قلاية البندورة على طريقة الطلاب العزابيه

27-10-2008, 08:02

قلاية البندورة على طريقة الطلاب العزابيه

القلاية لها مكانة خاصة عند العزابية مع انها زرعت في بطونهم ولكن تبقى لها مكانتها البندورة العزابيه 154[1].gif

اولا المقادير :-
طبعا الطلاب ما بهمهم المقادير بقدر مابتهمهم التكاليف البندورة العزابيه 034.gif

اخر الاسبوع الكل والحمد لله بكون طفران وبصيروا يدورا هون ربع ليرة في المكتب, هناك نص فوق التلفزيون , مغسل بنطلون وناسي فيه ليرة على طول بسحبها عالمكوى ,اذا في في اذا مافي بيجي توارد الافكار عند الكل وبتفقوا ينزلوا على عمهم ابو انس المحسيري عشان يدينهم تكاليف الطبخة اقصد الوليمة الي بدو يتجمع عليها حوالي كذا نسمة
المهم شو بدكوا في طول السيرة في مشكلة هون مين بدو ينزل ياشباب على عمنا وحبيبنا
انا ما بنزل بدو مني ليرتين ونص البندورة العزابيه hhh9.gif

وانا ما بنزل كمان امبارح اخذت من عنده علبة جل وعلى اساس اليوم اجيبله المصاري
وانا والله بستحي لو تقطعني ما نزلت البندورة العزابيه 159[1].gif

ودب الخلاف في صفوف المسلمين وكادت القلاية تتفركش لولا الله ثم وجود واحد في السكن هذا طبعا بكون اله ست سبع طعشت سنة في الجامعة وقرفان الحياة طبعا الكل بحترمه كونه الشيخ فيهم وبحكمته وخبرته الطويلة في الملاعب بتقنصلو واحد يا حرام لساته طازة سنفور مسخم
شو رايك تنزل على ابو انس وتتدين من عنده كونه لسه مابعرف انك من شلتنا واذا بتنزل ياسيدي بنعفيك من الجلي وترتيب الغرفة ( طبعا على اساس انه الجلي راح ينجلى والغرفة اصلا انها مرتبة )
المسكين ما بكذب خبر وبحماس بقول بتمون على رقبتي انت (بده يثبت حاله من اولها انه زلمة واخو صاحبه)
قول بنزل وفعلا بجيب الاغراض ....... الاغراض الي همي بسمعهم في صحتين وعافية بقولوا عنها المقادير
ياويلي عالمقادير
عشرطعش كيلو بندورة
الزيت بكون واحد امه مدليليته ومعطيته لتر زيت زيتون واذا مافيي بخلوا المسكين يدينوه
طحشة بصل ( والهوش بولع مين يفرم البصل على اساس بحبوا البندورة العزابيه hhh16.gif

وبخافوا الحبيبة تشم ريحة ايديهم)
خمسطعشر قرن فليفلة حارة من الي بسموها فليفلة يهودية لعنة الله على اليهود قولوا امين
ملح
بهارات ابصر لشو المهم بكونوا جايبنها ايام العز

واخر شي
اللحمة وهذي اكيد حسب الرغبة لانه في ناس بتضايق من سيرتها البندورة العزابيه hhh8.gif

الطريقة مافي اسهل منها
الكل بفوت عالمطبخ وكلهم بصيروا شفات البندورة العزابيه 080.gif

بحوسوا البصل وبرموا قرون الفليفلة مع البصل وبعدين برموا شوال البندورة
وما بتسمع فهالمطبخ الا " انا امي بشوفها بتعمل هيك لما نسوي هيك , شو رايك تخلي امك تيجي تعملها بدالنا , لو كثرت الميه , يازلمة هذي ما عليها ولا ذرة ملح ,نسينا نجيب خبز, .......... "
فجاءة الكل بنسحب بكون في مباراة ولا فيلم بروحوا يتابعوه وبنسوا القلاية عالغاز
واشطر واحد فيهم هاذ الي بكون بقرا طب او هندسة هو اول واحد بشم ريحة الحرق :log_ehdaa:
وبهيك بتنحرق الطبخة وبولع الغلاط بينهم البندورة العزابيه 160[1].gif

