شو ممكن تعمل من هاي المكونات طبخة ؟؟؟؟؟

مرحبا انا رح احاول اطبخلكم كم طبخة تعو نشوف:


اولا:البندورة والبصل والكوسا والبذنجان والفلفل الاخضر ممكن نعمل منهم 1)صينية خضار مع الحمة 2)محاشي مع اللحمة

1)صينية الخضار:بنجيب الخضار الموجود عنا بعد ما نغسله منيح ونقشر الباذنجان والبطاطا ونقمع الكوسا(يعني نقطع الي ع راس الكوساية)بنقطعهم على شكل حلقات،وبعدين بنقليهم شوي بالزيت (وما بنخليهم يستوو تمام لا نص سوا بس) ،وبعدين بنحطهم بالصينية وفوقهم اللحمة .وبنتركها تستوي ع نار هادية عراحتها... لا تنسو البهارات المشكلة والملح ...طبعا حسب الرغبة كل واحد عراحتو...وعلى فكرة في ناس بحطو معها صلصة(مية بندورة)وفي ناس بتعملها عإدامها يعني بدون صلصة متل ما انا عاملة...وادعولي بتشهي

2)المحاشي:بنجيب الكوسا والبيتنجان والفلفل الاخضر وبنحفرهم وبنحشيهم بالخلطة التالية:1-رز2-بهارات3-لحمة مفرومة4-بصل مفروم فرمة ناعمة (حسب الطلب)...وبتتركيها على نار هاااادية تستوي شوي شوي ....ودوقوه ياسلااام

تانيا: ممكن نعمل بالدجاج صينية دجاج بالتوم والبصل:بنضف الجاجة منيح بالليمون والملح والخل...بعدين بنقطع البصل والتوم بنفرهم فرمة ناعمة بس مو كتير وبنحط الدجاحة بالصينية وبنحط معها البصل والتوموكمية البصل والتوم حوالي (راس تومة والبصل حوالي 3 بصلات) وبنحط معها بهارات مشكل وممكن بهات( التشكن تكة) اذا توفرت مع عصرة لمونة كاملة وملح طبعا...


تاتا)سلطة الجرجير:جيبي ضمتين جرجير وفرميهم فرمة خشنة واعصري ليمونة وحطي ملح حسب الرغبة وملعقة سماء كبيرة بس مو مليانة كتير وخلطيهم مع بعض... وادعيلي...

رابع)ا ممكن تعملي جنب كل طبخة رز مفلفل عن طريق :وضع الماء مع القليل من زيت القلي والملح وتستني لما تغلي المي وبعدين بتسكبي الرز المنقوع قبل بربع ساعة تقريبا ..والمغسول جيد.ا فوق الماء المغلي على الغاز .ووطي الغاز على الرز كتير كتير لما يستوي ..وصحة وهنا...


تحياتي للجميع ...ولا تدققو كتير ..بس عن جد زاكيين يعني مجربين لا تخافو...