بو عرب ...سنحك

بو عرب ...سنحك

رقم (1)
الوضع العربي بخزي
حقيقة لا يمكن ان ينكرها الا واحد هبيله
كل ما قد يخطر ببالك معفن وتالف وخالص كازو
الوضع السياسي سلامة تسلمك ...حارة كل من ايدو الو ..
مش رايح احكي بالسياسة علشان ما تخافو ... مع انه ما في شىء بخوف ..
خلينا بالوضع الاقتصادي ...
وما يغرك انه سعر جلن الكاز ولع وسعر البترول صار 135 دولار .. ما يغرك الوضع خربان ومكشنط وبدو تزييت .ليش :
لانه ما في ادارة عند ابو عرب مافي ادارة موارد ما في تخطيط ولا رقابة ولا تنظيم ..
في عند ابو عرب فساد وهبش ولصوصية وسرقات واهدار موارد بلا حساب .
البترول لعنة علينا والدليل سعرة زاد .... واتخوزقنا اكثر من امريكا واوروبا .
ما تفكر حالك مهم عالميا لانه انت وبترولك وكازك وبطيخك وزبيبك وخروبك وبندورتك وكل مقدراتك ومقدرات كل الى خلفوك ما بتسوى شلن في ميزان اقتصاديات عمالقة الدول العالمية .. وانت مع احترامك لي . لا تسوى شلن مصدي من حيث التأثير على مسار وحركة الاقتصاد العالمي .وبما انك ابو عرب صاحب جخة ونفخة وكبره كذابة و على خازوق فانت تبقى ملخوم وساكت وحاط بنيعك حفاية معفنة ليش لانه عيب عليك تقول انه الوضع مطين عيب عليك وما تكون ابو عرب ابو الجود والكرم ... سنحك وسنح الافكار الساقطة الى بعدك بتغني فيها .. سبعك وسبع هالراس الى ناتعو مثل ثور الدراس ما بتلد لا شمال ولا يمين .... وبما اني زهقت ومليت وقرفت من ابو عرب وخرطة ومرطة وكذبه ...

فلا يسعني الا ان اقول في نهاية هذا المقال الا ( .... عزيزي ابو عرب .... اقلب وجهك )البقية تاتي او البقية بحياتكو .......كلو واحد.

المصدر: شبكة ومنتديات صدى الحجاج