى الورد [ مشاهدة المشاركة ]

اووووووووووووه بتشهي سلمت يداكي وسلمت يمناكي ويعطيكي الف عافيه يا رب

شكرا يا زوء شكرا ، انتِ اي طبخه اكتر اشي بتحبي شذى ؟

بحب المحاشي والششبرك

اقتباس : المشاركة الأصلية كتبت بواسطة شذى الورد [ مشاهدة المشاركة ]

بحب المحاشي والششبرك

خلص معناتو الطبخه الجاي ان شاء الله محاشي ولعيونك
شكرا حبيبي وانت كمان كل الخير لإلك

اختي نكهة القهوه
تسلمي يا متنبيت المنتدي وهل حرفك اقل من المتنبي
انتي اكبر بكثير حرفك رائع

اما الششبرك هي اذا الشائب واذان قطاط

تحية كاملة الدسم الى بنت اخوي
اشتقت الى خرابيطك المعجوقة
جارتنا السعودية وششبرك وجبنة مبروشة
ليش مابعثت لجارتك معجنات جبنة مبروشة
ولا لانها غالية شوية
المرة الجاية بدنا نشوف فنونك في الرشوف
ولا ما الك حيلة في صنعه
لأنها اكلة شعبية طفيلية
بعملوها من قلة الحيلة(ضيق ذات اليد) باللغة العربية الفصحى

الصحيح الصحيح
اللي ما بحب الششبرك بس يقرأ طريقة طبخك الها
بصير يحبها
كل التحية الى نكهة القهوة

اقتباس : المشاركة الأصلية كتبت بواسطة كامل السوالقة [ مشاهدة المشاركة ]

اختي نكهة القهوه تسلمي يا متنبيت المنتدي وهل حرفك اقل من المتنبي انتي اكبر بكثير حرفك رائعه اما الششبرك هي اذا الشائب واذان قطاط

أخي الكريم هذا كثير !
أن يكون اسمي الى جانب اسم هذا الكبير !!
اي حكيم كان واي شاعر واي رجل !!!
كم تمنيت لو ان لي آلة الزمن الخرافيه كي اعيش معه يوما واحد فقط فأرى هذا الرجل الذي له كل هذا العقل !!
هذا أمر غايه بالعظمة المبالغ فيها ان اقارن به !
خلص نعتبرها أذان شو ما بدك المهم انها زاكيه !!!