واحد محشش اخر اليل

واحد محشش اخر اليل

مرحباااااااااااااااا

كيفكون؟؟؟

طيبين؟؟ طيبات؟؟

مبسوتين ؟؟ مبسوتات؟؟

عاد لاتسئلون عن حالي لاني مدري وش فيني مريت بليله غريبه عجيبه :M52:
ليله غلب عليها الفهيان الخارج عن المالوف فهيان موب طبيعي
شكيت بعمري اني ماكله تونه منتهيه صلاحيتها

المشكله يوم انك تحاول تنام ومافيه امل كن الموضوع عناد

والمشكله الاكبر والاعظم انك ماتلقى شي يشغلك بذا الليل
فتحت المسن واطالع يمين ويسار :schmoll:
مالقيت ولا احد
مافيه ولا مخلوق ولا احد راز فيسه منتظرني

التلفزيون مافيه شي صاحي وشوي سمعت صوت تنبيه احد داخل المسن قسم فرحت من قلب قلت خلنا نقضيها سالوفات لين يجي الفرج ويجيني النوم


قعدت اشوف منهو قسم ماعرفت منهو

ايميل دخيل على مسني :M52:

الايميل: سلام
قلت : هلا
الايميل : كيفك ام تركي وش مصحيك ؟؟
قلت : من معي؟؟
الايميل : شلون من معك؟ تستهبلين انتي؟؟
قلت : لا والله من معي؟
الايميل: انتي الظاهر تتعاطين شلون ماعرفتيني
قلت : بسم الله اللهم سكنهم مساكنهم وش اتعاطى ماتعاطى وش هالكلام اقول بتقولين من انتي ولا ترى بصكك بلوك
الايميل: ماعرفتيني؟
قلت : لااااا **** قسم خفت :M52:
الايميل: بطلي استهبال
قلت : ياصبر ايوب قسم ماعرفت من
الايميل : سلامات وشفيك
قلت : ياهوو مافيني ولا بلوى بس ابي اعرف مين
طيب عطيني كلمه سريه
الايميل : شلون كلمة سريه ؟؟
قلت : يعني اسمي ولا اسمك ولا سالوفه اعرفك فيها
الايميل : حشا انا داخله استخبارات موب مسن

مالكم بالطويله بعد اخذ وعطى وشد وهوشات عرفتها صقيقتي الي كلمتها العصر شلون ماعرفتها صدق مدري يعني فهاوة اصليه ومستحكمه فيني وبقوة

لا وبالاخر سديت نفسها عن الحكي وراحت:M52:
ورجعت بالحالي ادور احد ثاني اطيره :e:
ومالقيت ورحت قلب المود على اغاني ماخليت شي طلعت الغبره كلها
مرمر زماني طلال وشسمها حرمت احبك وقارئة الفنجان واخر المتمه نمت على فجة النور

ندخل بصلب الموضوووع
يوم اني صحيت لقيت اني كاتبه مدري وشو على ورقه
كاتبه شي ماعرفت افسره حتى في كلمات اتذكر انها اول مره تمر علي كانت بالكليه ونسيتها مدري شلون كتبتها واللغه العربيه الفصحى ماثره فيني بالصميم
ماعرفت وش السالفه وش الموضوع وش المقصد

قلت مالي الا اني اسدحها بالدكه لعل وعسى تشوفون معي وش السالفه

يانبضة من خافقي زهوتي بمدمعي
وتلألأ نوركي عند المغيب بمنبعي

مالي اراكي عدتي بروحي للورى؟
وجئت بحزن الجفون تبغين مضجعي

انظري كم بكت لكي بالحزن جوارحي
وكم جرى دمعك المحزون في اضلعي

يالهف قلبي الغادي ويالهف نفسي
لما في هجوعي ياصغيرتي لا تهجعي؟

هيجت رؤى الارواح من البعيد بخاطري
كلما نعى الناعي لقلبي قلت اسمعي

ماهز قلبي غير جرح دامي يؤرقه
يذيب مقلتي ويذوب صداه في مسمعي

ماهز روحي غير تذكار مضى
فما زلتي له وللاحزان ياثريا تسطعي

يفيض غيثك من الاحداق كلما
اطلت ذكرى من الاعماق تجول بمربعي

تقاسمني الغوادي ربيعي ونفسي وراحة
قد اقسمت يوما الا تبقى معي

ان كان دمعك سر الحياة فارفعي
عن خافقي صمتا واقتربي منه وادمعي

طال لهيب روحي تشتاق ريا
فهل يجوز يادموعي ان تبكي وتخضعي؟؟

"" "

هالحين انا ماكنت مفهيه وشوله هالكلام ؟؟؟
قسم مافهمت شي
هو يعني الارق يولع بالفيوز ولا يلحس المخ؟؟

هذا هو تحشيش اخر الليل
اي مافي غير هالتفسير

الموووهيم عاد انتم فسرووها واللي صاده شي من تحشيش اخر الليل
يقولي تكفون عشان اتطمن اني مو بلحالي

المصدر: شبكة ومنتديات صدى الحجاج