ترقية منتداك في 5 دقائق .. ترقية منتداك في 5 دقائق

ترقية منتداك في 5 دقائق .. ترقية منتداك في 5 دقائق

بسم الله الرحمن الرحيم

السلام عليكم ورحمة الله وبركاته

ما هي اكبر مشكله تواجه الشخص عندما يأتي لـ ترقية منتداه ؟
الجهد والوقت ....

نلاحظ انه الترقيه عادة تأخذ فتره طويله نتكلم من نص ساعه لـ ساعه ونص ...ويعتمد على الي يرقي...

اليوم انا ناوي اشرح الترقيه بـ طريقه انا استعملها عادة مع عملائي ومنتداي

وتتميز انها اسرع و امنه و اسهل....
يقفل الموقع لـ 5 دقائق فقط ..
الجدران الناريه تكون جاهزه..
وملفات الستايلات و الهاكات ايضا تكون جاهزه....
(وتوفر عليك 300 ريال سعودي) << احد يدور اسعار الترقيه السريعه

متطلبات الترقيه :
******s Vista
CuteFTP 8 (في احتمال ما تحتاج برنامج FTP)
انترنت مثل الناس والعالم ....
وبني ادم في مخ شغال....(هذا انت)

أول خطوه :
ندخل السي بنل ....



نضغط GO

وبتفتح الصفحة الخاصه بـ التحكم بـ الملفات ...
اذا ما دخلت مباشرة لـ مجلد Public_HTML ادخل عليه....
الزر الايمن على مجلد الـ VB (منتداك)
واختار (Compress)
بعد الضغط ... حمل الملف المضغوط....

البديل :
افتح برنامج الـ FTP
ونزل المجلد عادي...

ثاني خطوه :

جيب نسخة الفي بي الجديده (مثلا 3.6.8) و جيب مجلد النسخه القديمه حقك...

اول شيء تروح تسويه ...
تفتح النسخه الجديده (3.6.8)
وتروح
vb
includes
وتغير اسم config.php.new
الى
config.php

وتروح لـ مجلد الـ vb القديم ... واذا كنت مغير مثلا مجلد الادمن سي بي وهالشغلات.... ارجع سميهن admincp و modcp (مهم)

اللحين تدخل مجلد الـ vb الجديد وتضلل كل شيء فيه (مجلدات و ملفات) وتسوي نسخ (copy)
وتفتح المجلد الخاص بنسختك القديمه ... وتسوي لصق داخله (paste)....

اللحين بيطلع المربع الاتي :



الصوره هذي يخبروك انه بيتم دمج المجلدات متشابهة الاسماء...
اول شيء تحط صح على المربع الصغير الي تحت...
وبعدين تعمل YES

بتطلع بعدها هالرساله :



وتختاروا اول خيار الله يسلمكم... والصح لا تنسوه...

الي صار في الخطوه هذي :
تم استبدال ملفات نسخة 3.6.7 (مثلا) بـ الملفات الجديده الي هي نسخة 3.6.8
لما يتم المساس بـ الملفات الخاصه بـ الهاكات ابدا...
واحلى شيء انه ملفات الـ .htaccess مكانها يعني الجدران الناريه و الاعدادات موجوده

اللحين ... غير اسم المجلد من vb الى vb2 واضغط الملف (صيغة zip)

اللحين نروح نستخدم الـ FTP (البرنامج) ونرفع الملف المضغوط داخل مجلد public_html
او عن طريق السي بنل ...

المهم بعد الرفع نروح لـ سي بنل



ونختار مجلد public_html اذا ما دخلت له تلقائيا وزر ايمن على ملف vb2.zip وExtract
وبتحصل مجلد الـ vb2 جاهز لك

الخطوه الثالثه
اللحين نيجي لـ انشاء قاعدة بيانات جديده وربطها بـ يوزر جديد
ندخل السي بنل

وبعدين


بيقولوا لك اسم قاعدة بياناتك
xxxx_368
الاكسات تستبدل بـ اليوز الخاص بـ سي بنل

(سوي باك)
انزل تحت شوي وبتحصل جي :



حط يوزر القاعدة وافضل يكون نفس اسم القاعدة عشان ما تصير لخبطه مثلا 368
والباسورد الي يريحك ... في حالتي انا 123456 تكفي

(مره ثانيه نسوي باك)

ننزل تحت .... وبنحصل مثل الي في الصوره :

تختار اليوزر والقاعدة الي انشئتها قبل شوي...
الي نلاحظ اليوزر والقاعدة على هـ الهيئه :
xxxx_368
الاكسات تستبدل بـ اليوز الخاص بـ سي بنل

وبعدين بيتم نقلك لـ صفحة اخرى :




وانتهينا من انشاء القاعدة وربطها بـ يوزر لديه كافة الصلاحيات....

الخطوه الرابعه :

اللحين ننتقل لـ تعديل الكونفيج....

نفتح برنامج الـ FTP الخاص بك...
ادخل على موقعك
public_html
vb2
includes
config.php زر ايمن وEdit (تحرير)



اكتب اسم قاعدة البيانات هنا ... الكلمه الافتراضيه عادة تكون forum
اسم القاعدة تكون كذا: xxxx_368
وتأكد انه ما في مسافات بين اسم القاعده والــــ '

بعدين تروح تغير:



المربع الاول اكتب اسم اليوزر ويكون بنفس صيغة اسم القاعدة ... (عادة يكون الكلام الافتراضي root )
والمربع الثاني الباسورد....(الي انا حاطنها 123456)
وتأكدوا انه ما في مسافات (اول مره في حياتي ركبت منتدى جاني صداع مزمن بسبب مسافه)

ومبروك عليك ....

