قصة قصيدة

قصة قصيدة

قصة قصيدة للشاعر : سلطان المسلم وهذا الشاعر أصله من الكويت



الشاعر سلطان المسلم كان يحب وحده وبينهم قصة حب بس لما صار ما في مجال يكملون مع بعض لانه قصة حبهم مستحيل تكتمل لـظروف اقوى منه ومنها .. وشاف ان البنت متعلقه فيه وقاعده تضيع على نفسها فرص ثانيه بالسعاده مع واحد احسن منه .. قام ومثل عليها انه يخونها عشان تكرهه وفعلا البنت صدقت انه خانها ومرت الايام والسنين والايام لعبت لعبتها وتلاقى هو وياها في لندن وشافها مع واحد ثاني وكلكم تدرون ايش بيكون نوع المشاعر الي حس فيها وكتب هالقصيده

حبيبتي اسمحيلي بخونك

حبيبتي اسمحي لي بخونك من غلاك
اكرهيني واتركيني وأقتليني يا ملاك
لا صار في موتي حياتك من اكون
اجرحيني واهجريني بس اخون
ادري طريقي صعب
وادري فراقك صعب
حتى رجوعي صعب
ما به حلول,, لكن بقول
اتعذبي يوم,, ويمكن شهر
وانسي السهر وانسي القهر,, وانسيني
عيشي حياتك كلها
بحلوها ومرها
يمكن تلاقي لك حبيب
يصير لجروحك طبيب
وترجع فرحتك ثاني
وتنسى الحب وتنساني
وتترك ديرة احزاني
واشوفك في ليالي الصيف
تمر جنبي كأني طيف
واشوفك مع حبيب ثاني
اشوف بعيونك الفرحة
وحزني شوة اجفاني
وقلبك انبرى جرحه
وقلبي انجرح ثاني
جلست اذكر امانينا
ودمعي حرق اوجاني
وتذبحني اغانينا
وهي جنبي مع ثاني
تضم ايدينها بيده
كأن اليوم ذا عيده
وانا يدي على خدي
وهمي والزمن ضدي
وجتني بنظرة الشفقان
تسأل ليه ذا الاحزان
وبيدها تمسح دموعي
واطفت وقتها شموعي
وبتسأل من تكون انت
وردي صار بعيوني
شفاتي تكتم العبرة
وجهي اظهر حزوني
انا ضحيت من قلبي
وحبي سبت جنوني
رضيت الموت لي وحدي
وتحيا دامها عيوني
بديت بقصتي ابكي
وتبكي من بكى روحي
وقالت قصتك عكسي
حبيبي سبت اجروحي
يخون وعني ما يدري
ولا همه كثر نوحي
تركني مكتفي بغدري
ندهته وكنه ما يوحي
مشيت ودمعتي تبكي
وقلبي سجنه ضلوعي
يبي يصرخ يبي يحكي
وباسي صار في طوعي
رضيت بحكمها القاسي
رضيت السم في كاسي
رسالة حبرها احساسي

احبك لو تكون ناسي

المصدر: شبكة ومنتديات صدى الحجاج