حب وجنون

حب وجنون

تاهت نجوم الليالي واختفت بين السحـاب

والقمرحاير يفكّر : منهوْ غيرك يخلفـه ؟

من يحرر هـالمدينة من دياجـر واكتـآب

من طلاسم حب قديمـة تحتويهـا تكلفـه

قشعريرة هـالمواني حالها دوم اضطـراب

كم مسافر في عيونك و المكاحـل تجرفـه

اسأل الأيام عنك ، عن حكـاوي الانتـداب

كيف كنتي يـا غلاهـم للعـواذل منسفـه

تنحني كل المداين تنضوي لـك احتسـاب

صدقيني المشاعر ، ما هيْ قصة فلسفه

ظلمةٍ هذي المدارس في حيـاة الاغتـراب

بس طريقي صوب قلبك أي وسيلة تعرفـه

يبتدي يومي الدراسي لمَّ افتح هـالكتـاب

ابحث فـكلمة "أحبك" ما تهمني المعرفـه

وش أصل هذي الدفاتر دونها حروفك خراب

تنثبر مليون مرّة دامـك أنتـي المشرفـه

بالفصيح اللي ثكلني اصرخ بْها ، ما اهاب

" ربما في ذات يـومٍ يعبـدوكِ الأسقفـه "

دامني عايش أحبّـك بالجنـون وبالعتـاب

ارسمي سكة حياتـي لـو تبيهـا مقرفـه

الشاعر العامي ( علي الانصاري)

المصدر: شبكة ومنتديات صدى الحجاج