المرحله الخامسه:
اللحين بدينا فترة الخمس دقائق الي تكلمت عنها
مثل ما قلت لن يتم قفل الموقع الا لـ خمس دقايق (طبعا اذا كنت سريع بـ ما فيه الكفايه)

انا هالمرحله اسويها في 3 دقايق لاني اسويهن كلهن في نفس الوقت ... بس في الشرح لازم اسويها خطوه خطوه...

المهم ...

ندخل الادمن سي بي لـ منتداك

خيارات المنتدى ... (من اليمين)...

وبتطلع القائمة على اليسار طبعا ...

نروح اول شيء لـ إغلاق أو تشغيل المنتدى ونحط لا ... (عشان يقفل المنتدى)
ونروح ايضا نختار نظام الإضافات/الخطّاطيف (Hook ) و نحط لا (عشان تتعطل الهاكات)

وهذيلا 10 ثواني من اصل 5 دقايق...

نروح لـ سي بنل ...
وجنب ايقونة الـ MySQL بتحصل ايقونه ثانيه اسمها PHPMyAdmin اضغط عليها

من اليسار (او اليمين يعتمد على لغة الصفحة).... تختار قاعدة البيانات الخاصه بـ المنتدى الحالي (مو الي انشئناها قبل شوي... القديمه)



المهم بتفتح لك صفحة جديده وفيها جداول واسامي واشياء كثيييره ... انت روح اعلى الصفحة وبتحصل (Operations - عمليات) اضغط عليها وطبق الي في الصوره :



استبدل الاكسات بـ اليوزر الخاص بـ السي بنل...
واضغط جو ...
شو صار بالضبط اللحين ؟
الي صار انه تم نسخ قاعدة بيانات منتداك بالكامل الى قاعدة ثانيه وصار عندك باك اب
اللحين احنا ناوين نرقي القاعدة الجديده (xxx_368) ونخلي القاعدة القديمه كـ باك اب عشان اذا صارت مشكله بكل بساطه ترجع تفتح منتداك (القديم) وكأنه ما صار شيء...
ملاحظه مهمه ... في حالات استضافتك تحسب قواعد البيانات ضمن مساحة موقعك فـ تأكد انه عندك مساحه كافيه قبل ما تعمل هالخطوه

وهذي 20 ثانيه .... (باقي 4 دقايق ونص)

نراجع وش سوينا لـ هذي اللحظه :
حطينا معلومات القاعدة الجديده في الكونفيج
منتداك مغلق
موقفين الـ هاكات
وعملنا باك اب

اللحين نفترض منتداك الجديد (3.6.8) حاط اسمه vb2
نروح نفتح هالرابط
www.example.com/vb2/install/upgrade.php
استبدل example بـ رابط موقعك

ونبدء الترقيه الحقيقه....
نفترض منتداك اصداره 3.6.5 و الاصدار الجديد 3.6.8
الي بيصير بالضبط في البدايه بيتم التحقق اي اصدار معاك (3.6.5)
وبعدين بيتم ترقيته لـ 3.6.6 وبعدين 3.6.7 وبعدين 3.6.8
لذلك حبيت اخبركم ... انه مرات تلاحظ في الترقيه تضغط Next قليله جدا (لانك ترقي من 3.6.7 لـ 3.6.8 مثلا) ومرات تاخذ فتره اطول ....

اذا صادفتك داتا بيز ارور ... اعرف شيء واحد ... بيانات القاعدة في الكونفيج ... غلط او انك ما سويت نسخ القاعدة....

توقف تسوي Next لين تطلع روحك .... واخر شيء بيقولوا لك لازم تمسح ملف install ,,,,
غير انت اسم المجلد بـ الكامل واعمل عليه جدار ناري .... افضل لك لانه له استخدامات اخرى مجلد الـ install

اللحين الله يسلمكم بيحولوك لـ الادمن سي بي (لا تحاول تدخل لانه احتمال كبيرما بتقدر وبيوقف يرجعك لـ صفحة التسجيل) << صارت معي وتوهقت....

(وهذي نقول 30 ثانيه ... وباقي من اصل 5 دقايق 4 دقايق)

روح لـ برنامج الـ FTP وغير اسم المجلد VB2 لـ vb او الاسم الي انت حاطه لـ مجلد منتداك...

ندخل الادمن سي بي لـ منتداك .... ادخل عليها ( في حالة انها جلس يلعب معك المنتدى ورجعك لـ صفحة التسجيل سوي رفرش لـ صفحة وبتحصل نفسك داخل).... << تصير معه

من اليمين تنزل اخر شيء
الـــصيانة
تحديث العدادات...
وحدث عدادات :
ألقاب الأعضاء
إعادة بناء معلومات الموضوع
إعادة بناء معلومات المنتدى
إصلاح الملفات الشخصية المتكسرة للأعضاء

انتهينا من الترقيه ....

افتح المنتدى وفعل الهاكات ... وروح بارك لـ اعضائك

(تحديث العدادات تاخذ دقيقتين)....

ورقينا المنتدى في اقل من 5 دقايق....

الطريقه مجربه على منتدايات كثيره ... ولا تفرق اصلا كثير عن الي انتوا متعودين عليها...

المصدر: شبكة ومنتديات صدى الحجاج