بس شو حرق ما حرق بتتاكل لو انها صايرة فحمة ,الجوع عاطل وبعد هيك كل واحد بيدور له على جنبية وبرتمي عليها وبصير يعج عالسكارة عج وكأنه ماكل خروف محشي البندورة العزابيه hhh6.gif

وصحتين وعافية البندورة العزابيه h6.gif

ملاحظة حتى تطلع معكوا قلاية طلاب يجب ان يبقى الاكل في نص الغرفة لما واحد يحن عليه ويرفعه
ويجب ان يبقى الجلي مكوم في المجلى على الاقل يومين
ودمتم

المصدر: شبكة ومنتديات صدى الحجاج

27-10-2008, 08:23

والله عيش عزابى صح
ولى عوده بس انا ريح الان على الطفيله ازورها
مستعجل

27-10-2008, 11:41

ههههههههه طريقة منيحة وجديدة ومبتكرة والله للقلاية

صحتين

27-10-2008, 15:55

ابو المجد لا اعتبر هذا رد لانك دائما عودتنا على كلماتك الرقيقة وانا منتظر عودتك من الطفيلة سلم على الاهل

شكرا لمرورك

27-10-2008, 16:08

الاخت ريما شكرا على مرورك

لازم نضل نعلمكوا فنون الطبخ بس الصراحة اكلتين ما بحب اوكلهن الا من الرجال القلاية والمنسف بتحدى امهر طباخة اذا بتعمل مثلهم
ونورت الموضوع

27-10-2008, 16:11

خخخخخخخخخخخخخخخ
قلاية لذيذه ... قلاية حريقه .. دعيقه
اه اه اه اه اه على احلى قلايه
مشكور على الوصفة الجميلة
الان ما تردوا على احمد وداويين الطلاب هذه الوصفه من الحجه ريماااا

قلاية البندوره الحاره

1 ك بندوره حمراء
200 غرام بصل مفروم
100 غرام زيت زيتون
100 غرام فلفل حار
250 غرام عظم خاروف
ملح

الطريقه
غسل البندوره وتقطيعها
وضع الزيت فب إناء المنيوم على نار خفبفه
اضافة البصل للزيت حتى ياخذ اللون الذهبي
اضافة البندوره والفلفل الى البصل مع التحريك المستمر
غسل العظم واضافته للمقادير .
اضافة الملح

الوقت 25 دقيقه

ملاحضه ... قويه جدا
هذه الوصفه اذا طبخت على نار الحطب واكلة في البر فانها لذيذه جدآ جدآ والتجربه خير برهان

صحتين وعافيه

27-10-2008, 17:09

والله شهيتونا على قلاية
خلينا نروح ندور على كيلو بندورة
في ريحة البدري

27-10-2008, 17:11

او شو رايكم بمنسف بلدي

27-10-2008, 17:17

لا تردو على وصفة الحجة واعملوها زي ما انا حكيتلكم اسأل مجرب ولا تسأل خبير لازم تكون القلاية بطعم الغلاط
قال 250 غرام عظم خروووف احنا لاقين البندورة عشان نجيب عظم الخروف

ههههههههه بمزح الوصفة الصح وصفة الحجة
مشكور الاب الروحاني لنا ابو معمر وابقاك الله لكي تغرقنا ب ابداعاتك

27-10-2008, 17:19

يابو الزوزززززز يسلمو يا مان على مرورك وترى الجلي علييييك شم

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	1.46 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.90 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

إحصائية مشاركات »
عرض المواضيـع :	[+]
عرض الـــــــردود :	[+]
بمـــعــدل	0.00 يوميا

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري